9
Abimelek Uknak
Cun Jerubbaal fapa Abimelek cu Shekhem khua ah a nu rualchan hna sinah khan a va kal i annih le a nu pale hna cu an phun ningpi khan a chawnh hna i, “Shekhem khua chung i a ummi vialte cu, ‘Nannih caah zeidah a òha deuh, Jerubbaal fapa 70 nih an dihlak in an in uk hna ah maw, pakhat lawng nih an uk hna ah dah?’ tiin an hna chungah va chim tuah u. Cun keimah cu nan ruh le nan sa ka si kha va philh fawn hlah u,” tiah a ti hna. Cun a nu rualchan hna nih cun amah ai in hi bia vialte cu Shekhem mi vialte hna an hna chungah an chim i an lung cu Abimelek zulh awkah khan a tlu deuh, zeicahtiah annih nih, “Amah cu kan unau a si,” an ti. Cun Baal-berith inn chungin ngun phar 70 an pek i cu cun Abimelek nih cun mitoktawlol le mikhongkhol kha aa roih hna i amah kha an zulh. Cun Ofrah khua i a pa inn ah khan a va kal i Jerubbaal fapale hna, a unau hna cu, minung 70, lung pakhat cungah a va thah hna; sihmanhsehlaw Jotham, Jerubbaal fapa a hniang bik tu cu aa thuh caah a tang. Cun Shekhem khuami vialte le Beth-millo khuami vialte cu an i pum i Abimelek cu Shekhem khua lungphun hram i kuhthing pawngah cun siangpahrang ah an ser.
Mah cucu Jotham kha an chimh tikah, Gerizim Tlang par ah cun a hung kai i a dir i fak piin a au i annih cu, “Shekhem mi hna, ka bia ngai tuah u, Pathian nih nan bia a ngaih nakhnga. Voi khat cu thingkung nih an siangpahrang ca i chiti thuh awkah an kal; cun annih nih oliv kung kha, ‘Kan uk tuah,’ tiah an va ti. Sihmanhsehlaw oliv kung nih cun, ‘Minung le pathian hna nih upatnak an hmuhnak ka thau hi kaltak in thingkung hna cung i kui len awkah ka kal hnga maw?’ tiah a ti hna. 10 Cun thingkung hna nih cun theipi kung cu, ‘Nangmah ra law, kan uk tuah,’ tiah an ti. 11 Sihmanhsehlaw theipi kung nih cun, ‘Ka thlumnak le ka tlai òha cu kaltak in thingkung hna cung i kui len awkah ka kal hnga maw?’ tiah a ti hna. 12 Cun thingkung hna nih cun mitsur ruang cu, ‘Nangmah ra law, kan uk tuah,’ tiah an ti. 13 Sihmanhsehlaw mitsur ruang nih cun, ‘Minung le pathian hna an lung a lawmhtertu ka mitsur hang cu kaltak in thingkung hna cung i kui len awkah ka kal hnga maw?’ tiah a ti hna. 14 Khi tikah thingkung vialte nih cun hling kha, ‘Nangmah ra law, kan uk tuah,’ tiah an ti. 15 Cun hling nih cun thingkung hna cu, ‘Nannih nih lungthin tak tein nan siangpahrang ca i chiti nan ka thuh a si ahcun, ka thladem ah hin ra u law, rak i dor tuah u; sihmanhsehlaw cu bantukin a si lo ahcun, hlingbur chung cun mei chuak seh law, Lebanon sidar thing khi kangh dih hna seh,’ a ti hna.
