2
1 Ka dawtmi ka fale tete hna, hi thil kong ah ca kan kuat hna hi nan sual lo nakhnga caah a si; sihmanhsehlaw mi zeimaw nih a sual a si ahcun kan Pa sinah òanpitu a dingmi Jesuh Khrih kan ngei.
2 Amah cu kan sual ngaihthiamnak ca i thawinak a si, kanmah ca lawngah si loin vawlei pumpi sualnak ca zongah a si fawn.
3 A nawlbia kan zulhnak cu amah kan hngalh a fiannak a si.
4 “Amah cu ka hngalh,” a ti nain a nawlbia a zul lomi paoh cu mi lihchim a si i cu bantuk mi hna chungah cun biatak a hmun lo.
5 Sihmanhsehlaw a bia a zulmi paoh chungah cun Pathian dawtnak cu tlam a tling. Cuticun amah chungah kan um ti kan fiang hnga.
6 “A chungah ka um,” a timi paoh cu amah tlonlen ning khan a tlonlen awk a si.
7 Ka dawtle hna, ca kan kuatmi hna hi nawlbia thar a si lo, a hramthawk in nan hngalh cangmi nawlbia hlun khan a si ko, nawlbia hlun kha nan theih cangmi bia hi a si ko.
8 Asinain nan sinah ka òialmi nawlbia hi nawlbia thar a sinak a um, cucu nanmah chung le amah chungah a dik ning a lang, zeitintiah muihnak cu a liam cang i a dikmi ceunak cu a tlang cang.
9 “Ceunak ah ka um,” a ti òung i a unau a huami paoh cu muihnak chungah a um ko rih.
10 U le nau a dawmi paoh cu ceunak ah a um i cu bantuk mi cu tlukrilhnak chan a ngei lo.
11 Sihmanhsehlaw zumtu hawi a huami cu muihnak ah a um, muihnak chungah a tlongleng i a kalnak ding lam a hngal lo, zeitintiah muihnak nih a mit a cawtter.
12 Ka dawtle tete hna, ca kan kuatnak hna cu Amah min thawngin nan sualnak ngaihthiam a si caah a si.
13 Hringtu pale hna, ca kan kuatnak hna chan cu a hramthawk tein aho a si kha nan hngalh caah a si. Seino hna, ca kan kuatnak hna chan cu khuachia nan tei cang caah a si.
14 Ngakchia hna, ca kan kuatnak hna chan cu Pa nan hngalh caah a si. Hringtu pale hna, ca kan kuatnak hna chan cu a hramthawk tein aho a si kha nan hngalh caah a si.
Seino hna, ca kan kuatnak hna chan cu nan òhawng i Pathian bia cu nan chungah a hmunh caah a si i
Khuachia zong nan tei caah a si.
15 Vawlei sining hi duh hlah u, vawlei thil zong duh fawn hlah u. Vawlei sining a duhmi hna cungah cun Pa dawtnak a um lo.
16 Zeitintiah vawlei ah a ummi taksa duhnak, mitthitnak le rumnak ah i porhlawtnak hna cu Pa sinin a rami a si lo i vawlei in a rami a si deuh.
17 Vawlei le a taksa duhnak cu an liam zuahmah cang, sihmanhsehlaw Pathian duhnak a tuahmi hna tu cu a zungzal in an nung.
18 Ka fale hna, caan hmanung a si cang! Khrih ralchanhtu a ra lai ti nan theih cang bantuk khan atu cu Khrih ralchanhtu tampi an ra cang. Hi thil hna hin caan hmanung a si cu kan hngalh.
19 Mah hna kha kan sinin an chuak, kan mi an rak si taktak bal lo, si hna seh law cu kan sinah an um ko rih hnga. Sihmanhsehlaw kan sinin an chuahnak nih khan kan mi an si lo kha a fianter ko.
20 Nannih tu cu A Thiang Mipa nih chiti an thuhmi hna nan si i zeipaoh a hngalmi nan si.
21 Ca ka òialnak hi biatak nan hngalh lo caah a si lo i nan hngalh ca le biatak in lih a chuak bal lo ti nan hngalh ca tu ah ka òial hi a si deuh.
22 Jesuh cu Khrih a si ti a al mi hlei in ahodah milip a um hna? Pa le Fapa a pom duh lomi cu Khrih ralchanhtu an si.
23 Fapa a almi paoh nih Pa a ngei lo. Fapa a pommi paoh nih Pa zong a ngeih ve.
24 Nannih tu cu a hramthawk tein nan hngalh cangmi kha nan chungah nan hmunhter a si ahcun Pa le Fapa ah cun nan hmun zungzal ko lai.
25 Kan sinah a kan kamhmi cu nuncanghmunhnak hi a si.
26 Ca ka òialnak chan cu hlen an timmi hna kong ah khan a si.
27 Nannih tu cu chiti an thuhmi hna kha nan chung i a hmunh caah aho cawnpiak hmanh nan hau ti lo. Chiti an thuhnak hna nih khan zeizong vialte an cawnpiak hna, cucu a dik i lih a si lo, biatak a si i an cawnpiak hna bantuk khan amah ah cun hmun ko u.
28 Atu cu ka fale tete hna, langhter a si tikah lunghmui tein kan um khawh nakhnga le a rat tikah a hmai i kan ning a zah nakhnga lo amah chungah cun hmun ko u.
29 Miding a si ti nan hngalh ahcun a dinning in a ummi paoh nih amah hrin kan si ti nan fian awk a si.