JEIM
Cakuat
1
Pathian le Bawipa Jesuh Khrih miòhi keimah Jeim nih Aa òhekdarhmi phun hleihnih hna, a lang in nan kut kan tlaih hna.
U le nau hna, hneksaknak zeikhum nan ton ah zeihmanh ah rel loin lunglawmhnak tu ah ruat ko u; zeitintiah nan zumhnak hneksak a sinak nih khan nan cuar a canter lai. Cu cuar cannak nih cun zeihmanh chambau loin mitling le tlamtlingmi an siter hna lai.
Fimthiamnak a chambaumi nih cun siang ngai le phunzai loin mi vialte a petu Pathian sinah hal seh law a pek ko lai. Sihmanhsehlaw zumhnak in hal ko seh, lungawòawm in um hlah seh, zeitintiah lung aa awòawmmi cu thli nih rili tilet a hranh i a choihmi bantuk a si. 7-8 Lungreptak ngei loin lung aa thlek kho lomi nih cun Bawipa sinin zeihmanh hmuh i ruahchih hlah seh.
Santlailo unau pa cu hlercawi a si tikah a tha nuam ko seh, 10 Òhumhchuk a simi mirumpa zong a thanuam ko seh, zeitintiah mirum hna cu ram pangpar bantukin an ziam te ko lai. 11 Zeitintiah ni a hung chuak i a linh tikah ram cu a carter dih hna; a par an òil i aa dawhnak a ziam. Cuticun mirum zong a kawlhawl cingling piah a ziam te ko lai.
12 Tukforhnak a ing khomi cu mithluachuak a si, zeitintiah hneksaknak a in khawh tikah amah a dawmi hna sinah Pathian nih a kamhmi hna nunnak suiluchin cu a hmuh lai. 13 Tukforh a si tikah ahohmanh nih, “Pathian nih a ka tukforh,” ti hlah seh; zeitintiah Pathian cu òhat lonak in tukforh khawh a si lo bantukin amah zong nih ahohmanh a tukforh bal hna lo. 14 Sihmanhsehlaw mah taksa duhnak lila nih a tukforh, zeitintiah cu nih cun a lemsoi caah a si. 15 Cun taksa duhnak nih sualnak a pawi i a hrin tawn i sualnak cu a hung òhan tikah thihnak a hrin. 16 U le nau hna, dehhlenmi si hlah u. 17 Siang ngaiin pekòhenhmi le a tlingmi laksawng paoh cu cunglei in ceunak Pa sinin a rungmi a si i amah cu thlen hmangmi le a lo te laimi thladem a si lo. 18 Amah tumtahning in a sermi thil lakah tlaiter kan si nakhnga biadik thawngin a kan hrin.
19 Ka dawtmi u le nau hna, hihi hngal ko u, bia theih i cuh u law bia chim cu i cuh hlah u; nan thin zong tawi hlah seh. 20 Zeitintiah thinhunnak nih Pathian dinnak a chuahter lo. 21 Cu a si caah thurhnawmhnak le ziaza chia vialte hlonh in nan nunnak a khamh khotu Pathian bia nan chungah bunh a simi cu lungnemnak in cohlang u.
22 Bia cu a theih lawng a theimi si loin a tuahtu si u, cuti a si lo ahcun mah le mah aa hlengmi nan si lai. 23 Bia cu a theih i a theimi lawng nan si i a tuahtu nan si lo ahcun mipa thlalang ah a mui aa hmumi bantuk men nan si lai. 24 Mipa nih thlalang ah a mui a hmuh i a kal tikah cun zei a lawh kha a philh zau ko. 25 Sihmanhsehlaw phung tling, zalonnak phung, òha tein a rel i aa cinken pengmi, a thei i a philhmi si loin, a tuah in a tuahmi hna cu an tuahmi cungah thluachuahnak pek an si lai.
26 Biaknak lei ah kaa zuam ngai tiah i ruat òung i a lei aa sum lomi pa cu amah le amah aa hleng i a biaknak kha san a tlai lo. 27 Pathian le Pa hmaiah biaknak a thiang i thurhnawmhnak a ngei lomi cu hihi a si: ngakòah le nuhmei an temhinnak ah a vehmi le vawlei sining ah aa thurhhnawmh lomi khi an si.