16 “Cucaah Abimelek kha siangpahrang ah nan ser tikah khan nannih nih lungthin tak te le hmaizahnak in nan tuah a si i, cun Jerubbaal le a chungle hna cungah khan, a tuahnak nih a phut bantukin nan tuah a si ahcun § 17 zeitintiah ka pa nih ral an dohpiak hna i a thihphah dengmang i Midian kut chungin an chuah hna; 18 nannih tu nih cun nihin ni ah hin ka pa chungle cu nan doh hna i a fapa 70 kha lungpi pakhat cungah minung 70 cu nan thah hna; cun a salnu fapa Abimelek cu nan rualchan a si caah Shekhem khuami cungah siangpahrang ah nan ser § 19 cun nihin ah hin nannih nih Jerubbaal le a chungle cungah lungthin tak in le hmaizahnak in a tuah nan hei si ko ahcun Abimelek cungah cun i lawm ko u law, anih zong nannih cungah i lawm ve ko seh; 20 sihmanhsehlaw cu bantukin a si lo ahcun, Abimelek chung hin mei chuak seh law, Shekhem le Beth-millo khuami kha kangh hna seh; cun Shekhem le Beth-millo khuami chung khan mei chuak ve seh law, Abimelek kha kangh ve seh,” tiah a ti. 21 Cun Jotham cu a unau Abimelek kha a òih caah a tli i a zam diam i Beer khua ah a kal i khika ah a um.
22 Abimelek nih Israel cu kum thum a uk hna. 23 Cun Pathian nih Abimelek le Shekhem khuami hna karlak ah khan thlarau òhalo a thlah i Shekhem khuami nih khan Abimelek cu an rawi; 24 mah cucu, Jerubbaal fapa 70 hna cung i sumòhen loin an tuahnak kha a tlun i, an thi cu anmah a thattu hna an unaupa Abimelek le a unau hna thah awkah a kut a òhawntertu hna Shekhem khuami cungah khan, chiah a si nakhnga caah a si. 25 Cun Shekhem khuami nih tlangpar hna ah khan amah lamhruang attu dingah mi an chiah hna i anmah pawng in cu lam in a kalmi paoh cu an rak ramh hna; cun cu kong cu Abimelek kha an chimh.
26 Cun Ebed fapa Gaal cu a rualchan hna he Shekhem ah an i òhial i Shekhem khuami hna nih cun amah cungah khan zumhnak an ngei. 27 Cun lo ah khan an kal i an mitsur dum chung i mitsur tlai kha an pumh hna i an nen hna i puai an tuah i an Pathian inn chungah khan an lut i, an ei an ding i Abimelek kha an zawmhtaih. 28 Cun Ebed fapa Gaal nih, “Abimelek cu ahodah a si i kannih Shekhem khuami cu ahodah kan si i a rian kan hei òuan hnga cu? Jerubbaal fapa le a rianòuantu bawi Zebul nih khan Shekhem pa Hamor i a mi hna kha an rian an rak òuanpiak hna lo maw? Cu ti a si ahcun, zeicahdah amah cu a rian kan òuanpiak lai? 29 Hi mi hna hi ka kut tangah um hna seh law, ka hei duh hnga dah! Abimelek cu ka hei òhial diam ko hnga. Abimelek cu ka hei thawh hnga i, ‘Na ralkapbu cu nganter law, hung chuak ngat,’ ka ti hnga,” tiah a ti.
30 Ebed fapa Gaal bia cu khua uktu Zebul nih a theih tikah a thin a kangh in a kang. 31 Cun Abimelek sinah, Arumah ah, lamkaltu a hei thlah hna i, “Zohhmanh, Ebed fapa Gaal le a rualchan hna nih Shekhem khua ah an ra riangmang i nangmah doh awkah khuami kha an forh hna. 32 Cucaah zan ah nangmah le na sinah a ummi hna kha kal u law, lo in rak bawh hna u. 33 Cun zinglei ah, ni a chuah cangkate in, tuan tein tho u law, khua cu nam u; cun amah le a sinah a ummi hna nih nannih doh awkah an chuah tikah, caan nih a sersiamning in an cungah tuah u,” tiah a ti.
