10
Job Nih A Umtuning Kha A Òah
1 “Ka nunnak hi ka fih;
Ka phunzainak hi i sum hin loin
ka chim ko lai;
Lungfak hringhran in ka chim ko lai.
2 Pathian cu ka thawh lai i, ‘Sual
ka phaw hlah;
Zeicahdah na ka ralchanh hi a si,
ka hngalhter.
3 Mi kha rialchih i nangmah kut nih
a sermi kha nautat i
Miòhalo hna khuakhannak hnatlakpi
cu, a òha tiah na ruah maw?
4 Titsa mit maw na ngeih?
Mi hmuh bantukin maw na hmuh?
5 Na ni hna cu minung ni bantuk maw an si?
Na kum hna cu minung hna kum
bantuk dah an si?
6-7 Cucaah cun maw, keimah cu
a sual lo,
ti na hngal ko na le,
Na kut chungin chuah khotu ahohmanh
a ngei hna lo ti na hngal ko nain,
Ka òhat lonak cu na hlat i ka sualnak
cu na kawl?
8 Na kut in na ka ser i na ka siam;
Cun maw naa mer i na ka hrawh.
9 Tlak in na ka ser kha philh hlah;
Leidip ah maw na ka canter òhan lai?
10 Nangmah nih cawhnuk bangin
na ka thlet i cawhnuk khal bangin
na ka khalter lo maw?
11 Nangmah nih cuar le tit in
na ka tuam in ruh le tha in
na ka phiar lo maw?
12 Nangmah nih nunnak le
a fekmi dawtnak na ka pek i
Na zohkhenhnak nih ka thlarau kha
a nunter.
13 Asinain, ka caah a thli tein tinhmi
pakhat na ngeih kha ka hngalh.
14 Sual seh law, a sualnak kha
ngaihthiam duh loin umning,
tiah na ka ngiat.
15 Ka sual cangka in na sinin
harnak ka hmuh,
Sihmanhsehlaw dinnak ka tuah tikah
zeihmanh thangòhatnak
ka hmu hlei òung lo.
Kei cu harnak a ingmi ka si i
ningzahnak nih a ka tuam.
16 Chiandeih bantukin ka hun
i porhlawt ah
Na ka kawl i ka cungah
khuaruahharmi thil kha
na tuah òhan;
17 Keimah ralchanhtu tehte kha
na ngei zungzal hna,
Ka cung i na thinhunnak cu
na karhter;
Ralkapbu thar thar kha keimah doh
18 “Zeicahdah paw chung khan
na rak ka chuahter?
Ahohmanh nih an ka hmuh hlanah
khan rak thi ning law,
ka hei duh hnga dah.
19 A um bal lomi bantuk ka si ko hnga i
paw in thlan ah kalpimi bantuk
ka hei si ko hnga.
20-21 Ka nun chung ni hi
an tlawm ko lo maw?
Ka va kal i ka kir ti lonak ding
thihnak thladem le a thukmi
muihnak ram i ka kal hlanah hin,
Hnangamnak tlawmte tal ka hmuh nakhnga,
keimah um tein ka umter ko tuah.
22 Cu ram cu thihnak thladem
umnak le zeizong vialte
sullam ngei lo i an umnak hmun,
Ceunak cu muihnak a sinak hmun
a si, ka ti lai,” tiah a ti.