40
Cun Bawipa nih Job cu a thawh i:
“Minung nih Lianngan Bik
he bia an i al tikah hin
lungòhawng in um awk a si maw?
Pathian he bia aa almi nih hin
a leh òhan awk
a si hnga maw?” a ti.
Cun Job nih Bawipa cu a leh i:
“Zei rel awktlak a si lomi kei nih hin
nangmah cu zeitindah
kan leh khawh lai?
Ka kut in ka ka kaa huh ah
a òha deuh lai.
Voi khat ka chim cang i
ka chim ti lai lo;
Voi hnih ka chim cang i
cu bantukin
ka chim òhan ti lai lo,” a ti.
Pathian Òhawnnak A Langhnak
Cun Bawipa nih Job cu phuchim chungin a leh i:
“Na tai i sawmh law pa bantukin
dir tuah;
Bia kan hal lai i na ka leh lai.
Nangmah cu na ding lo na ka ti ngam
lai maw?
Asiloah, nangmah cu na din nakhnga
keimah cu na palh na ka ti lai maw?
Pathian kut bantuk kut na ngei maw?
Amah aw bantukin khuarit in
na ri kho maw?
 
10 “Lianhngannak le hmaizahnak in
i fam law
Sunparnak le rumra in i thuam tuah.
11 Na thinhunnak cu chuahter law
aa porhlawmi paoh cu zoh hna law
òhum hna.
12 Aa porhlawmi paoh cu zoh hna law
tangah òhum ko hna;
Cun miòhalo hna cu an dirnak ah khan
lam hna.
13 Leidip lakah khan hmunkhat ah
thup dih hna;
Hngalh lomi thlan ah khan
thup men hna.
14 Khi tikah nangmah cu, nangmah
orhlei kut lila nih an khamh khawh
ti kha kan hngalhpi lai.
 
15 “Tisartlam, saram vialte bawi khi
ruat hmanh,
Saòil cu ram bantukin a ei hna.
16 A tai i a thazang le a paw tit i
a òhawnnak khi zoh hna hmanh.
17 A mei cu sidar thing bantukin
a òhom i
A phei thahri cu a phiar in
an i phiar.
18 A ruh hna cu dar peng an si,
a kutke hna cu thir tluan an si.
 
19 “Amah cu Pathian sermi thil hna
lakah pakhatnak a si;
Amah tluk a simi kha a uk hna.
20 Tlang cung i a tlongmi saòil kha
a rawl ah a seh hna i
Ramlak saram vialte cu
a khai dih hna.
21 Tumpu bur tangah a bawk,
phaikung tang le cerh ah aa thup.
22 Tumpu bur nih thladem a demh i
tivate inhliam kung nih an kulh.
23 Tiva cu a hung lianh zongah
a thin a phang lo;
Jordan Tiva nih a ka tiang
phan hmanh seh law a duh in
aa chawk ko.
24 Aho tal nih sio in an sio kho maw?
A hnar ah rap hri in
an thil kho maw?