34 Cun Abimelek le a sinah a ummi vialte cu zan in an tho i phu li in Shekhem cu an bawh. 35 Cun Ebed fapa Gaal cu a chuak i khua hauka luhnak ah cun a dir; cun Abimelek le a sinah a ummi hna cu lamhruang ahnak khan an hung chuak. 36 Cun Gaal nih mi kha a hmuh tik hna ah Zebul cu, “Zohhmanh, tlangpar in mi an rung khi!” tiah a ti. Cun Zebul nih anih cu, “Tlang thla khi minung bantukin na hmuh hna i a si ko lai,” tiah a ti. 37 Gaal nih, “Zohhmanh, ram laifang in mi an rung òum khi, cun phu khat cu Camhthiammi Hna Kuhthing lei in an ra khi,” tiah a ti òhan. 38 Cun Zebul nih anih cu, “Khuazei ah dah na kaa kha a si cang kun, nangmah nih a si lo mei, ‘Abimelek cu ahodah a si i a rian kan òuan hnga cu,’ na rak ti kha. Mah mi hna hi zei i na rak rel lomi kha an si lo maw? Chuak law, i tawng tuah ngat u,” tiah a ti. 39 Cun Gaal cu Shekhem mi hna hmai bik ah khan a kal i Abimelek he an i do. 40 Cun Abimelek nih a dawi i a hmaiah a zam; mi tampi hmapu in an ril, hauka luhnak tiang. 41 Cun Abimelek cu Arumah ah a um; cun Zebul nih Gaal le a rualchan kha a dawi hna i Shekhem ah cun an um kho ti lo.
42 A thaizing ah mi cu lo ah an kal. Cu kong cu Abimelek kha an chimh. 43 A mi kha a lak hna i phu thum ah a cheu hna i lo in an bawh hna; cun a hei zoh i mi kha khua chungin an chuah kha a hmuh, cun a rak tuk hna i a thah hna. 44 Lo chung i a ummi vialte kha phu hnih hna nih khan an nam hna i an thah lio hna ah khan, Abimelek le a sinah a ummi phu kha an le i khua hauka luhnak ah khan an dir. 45 Cun cu ni cu chun nitlak in Abimelek nih khua kha a tuk; a tei i a chung i a ummi kha a thah hna; khua kha a hrawh cikcek i cite a phulh.
46 Shekhem Innsang i a ummi vialte nih cu thawng cu an theih tikah El-berith inn ralhruang chungah cun an lut. 47 Shekhem Innsang mi vialte hna cu hmunkhat ah an i pum tiah Abimelek kha an chimh. 48 Cun Abimelek cu a sin i a ummi vialte hna he tiah Zalmon Tlang ah an hung kai; cun Abimelek nih hreitlung pakhat aa put i chawlthep bur khat a sam i a tun i a liang ah aa chawnh. Cun a sin i a ummi hna kha, “Ka tuahmi nan hmuhmi hi khulrang tein ka tuah bantukin tuah ve u,” tiah a ti hna. 49 Cucaah an dihlak in bur khat cio an i sam i Abimelek zulh in ralhruang hngauh in an chiah cio i an cung i ralhruang cu an khangh i cucaah Shekhem Innsang i a ummi vialte zong cu an thi, pa he nu he 1-000 tluk an si.
50 Cun Abimelek cu Thebez ah a kal i Thebez cu a chim i a lak. 51 Sihmanhsehlaw khua chungah cun a òhawngmi innsang pakhat a um i khua chung mi vialte cu cuka ah cun an zam dih, nu he pa he an dihlak in, cun cuka ah cun an i hrenh khumh; cun innsang inncung ah cun an kai. 52 Cun Abimelek cu innsang ah cun a ra i a tuk i innsang innka kha mei in duah awkah a hei naih. 53 Cun nu pakhat nih rialnak lung a cunglei khin Abimelek cu a lu ah a vun cheh i a lu cu a kuai. Ref 9.53: 2Sam 11.21 54 Khi tikah a hriamnam putu tlangvalpa cu khulrang in a auh i, “Na vainam kha i zuh law, ka that tuah, cu ti a si lo ahcun, ‘Nu pakhat nih a thah,’ an ka ti sual hnga,” tiah a ti. Cun a tlangvalpa nih cun tleng lakin a chunh i a thi. 55 Cun Israel mi nih Abimelek a thih kha an hngalh tikah anmah le an inn cio ah an tlung. 56 Cuticun Pathian nih Abimelek cu, a pa cung i òhat lonak a tuahmi, a unau 70 a thahmi hna ruangah khan, teirul a cham; 57 cun Shekhem khuami hna an òhat lonak zong kha Pathian nih anmah lu cung lila ah a tlakter i Jerubbaal fapa Jotham chiatserhnak kha an cungah a tlung.