19
Pathian Nih Thiam A Ka Coh Lai Tiah Job Nih A Zumh
1 Cun Job nih a leh i:
2 “Zei can dah bia in nan ka hrem lai i
nan ka tongh lai?
3 Atu le atu ka ningzahnak nan tuah
lengmang i
Ka cungah ningzak loin òhat lonak
kha nan tuah lengmang.
4 A palh hmanh hei palh ning law
ka palhnak cu keimah cungah pei
a si ko lai cu.
5 Sihmanhsehlaw nannih cu
keimah nak òha deuh ah
nan i ruat i
Harnak ka inmi hi, a sual ruangah
a si, nan ti.
6 Pathian hi ka cungah a ding lo i,
Amah nih a sur in a ka khuh ti hi
nan hngal kho lo maw?
7 Mah hihi lainawn a si, tiin ka au ah,
ahohmanh nih an ka let lo,
Ka bawm u, tiah ka ti ah, dinnak
zeihmanh ka hmu lo.
8 Ka lam kha vampang a ka chonkanh i
cucaah ka lan kho lo,
Ka lam ah muihnak kha a chiah.
9 Ka sunparnak cu a ka hlih i
ka bawi luchin cu ka lu cungin
a lak.
10 A kamkip in a ka den i ka lo cang,
Ka thlam hri cu thingkung bangin
a phawi.
11 A thinlinhnak cu ka cungah
a alh in a alh i,
A ral ah a ka chiah.
12 A ralkap hna cu keimah tuk awkah
a rak thlah hna,
Kahcham kha an i cawh i ka thlam
velchum in an ka riahhnawh.
13 “Ka unau hna nih an ka hlawt,
Ka theihhngalh hna cu mising
rumro ah an cang.
14 Ka phunhawi le ka hawikom òha nih
an ka deuh;
15 Ka inn chung i ka hawileng hna nih
khan an ka philh,
Ka salnu hna nih khan khual ah
an ka chiah,
Kei cu an mithmuh ah ramdangmi
ka si ko cang.
16 Ka sinum kha ka auh, sihmanhsehlaw
a ka let lo;
A nawl i ka nawl hmanh ah
a ka let duh lo.
17 Ka thawchuah cu ka nupi caah
hnahnawk a si i
Ka unau hrimhrim hna caah khan
fihnung ka si cang.
18 Ngakchia no tete hmanh nih
an ka serhsat,
ka thawh tikah an ka nihsawh.
19 Ka hawikom òha vialte nih an ka fih i
ka dawtmi hna nih an ka ral.
20 Ka ruh cu ka cuar lengah an fong i
21 “Ka cungah zaangfahnak
ngei tuah u,
Ka cungah zaangfahnak
ngei tuah u,
maw nannih ka hawile hna,
Zeicahtiah Pathian kut nih
a ka tawngh cang.
22 Zeicahdah nannih nih Pathian nih
a ka dawi bantukin nan ka dawi?
Zeicahdah ka sa cu nan vuai cang
ko lo?
23 Ka bia hi òial si hna seh law
ka hei duh dah!
Cauk chungah òial si hna seh law
ka hei duh dah.
24 Zungzal a hmun dingin thir cafung le
suan in
Lung cungah khenh si hna seh law
ka hei duh dah!
25 Zeicahtiah a ka Tlanhtu a nun kha
ka hngalh i
Ni hmanung bik ah cun
vawlei cungah hin a dir lai;
26 Cun ka cuar cu hrawh a si dih tikah
ka titsa in Pathian cu ka hmuh lai.
27 Amah cu ka mit hrimhrim in
ka hmuh lai i
Midang nih si loin keimah hrimhrim
28 “Nannih nih nan i thawh i,
Harnak a rualrual in a cungah
aa tlunter khih!
Hi harnak an hram cu
amah chungah khin pei a um cu,’
nan ti tikah hin ka lung a dong.
29 Sihmanhsehlaw òhat lonak vialte
a thianhtu vainam,
nanmah lei a sawhmi kha
òih tuah u,
Khi tikah nannih nih Dingthlu Lairel
a um ko, ti kha nan hngalh lai,”
tiah a ti.