1 Ka u le ka nau hna, mi tampi cu cawnpiaktu rak si duh hlah u, zeitintiah kannih cawnpiaktu hna hi fak deuh in biaceih kan si lai kha nan hngalh. 2 Zeitintiah kan dihlak in palhnak tampi kan tuah ko. Biachim ah a palh lomi pa cu mitling a si i a takpum zong a uk khawh dih. 3 Kan duh paoh in tuah khawhnak ah rang cu a chak kan hlomh i a takpumpi in kan hruai khawh. 4 Tilawng zong khi zohhmanh u, an ngan ngaingai i thlitu òhawng ngai nih a hranh ko nain a mertu nih a duhnak paoh ah mernak hme tein a mer khawh. 5 Cu bantukin lei zong hi a hmete a si ko nain fak piin aa porhlaw khomi a si.

Mei hmete nih zeitluk tupi ngan dah a khangh dih khawh! 6 Lei hi mei a si. Kan takpum òengnge ah lei hi rawhralnak vawlei a si, kan taksa a pumpi in a zunh dih i takpum sining aa her lengmangmi cu mei in a khangh dih i cu mei cu hell in a thomi a si. 7 Saram siseh, va si hna seh, a lawnmi le nga hna zong minung nih hin ziinter khawhmi an si i a ziinter dih taktak ko hna. 8 Sihmanhsehlaw lei cu zin lakin an hrem kho lo, thihnak sivai in a khat i a um zirziar kho lomi òhat lonak a si. 9 Cuticun Bawipa le kan Pa kan thangòhat i Pathian he aa loin sermi minung chiat kan serh hna. 10 Cu hmurka òhiamòhiam cun thluachuahnak he chiatserhnak he a chuak, u le nau hna cuticun si awk a si lo. 11 Tikhor khor khat chungin ti thaw le ti al hmun khat ah an chuak ti bal maw? 12 Ka u le ka nau hna, theipi kung in Oliv thei, asiloah, mitsurruang nih theipi a tlai bal maw? Cu bantuk cun ti al nih ti thaw a chuahter bal lo.

13 Nan lakah ahodah a fim i a hngalthiam? A òhami nan nunnak in fimthiamnak nih a hrinmi lungnemnak cu nan òuannak ah lang ko seh. 14 Sihmanhsehlaw nan lung chungah nahchuah tuknak le hakkauhnak nan ngeih ahcun biadik lonh in i porhlaw hlah u. 15 Cu fimthiamnak cu cunglei in a rungmi a si lo i vawlei fimnak, thlarau ta a si lomi le khuachia fimnak tu a si. 16 Cu a si caah nahchuahnak le mah karkalak huihthaihnak a umnak ahcun tuaitamnak le òhat lonak phunkip a chuak ko lai. 17 Sihmanhsehlaw cunglei in a rami fimthiamnak cu a pakhatnak ah a thiang, a changtu ah rualremnak, lungnemnak, thlachiat ruahnak le zaangfahnak le tlai òha in a khat i thleidannak le ziathiamnak a kop lo. 18 Cu dinnak theitlai cu remnak a sertu hna nih remnak in an cinmi a si.