2
Bawipa Vancungmi Nih Bochim Ah A Chimh Hna
1 Cun Bawipa vancungmi cu Gilgal in Bochim ah a hung kal. Cun amah nih, “Izipt ram in kan hunpi i na pupa hna sinah pek awkin chiat ka sermi ram chungah kan luhpi. ‘Nangmah he ka biakamnak cu ka hrawk bal lai lo i
2 hi ram i a ummi hna he hin biakamnak zeihmanh na tuah lai lo; an biakòheng cu na hrawh dih hna lai,’ tiah ka ti. Sihmanhsehlaw nawl kan pekmi cu na ngai lo. Na tuahmi hi zeidah a si? Ref 2.2: Exo 34.12-13; Deu 7.2-5
3 Cucaah atu cu, na hmai in ka òhawl hna lai lo, ka ti; sihmanhsehlaw na caah dohtu an si lai i an pathian cu na caah rap an si lai,” tiah a ti.
4 Bawipa vancungmi nih hi bia cu Israel mi vialte hna sinah a chim tikah, mi hna cu fak piin an òap.
5 Cun cuka hmun cu a min ah Bochim an sak; cuka ah Bawipa sinah rai an thawi.
Joshua Thihnak
(Jos 24.29-31)
6 Joshua nih mi kha a òinter hna tikah, Israel mi hna cu ram kha co awkah anmah le an covo cio ah khan an kal.
7 Cun mi hna nih cun Joshua nunchung le Joshua hnuah a nungmi upa, Israel mi caah Bawipa nih rian ngan a tuahmi vialte a rak hmutu hna an nunchung ah cun Bawipa rian kha an òuan.
8 Cun Nun fapa Joshua, Bawipa sal cu, kum za le kum hra a ti ah a thi.
9 Efraim tlangram chung, Gaash Tlang chaklei i Timnath-heres chung i amah covo ramri chungah cun an vui. Ref 2.9: Jos 19.49-50
10 Cun cu chan mi vialte zong cu an pupa hna sinah pumh an si; cun annih hnuah Bawipa siseh, Israel ca i a tuahmi rian siseh, a hngal lomi chan thar a hung chuak.
Israel Mi Nih Pathian An Hlawtnak le Biaceihtu Hna
11 Cun Israel mi nih Bawipa mithmuh i thil òhalo a simi kha an tuah i Baal kha an biak hna.
12 Bawipa an pupa hna Pathian, Izipt ram in a chuahpitu hna kha an hlawt; an velchum i a ummi hna pathian hna lak hin pathian dang kha an zulh hna i an hmaiah an kun i Bawipa cu a thin an hunter.
13 Bawipa cu an hlawt i Baal hna le Ashtaroth kha an biak.
14 Cucaah Bawipa thinhunnak cu Israel cungah a alh i miramhtu hna sinah khan a pek hna i an ramh hna; cun an pawngkam i a ummi an ral hna kut chungah a zuarh hna, cucaah annih nih an ral kha an celh kho ti hna lo.
15 Ral doh awkah an chuah fate Bawipa kut cu a chia lei in an caah a um, Bawipa nih ralrinnak a rak pek hna bang le an sinah chiat a rak ser bang khan; cucaah vansang au in an um.
16 Khi tikah Bawipa nih biaceihtu a chuahter hna i annih cu annih a ramhtu hna kut chung khan an khamhtu hna kha an si.
17 Asinain annih nih an biaceihtu hna bia cu an ngai hlei lo; annih nih pathian dang sinah khan hlawh an hlang òhiamòhiam ko i annih hmaiah khan an kun òhiamòhiam ko; Bawipa nawlbia a rak ngaimi an pupa hna nih an rak zulhmi lam khan an pial zau i annih tuah bantuk khan an tuah lo.
18 Bawipa nih an caah biaceihtu a chuahter fate, Bawipa cu biaceihtu sinah cun a um i biaceihtu nih cun amah chan chung vialte cu an ral hna kut chungin a khamh hna; zeicahtiah annih kha a hremtu hna le vansang au in a tuahtu hna ruang i an hrum-ainak nih khan Bawipa cu an cungah vel a ngeihter.
19 Sihmanhsehlaw biaceihtu cu a thih fate, annih cu an i mer òhan i an pale nakkhan chia deuh in an nung, pathian dang kha an zulh hna i an biak hna i an hmaiah an kun; an tuah tawnmi le lungkhong lam an zulh tawnmi kha pakhat hmanh an hlaw hna lo.
20 Cucaah Bawipa thinhunnak cu Israel cungah a alh i, “Hi mi hna nih hin an pupa hna sinah nawl ka pekmi ka biakamnak kha an hrawh i ka bia kha an ngaih lo caah,
21 hi hnu hi cu annih hmai in, Joshua nih a thih tikah a nganhtami miphun hna kha, ka dawi ti hna lai lo,
22 an pupa hna bantuk khan Bawipa lam kha an zul lai maw zul lo tiah Israel mi cu hneksaknak caah annih cu ka hman hna lai,” tiah a ti.
23 Cucaah Bawipa nih hi miphun hna cu hmakhatte ah dawi loin a umtak rih hna i Joshua kut chungah khan a pe hna lo.