9
A Ra Ding Siangpahrang
Zebulun le Naftali phun umnak ram nih hin hlanah cun ningzahnak a rak phan nain hi ram nih hin hmailei ah cun upatnak a hmuh lai, cu ram cu Mediterranean rili in aa thawk lai i nichuahlei ah Jordan tiva ral tiang, miphun dang an umnak Galilee ram hrimhrim tiang a phan lai. Ref 9.1: Mat 4.15
Mui lak i a rak i chawkmi hna nih khan
ceunak nganpi an hmuh cang!
Thihnak thladem tangah an rak um,
sihmanhsehlaw atu cu ceunak nih
a ceuh cang hna. Ref 9.2: Mat 4.16; Luk 1.79
Bawipa, nangmah nih annih cu
lunglawmhnak nganpi na pek hna i
an tha na nuamter hna.
Mi nih rawl an òuan tikah
an i lawmh bantuk le
an tlaihmi hranchaw an i phawt
tikah an i lawmh bantukin
Nangmah nih na tuahpiakmi
hna cungah khan an i lawm.
 
Zeicahtiah rit piin an phorhmi
hngawngkual kha na khiahpiak
hna i
an liang i a tu lengmangtu hna
fung kha na khiah dih.
Hlan liopi ah Midian ralkapbu
na rak tei hna bantuk khan,
na mi a hremtu hna le a serhsattu
hna cu
Bawipa nangmah nih na tei
cang hna.
A dohtu hna ralkapbu kedan vialte le
thisen aa nehmi an hnipuan vialte
cu mei in hrawh an si dih lai.
Kan caah ngakchia pakhat a chuak!
Fapa pakhat pek kan si!
Amah cu kan uktu bawi a si lai.
Amah cu Khuaruahhar Fim Chimtu,
A Òhawngmi Pathian,
Zungzal Hmunmi Pa,
Daihnak Bawi, ti a si lai.
A lianhngannak cu
a òhang chin lengmang lai;
a ram cu a dai zungzal lai.
Siangpahrang David tefa pakhat
bantukin a ram cu a uk lai i
atu thawk in caan donghnak tiang,
hmaante le ding tein a uk lai.
Ralkapbu Bawipa cu hi vialte hi
tuah hrimhrim awkah aa tim. Ref 9.7: Luk 1.32-33
Bawipa Nih Israel Dan A Tat Lai
Bawipa nih Israel pennak cungah, Jakob tefa hna cungah, a bia a thlah cang. Israel mi vialte le Samaria khua chung i a ummi vialte nih cu bantukin a tuah cu an hngalh dih lai. Atu cu an i porhlaw i an lung a puam. An i thawh i, 10 “Tlakrawh inn cu an cim, sihmanhsehlaw lung inn in kan thlen òhan sawk hna lai, saikamor thing kaan cu an kiak, sihmanhsehlaw sidar thing òha bikbik in kan thlen òhan sawk hna lai,” an ti.
11  Bawipa nih an ral hna cu anmah doh awkah khan a cawlcanghter cang hna. 12 Nichuahlei in Siria nih, nitlaklei in Filistia nih, an kaa an i an i seh an duh hna. Cu ti a si na hmanh cun Bawipa cu a thin a dam kho lo i dantatnak pek awkah a kut cu aa samh ko rih.
13 Israel mi cu an i ngaihchih lo; Ralkapbu Bawipa nih dan a tat hna nain amah leiah an i mer hlei lo. 14 Ni khat te ah Bawipa nih Israel mi hna le an hruaitu pawl cu dan a tat dih hna lai; a sam dih hna lai, lu he mei he a sam dih hna lai. 15 Lu cu tar le hmaizahmi kha an si, mei cu cawnpiaknak hmaanlo a cawnpiaktu hna profet kha an si. 16 Hi mi hna hi a hruaitu hna nih a ping ah an hruai hna i zeiti um awk hngal loin an tuah hna. 17 Cucaah cun Bawipa nih tlangval pakhat hmanh kha a luatter hna lai lo i mi cu an dihlak in Pathian zei i a rel lomi le bia òhalo chimmi lawngte an si caah, nuhmei zong ngakòah zong ahohmanh a zaangfah hna lai lo. Cu ti a si na hmanh cun Bawipa thinhunnak cu a dong lo i dantatnak pek awkah a kut cu aa samh ko rih.
18 Hi mi hna òhat lonak cu hlingbur le rambur a khangtu mei bantukin a alh. A khu a dir in a dirmi mei, tupi a khangtu mei bantuk a si. 19 Ralkapbu Bawipa thinhunnak nih ram cu a dihlak in a kangh i mi cu mei rawl ah cun an cang. 20 Ram chung khuazakip ah an hmuhmi rawl paoh kha an i cuh i an ei, sihmanhsehlaw an khim hlei lo. Anmah an fale lila hmanh kha an ei hna! 21 Manasseh mi hna le Efraim mi hna cu pakhat le pakhat an i do, cun an pahnih in Judah kha an doh fawn. Cu ti a si na hmanh cun Bawipa thinhunnak cu a dong lo i dantatnak pek awkah a kut cu aa samh ko rih.