24
Pathian Nih Òhat Lonak Kha Zei Ah A Rel Lo Tiin Job Kha A Zai
1 Zeicahdah Lianngan Bik nih
biaceih caan cu a khiah lo i
amah a rianòuantu hna caah
dinnak in biaceih ni kha a chiah lo?
2 Miòhalo nih ramri lung kha an òhial i
tuu kha an fir hna i
anmah tuurun chungah
an fonh hna.
3 Ngakòah kha an laa an chuh hna i
nuhmei kha an leiba
a cham hlantiang
an cawtum kha an hren.
4 Sifakmi kha lamthlang ah an en hna,
mirethei kha an zam i an i thup.
5 Cucaah misifak cu thetse ram ah
rawl kawl in a vak lengmangmi
laa bantukin tuan tein a tho,
Sihmanhsehlaw khuamuih tiang
a òuan nain a fale cu rawl òam in
an um ko.
6 Anmah ta a si lomi lo ah khan
rawl an òuan i
Miòhalopa dum chungah khan
mitsur thei lawh rian an òuan.
7 Zan khuadei taklawng in puan loin
an it,
Khuasik ah vorh awk puan
an ngei lo.
8 Tlang cung ruah nih a surh hna i
an cin dih,
Dornak a um lo caah lungpi ah
9 Ngakòah kha miòhalo nih sal ah
an ser hna i
Misifakpa a fa kha a leiba caah
an tlaihpiak.
10 Pumlawng in, puan loin, rianòuannak
ah an kal,
Rawlòam in faphal kha an thiar;
11 Miòhalo mi hna oliv kung tlar lakah
khan oliv chiti an sur,
Mitsur cu an nen, sihmanhsehlaw
an ti a hal.
12 A thi cuahmahmi hna cu khuapi
chungin an hrum an ai i
Hliammi hna cu bawmhnak hal in
an au;
Sihmanhsehlaw Pathian nih
an thlacamnak cu zeihmanh ah
a relpiak hna lo.
13 Chun ceunak kha a doh i a lam kha
a hngal lo i
Ceunak lam ah khan a um duh lomi
an um.
14 Lainawng cu sifak le retheimi kha
thah awkah ceu hlan in a tho;
15 Mi nupi a sualpitu nih cun khuamuih
kha aa caan i,
‘Aho nih an ka hmu lo,’ tiah a ruah.
16 Zan ah mifir cu a vak i a hmai cu
hlennak in aa khuh,
Chun i aa chingchiah ciami inn kha
zan ah cun a bauh hna.
An dihlak in ceunak a hngal lomi
an si,
17 A muimi zan cu an caah zingka a si,
Zeicahtiah annih cu a thukmi
muihnak hawikom kha an si.
18 “Cu bantuk mi hna cu ti cung i
buanbara bantuk an si;
An comi hmun cu chiatserhmi hmun
a si i an mitsur lo ah
ahohmanh an kal duh lo.
19 Carnak le linhnak nih hawhra ti cu
an kaoter hna,
Cu bantukin a sualmi cungah Sheol
nih a tuah ve.
20 Ahohmanh nih amah cu
an hngal ti lo,
a nu hmanh nih a hngal ti lo;
Tholung nih an ei i a rawk dih cikcek.
21 Zeicahdah hi bantukin a si ti ahcun,
nuhmei kha a bawm duh hna lo i
fahring lo nu kha a zaangfah
hna lo caah a si.
22 Sihmanhsehlaw Pathian nih
a òhawnnak in a òhawngmi kha
a thah hna i
Pathian nih a òuan tikah cun miòhalo
mi cu an thi.
23 Pathian nih him tein khua
a sakter ko hna,
Sihmanhsehlaw òha tein a ngiat
zungzal hna.
24 Caan tawite chung miòhalo cu
hlorh an hung si,
sihmanhsehlaw an lo zau;
Pangpar bantukin an car i an ziam;
rawl vui bantukin hleh an si.
25 Mah hihi a si lo, tiah a ti khotu aho tal
an um maw?
Ka bia cu ahmaan lo, tiah a ti khotu
an um maw?” tiah a ti.