34
Elihu Nih Pathian Cu Thiam A Phawt
Cun Elihu nih a bia cu a peh i:
“Ka bia hi thei tuah u,
nannih mifim hna,
Nan hna ka chit tuah u, nannih saupi
hngalhnak a ngei cangmi hna;
Dang nih rawl kha a teh bantukin hna
nih bia kha an hneksak ve hna. Ref 34.3: Job 12.11
A dikmi kha kanmah tein
i hneksak u sih,
A òha taktakmi kha kannih nih
i khiak u sih.
Zeicahtiah Job nih aa thawh i, ‘Kei cu
sualnak ka ngei lo i Pathian nih
ka dinnak kha a ka lakpiak;
Ka ding ko nain kei cu lihchim ah
rel ka si;
Ka hma cu damh khawh ding a si lo,
phungbuarnak zeihmanh ka tuah lo nain,’ a ti.
Job bantuk hi mi zeital
an um bal maw?
Holh dawh lo kha tihal in a haal i
Hawikom òhalo he khualtlawn
a duh i miòhalo hna he
a kal òi tawnmi kha?
Zeicahtiah amah nih cun aa thawh i,
‘Pathian cung i i lawmh nih hin
minung caah zeihmanh
òhathnemnak a tuah lo,’ a ti.
 
10 “Cucaah ka bia thei tuah u, nannih
hngalhthiamnak a ngeimi hna,
Pathian nih cun òhat lonak a tuah
naisai lai lo i
Lianngan Bik nih cun palhnak a tuah
naisai lai lo.
11 Zeicahtiah mi cu an rianòuanning
bantukin a lehrulh hna i
An ziaza ning bantukin an cungah
a tlunter. Ref 34.11: Slm 62.12
12 Biangai tein, Pathian nih òhat lonak
a tuah lo i
Lianngan Bik nih dinnak cu
a merh lo.
13 Aho nih dah amah cu vawlei hi
na zohkhenh lai tiah nawl an pek i
a cungah vawlei pumpi hi
an khinh?
14 A thlarau kha amah sinah
a kirter òhan i
nunnak petu thaw kha amah sinah
a kawh òhan ahcun,
15 Titsa vialte cu hmunkhat ah
an rawk dih lai i minung cu
leidip ah a kir òhan ko lai.
 
16 “Cucaah Job, hngalhthiamnak
na ngeih zinpan ahcun,
mah hi thei tuah;
ka chimmi cu ngai tuah.
17 Dinnak a huatu nih cun uktu a si kho
bal hnga maw?
18 A ukning a òhat tuk caah, siangpahrang hmanh
kha, ‘Santlai lo,’ a ti kho i,
Tuavon hmanh kha,
‘Zei òhahnem lo,’ tiah
an hmai hrimhrim ah a ti ngam i,
19 Bawi kha a duhdanh hna lo i
mirum kha misifak hna nakin
a upat hlei lomi siangpahrang cu,
Nangmah nih sual na phawt ko maw?
Zeicahtiah annih cu an dihlak in
Pathian sermi an si,
20 Hmakhatte ah zanòim ah a thi khomi an si;
A tawngh hna tikah mirum cu
an lo ko,
Miòhawng hna cu minung kut in
si loin an lo ko.
21 A mit in minung an lam cu a zoh i
an kehlan vialte cu a hmuh dih.
22 Thil òhalo tuahtu hna an i thuh
khawhnak dingah
Thuhnak thladem a um lo i a thukmi
muihnak zong a um lo.
23 Pathian hmai i biaceih awk i
chuah awkah minung ca i
tinhmi ni a um lo.
24 Dothlatnak kha zeihmanh a tuah lo,
sihmanhsehlaw a òhawngmi kha
a hrawh hna i an hmun ah
midang a chiah hna.
25 Cucaah an tuahmi vialte kha
pakpalawng ah a canter i
Zan ah khan a merhnawh hna i
an kuai dih.
26 An òhat lo ruangah a tuk hna i zapi
hmuh hngan ah a chimhhrin hna.
27 Zeicahtiah amah nawl ngaih kha
an ngol i a lam kha zei ah an rel lo.
28 Khi tikah sifakmi aunak kha a hna
chungah a phan i hremmi hna
aunak kha a theih.
29-30 Dai tein a um zongah aho nih dah
sual an phawt khawh lai?
A hmai kha a thuh tikah aho nih dah
an mawhchiat khawh lai?
Lung a khongmi miphun le
a mi vialte hna cungah,
Pathian zei i a rel lomi siangpahrang
kha an bawi i a ser bel ah zeitindik
a si hnga?
 
31 “Abiana ah, Pathian cu
hei i thawh law,
Ka luan cang, òhat lonak cu ka tuah ti lai lo;
32 Santlai lomi misual ka si ko,
nangmah nih lam ka hruai,
Òhat lonak ka tuahmi paohpaoh kha
zeihmanh ka tuah ti lai lo,’
hei ti law
33 Hi na bia thawng hin amah
na hlawtnak cu
an ngaihthiam lai maw?
Keimah nih si loin, nangmah nih
naa khiah awk a si;
Sihmanhsehlaw zeitindah na leh
khawh lai?
34 Mifim mi nih cun hitin an ti lai i
Ka chimmi a theitu mifim hna
nih cun hitin an chim lai.
35 ‘Job nih hin hngalhnak ngei loin
a chim, a chimmi ah hin
sullam a um lo.
36 Bialehnak a chimmi hi miòhalo
mi hna bialehnak bantuk a si ve
caah hin
Zawnruah lo tein hneksak si ko seh.
37 Zeicahtiah sualnak ah hin
ralthawhnak a chapchih i
Pathian kha dong loin
a thangchiat,’ ” tiah a ti.