38
Bawipa Nih Job A Hruhnak Kha A Langhter
1 Cun Bawipa nih phuchim chungin
Job cu a leh i:
2 “Hngalhnak aa tel lomi bia in
fim chimhnak a muihtertu hi
ahodah a si?
3 Na tai i sawmh law pa bantukin
dir tuah,
bia kan hal lai i na ka leh tuah lai.
4 Vawlei hram ka rak ser lioah hin
khuazei ah dah na rak um?
Na hngalh i na theih ahcun
ka chim tuah.
5 A hmet a ngan zei ngaw si seh ti kha
aho nih dah a khiah?
Cucu na hngalh awk a si.
Asiloah, tahnak hri kha a cungah
aho nih dah a zam?
6-7 A dohtu a tung pipi hna cu
zei cungah dah an dir?
Deirel arfi hna cu hmunkhat ah
hla an sak i
Pathian fapa vialte hna lunglawm in
an au tikah khan,
Aho nih dah a killung kha a bunh?
8 Rili cu tilian in paw chungin a chuah
tikah khan aho nih dah a rak zoh? Ref 38.8-11: Jer 5.22
9 Rili cu khuadawm in puan zual in
ka rak zual i minmei chungah khan
ka rak tuam i,
10 A ramri ka serpiak i hrenhnak le
innka ka chiah hna i,
11 ‘Hi tiang hi na ra lai, hi pin hi cu
na kal ti lai lo,
Cun hika ah hin aa porhlawmi na tilet
hna cu an dong lai,’ ka ti.
12 “Na chuahka in, fingrei cah cu,
na caan a si cang tiah na ko bal i
Zinglei cu hihi nang hmun a si, tiah
na hmuhsak bal maw?
13 Vawlei kha a tlang in i tlaih i
fizang cu a umnak hmun khan
thin awkah,
Zinglei cu na cawnpiak bal maw?
14 Tlak cu minkhenhnak in nam tikah
a cungah a mui a hung langh
bantukin,
Zeizong vialte cu puan bil bantukin
an langh ve tiang vankam cu
a hun ceuh tikah,
15 Fizang cu a ceunak kha a lo i
arfi cu pakhat hnu pakhat in an lo.
16 Rili a hna ah na lut bal cang maw?
A thuhnak hmun tah
na phan cang maw?
17 Thihnak kutka hna cu na sinah phuan
an si cang maw?
A thukmi muihnak kutka a cawngtu
hna cu na hmu bal hna maw?
18 Vawlei a kauhning hi na hngal maw?
Hi vialte hi na hngalh ahcun,
ka chim tuah.
19 Khuazei ah dah ceunak umnak
hmun i va kalnak lam cu a si?
20 Nangmah nih annih cu an ram leiah
na kalpi kho hna maw?
An inn lei lam ah cun
na zul kho hna maw?
21 Na hngalh òheoòheo lai, cu caan ah
cun na rak chuak cang cu ta,
Na chan a sau hringhran cang hi ta!
22 “Hawhra khonnak inn kha
na lut bal maw?
Rial khonnak inn kha
na hmu bal maw?
23 Mah cucu harnak ni caah ka khonmi
an si i
I doh le i tuk ni caah ka chiah hna.
24 Zei lam in dah linhnak cu
khuazakip ah òhek a si i
Nichuahlei thli nih vawlei cungah
25 “Aho nih dah ruahpi kha kahcham
a cawhpiak i
Aho nih dah òotho caah khan
lam a sial?
26 Mi an um lonak ram i ruah surter
awkah le,
Mi an um lonak thetse ram i ruah cu
surter awkah;
27 Cun ram car le ram king hninhnoter
awkah le,
Vawlei ro ah ram hring chuahter
awkah khan,
28 Ruah nih hin pa a ngei maw?
Dapti dor hi tah aho nih dah a hrin?
29 Aho paw chungin dah tikhal cu
an chuah i van in a tla tawnmi
hawhra hi aho nih dah a hrin?
30 Ti cungah khan lung bantukin
aa phah i a thukmi cungah khan
a khal.
31 “Firuk òemnak hri cu
na òem kho maw?
Asiloah, Likuk-canthum hri cu
na phoih kho maw? Ref 38.31: Job 9.9; Amo 5.8
32 Mazzaroth cu an caan te ah
na hruai kho hna maw?
Fizang cu an fale hna he lam
na hmuhsak kho hna maw?
33 Van a uktu phung hna khi
nangmah nih maw na ser hna?
Vawleicung thil umtuning a uktu
phung hna hi nangmah nih dah
34 Nangmah cu ruahpi ban ngaw nih
an surh nakhnga, khuadawm khi
nawl na hun pe kho hnga maw?
35 Nimtlau cu, kal tuah, tiah na ti ahcun,
‘Ka kal lai,’ tiah an ti hnga maw?
36 Aho nih dah khuadawm chungah
khin fimnak a chiah i
minmei cu hngalhnak a pek hna?
37-38 Vawlei cu thir bantukin a hah i
leitlang hna cu pakhat le pakhat
an i sengh dih tikah,
Ahodah ruah kha kawh khawhnak
dingah le vancung ti khonnak cu
phongh khawhnak dingah,
fimnak a ngei?
39-40 An kua ah an bawh i ram bur lakin
seh ding sa an bawh lioah,
Chiandeihpi cu a sa ei ding kha
na kawlpiak kho in
Chiandeih no hna cu an paw
na khimter kho hna maw?
41 Langak cu a fano hna kha rawl lo
ruangah an onh lengmang tikah,
Aho nih dah rawl a pek hna?