39
1 “Tlang cung sathar hna nih zeitik
ah dah fa an hrin kha
na hngal maw?
Sazuk nih zeitik dah fa a hrin kha
na ngia maw?
2 An pawi chung kha thla zeizat dah
a si na rel kho maw?
Cun an hrin caan kha na hngal maw?
3 Zeitik ah dah an bawh i
an fale cu an hrin hna i
an fale cu an chuah kha
na hngal maw?
4 An fano tete cu an hung òhan i
ramlak sawhsawh ah khan
an tlon i an kal i kir òhan
ti loin an tlah kha zeitik ah dah
a si na hngal maw?
5 Siria ram i ramlak laa hna cu
aho nih dah an duhduh in
a tlonter hna?
Arabia ram i ramlak laa hna cu
aho nih dah luatnak a pek hna?
6 Thetse ram cu an umnak ding caah
ka pek hna i
Cite nelrawn cu an khuasaknak caah
ka pek hna.
7 Khuapi chung rihaw kha an rem lo i
mawngtu au len thawng kha
ngaih an duh lo.
8 An tlonnak cu tlang cungah khan
a si i a hringmi thil kip kha
9 “Fungtum nih na rian òuan
a duh lai maw?
Na saòil inn ah a riak duh lai maw?
10 Amah cu lei rinkuar rinnak ah hri
na banh khawh lai maw?
Na hnu in lei rinkuar cu leitlang
den in a run ngetter hna lai maw?
11 Amah cu a thazang a òhawng ko nain
naa bochan khawh lai maw?
Na rian cu amah kha na rinh khawh
lai maw?
12 Amah cu a ra kir lai i na phuhri ah
na rawl cu a rak phorh hna lai, tiah
13 “Ostrik va nih porhlaw ngaiin
a thla a khawn,
A thla le a hmul kha
an tlawm tuk caah,
14 Leidip nih run lumh te ko hna seh tiin
vawlei ah a ti cu a kaltak hna.
15 Ke nih kuai lak in a lamh sual hna
lai i
Ram sa nih an cilnan sual hna lai
ti kha a philh.
16 A fale cu amah fale lo bangin
a òhuat a den hna.
A òuannak cu pakpalawng a si sual lai
tiah phannak a ngei lo.
17 Zeicahtiah amah cu Pathian nih
fimnak kha a pe lo i
Hngalhthiamnak kha a tinter lo.
18 Hmunsang ah arhli bantukin
aa chawk i
Rangtum le a cung i aa citmi kha
zeihmanh ah a rel hna lo.
19 “Rangtum cu a òhawnnak kha
nangmah nih na pek maw?
A hngawng kha a tuang in
na thuamh maw?
20 Khaubok bangin na pehter maw?
A hnar tum thawng cu òihnung a si.
21 Nelrawn ah khan a ke a chaih i aa cer,
Hriamnam he a rak ummi kha
a thazang dih-umnak in
a hei nam hna.
22 Òihnung kha a nihsawh men ko i
lung dongh a hngal lo;
Vainam hmaiah khan a con in
a kim lo.
23 A cungah cun thal bawm kha
aa khawng i a tleumi fei le
feikawl kha an i lek.
24 A zit in aa zi i aa chaih i muko
aw thawng a theih tikah
a chak tlaih khawh a si ti lo.
25 Muko thawng a rin tikah
a hnar a phit i,
I tuknak cu a rim in a theih i
haotu pawl an au le
26 “Muvanlai nih cungsangpi ah a zuan i
a thla thlanglei ah a zam cu
nangmah nih maw na cawnpiak?
27 Mupi nih cunglei ah a zuan i
cung sangpi ah a bu a ser khi
nangmah nawl pek in maw a si?
28 Lungpang cungah a um i a chengmi
lungpang himnak hmun ah a bu kha
a ser.
29 Khika hmun cun cawi awk kha
a ngiat hna;
Lamhlatpi ah khin a mit nih
a hei hmuh khawh hna;
30 A fale cu thisen in a cawm hna;
Saruak umnak hmun ah, khika ah
langta cu a um,” tiah a ti. Ref 39.30: Mat 24.28; Luk 17.37