JOHAN
Cakuat Pathumnak
1
Upa nih ka dawtmi Gaius, biatak ah ka dawt taktakmi, a lang in na kut kan tlaih.
Ka dawt, ningcang tein na um khawh nakhnga le thlarau lei zongah dam tein na um bantukin na taksa zongah dam tein na um nakhnga caah thla ka cam. Hawikom cheu khat an ra i biatak ah na tlonlen i zumhtlak na sinak kha an chim tikah kaa lawm hringhran. Ka fale biatak chungah nan tlonlennak nakin kaa lawmh deuhmi zeihmanh a um lo.
Ka dawt, na caah mising an si ko nain hawikom hna cung i na tuahmi paoh ah zumhtlak na si i na dawtnak hna kong cu Khrihfabu hmaiah an langhter. Hmailei an kalnak zongah Pathian mi he aa tlakmi khan in na rak thlah rih hna ahcun a òha ko hnga, Khrih ruangah khualtlawn aa thawhmi an si i zum lotu hna sin cun bawmhchanhnak zeihmanh an la lo. Biatak ah rianòuan òi kan si a langh nakhnga mah bantuk mi cu kan bawmh hna awk a si.
Khrihfabu sinah ca ka òial nain a sang bik ah i chiah a hmangmi Diotrefes nih kan nawlngeihnak kha zeiah a rel lo. 10 Cu a si caah ka rat ahcun a si lo ning in kan kongah a kan puhmi kha ka phuan te lai. A kan puhmi zong kha a za ti loin hawikom hna kha tluninn a donh hna hleiah tlunter a duhmi hna zong a thlauh hna i Khrihfabu hmanh in a chuah hna.
11 Ka dawt, thil òha lo cu i cawn hlah law a òhami tu kha i cawn deuh. Thil òha tuahmi paoh cu Pathian sinin a si i thil òha lo a tuahmi paoh nih cun Pathian a hmu lo. 12 Demetrias chimthiam a tong i biatak zong nih a langhter ve. Kanmah zong nih kan chimthiam i cucu a hmanmi a si ti na hngalh.
13 Na sinah tampi òial awk ka ngei ko nain cafung le cahang in ka òial lai lo. 14 Cu nakcun in hmuh tuan kaa ruahchan i cu tikah cun hmaitonh tein bia kan i ruah te lai.
15 Na sinah daihnak um ko seh. Hawikom nih a lang in na kut an in tlaih. Khaka hawikom hna kha pumpak cio tein an kut rak kan tlaihpiak ve hna.