16
Pathian Nih A Cungah A Tluntermi Ruangah Job A Zai
Cun Job nih a leh i:
“Mah bantuk cu tampi
ka theih cang;
Nan ka hnemhnak cu hremnak lehlam a si.
Hitihin maw na chim thluangthluan ko lai?
Nangmah bia in donghter kha maw
na duh zungzal ko lai?
Nang le kei hi umhmun aa thleng
ding si u si law
nangmah bantuk hin kei zong nih
ka chim khawh ve ko hnga.
Bia cun kan òhuat len ko hnga i
ka lu zong kan hrilhhnawh len
ko hnga.
Sihmanhsehlaw thazang peknak biatu
kha ka chim lai i
Nangmah hnemhnak bia ka chimmi
cu tiva bangin a luang lai.
 
Ka holh ah ka fahnak a dai hlei lo,
Daite i ka um ah a ka kaltak hlei lo.
Pathian, nangmah nih na ka batter
hrimhrim ko cang;
Ka hawikom vialte cu na òhio dih hna.
Sawng òiamòuam in na ka tuah i
mah cucu ka cung i tehte a si;
Ka ruh lawng a taan caah hin,
ka dernak cu a sual caah a si,
an ka ti.
Na thin hun in na ka thleh i
na ka bauh,
Na hacang na ka rialhnawh;
Na thinhunnak cu fiang tein a lang.
10 Mi nih keimah seh awkah an kaa
an ka anhnawh,
An ka pumhhnawh i ka bel ah
zawmhtaih ngaingai in
an ka bengh.
11 Pathian nih Pathian zei i a rel lomi
hna sinah khan a ka chanh i
Miòhalo hna kut chungah khan
a ka hlonh.
12 Dai tein ka um ko,
Sihmanhsehlaw Pathian nih
ka orpareng in a ka dih i
a ka khawn chih len i a ka tengh;
A hmuichon selnak ah a ka hman i
13 A kam kip in a thal cu ka cungah
ruah sur in an sur.
Zaangfahnak ngei loin ka kal cu
a hlai hna i
ka hnit cu vawlei ah a thlet.
14 A ka khuai a ka hmal chin
lengmang ko;
A thin a hun tuk i a molh in
a molh cangmi
ralkap bantukin a ka zuanhnawh.
 
15 Ka cuar huhnak caah puanchia
kaa òhit i ka samtom cu
leidip chungah ka nawh.
16 Ka òahnak ah ka hmai a sen i
ka mitcuar zong nak khiamkhuam
in an um dih;
17 Sihmanhsehlaw ka kut nih
zaang-ennak kha an tuah hna lo i
Ka thlacamnak a thiang ko.
 
18 “Maw vawlei, ka thisen cu
khuh hlah,
Dinnak ca i ka aunak hi dai hin
hlah seh.
19 Zohhmanh, ka tehte cu vancung khin
a um i
Cung sangpi ah khin ka bia
a ka chimpiaktu ding cu a um ko. Ref 16.19: Job 19.25
20 Pathian nih ka mitthli cu
ka hmuhpiak seh law,
Ka thlacamnak cu ka theihpiak
ko seh.
21 Mi nih a hawipa caah nawlnak
a tuah bantukin,
Pathian a ka nawlpiaktu
um seh law ka duh ko,
22 Zeicahtiah ka kir òhan ti lai lo
nakding lam ka zulhnak
dingah hin
Kum tlawmte lawnglawng a duh ko.