63
Pathian Nih Miphun Vialte A Tei Hna Lai
“Ahodah Edom ram in
a rami khi a si?
Ahodah thisen aa nehmi puan he
Bozrah in a rami khi a si?
Ahodah sunparnak in aa thuam i
òhawnnak in a kalmi khi a si?
Amah cu, Khamhnak a thanhtu,
mi khamh awk i a òhawngmi,
Keimah hi ka si. Ref 63.1-6: Isa 34.5-17; Jer 49.7-22; Eze 25.12-14; 35.1-15; Amo 1.11-12; Oba 1-14; Mal 1.2-5
Zeicahdah na puan cu an sen i
mitsur hang a nengtu
puan bantuk a si?
Keimah nih, keimah lawnglawng in
mitsur hang cu ka nen i
ka thinlinh in ka nen hna;
An hang nih ka puan cu a peh i
ka puan cu a seh dih. Ref 63.3: Biat 14.20; 19.13, 15
Zeicahtiah phuhlam ni cu
ka lung chungah a um cang i
tlanhnak ka tuah lai,
ka timi kum cu a phan cang.
Khua ka cuan, sihmanhsehlaw
bawmtu ahohmanh an um lo;
mithram cat in ka zoh,
sihmanhsehlaw a ka bawmtu
ahohmanh an um lo; Ref 63.5: Isa 59.16
Ka thinhun in miphun kha
ka lamhchih hna i
ka thinlinh in ka naan cikcek hna;
Cun an thisen kha vawlei ah
ka thlet,” a ti.
Bawipa Cu Israel Mi Cungah A Òha
Bawipa dawtnak fek cu ka chim lai,
kan ca i a tuahmi thil ruangah
ka thangòhat lai.
Israel mi cu thluachuahnak
tam piin a pek hna i
cu a pek hna cu a zaangfah hna ca le
a dawtnak a feh caah a si.
Bawipa nih aa thawh i, “Annih cu ka mi an si, an ka hleng lai lo” a ti. Cucaah an harnak vialte chung khan a khamh hna. Annih khamhtu cu vancungmi a si lo, Bawipa hrimhrim kha a si. A dawt hna i an zawn a ruah hna caah a khamh hna. Hlanah khan a rak zohkhenh zungzal ko hna.
10 Sihmanhsehlaw an doh i a ngaih an chiatter. Cucaah Bawipa cu an ral ah a cang i a doh hna.
11 Sihmanhsehlaw hlanlio chan, Bawipa sal Moses chan kha an vun thei òhan i, “Rili chungin a mi hna cu an hruaitu hna he a rak khamhtu hna Bawipa kha atu hi khuazei ah dah a si hnga? Moses thlarau a rak petu Bawipa kha khuazei ah a si hnga? 12 Zungzal hmunmi minthannak hmuh awkah, a mi hna hmaiah rili hmanh a cheu i a sal Moses thawngin thil lianngan a tuah i a òhawnnak a hmangmi Bawipa kha khuika ah dah a si hnga?” an ti. Ref 63.12: Exo 14.21
13  Bawipa nih ti thuk a tanpi lio hna ah khan, ramlak rang bantukin an ke a fek i voi khat hmanh an ril lo. 14 Cawrun kha ram òhatnak nelrawn ah an kanh hna bangin Bawipa nih a mi cu dinhnak a pek hna. Cuticun Bawipa nih khan a mi cu a hruai hna i a min cu thangòhatnak a hmu.
Zaangfahnak le Bawmhnak Ca Thlacam
15 Na sunparnak le na thiannak he na umnak hmun van khin run kan zoh tuah, Bawipa. Kan zawn na kan ruahnak kha khuazei ah dah a si? Na òhawnnak kha khuazei ah dah a um? Na kan dawtnak le na kan zaangfahnak kha khuazei ah dah an um? Kan hrelh sawh hlah. 16 Nangmah cu kan Pa na si. A kan hringsortu Abraham le Jakob hmanh nih an kan bawm kho lo, sihmanhsehlaw Bawipa, nangmah cu kan Pa na si. Nangmah cu a kan chuahtu zungzal na si. 17 Zeicahdah na lam zul loin na kan pialter? Zeicahdah kan lung na kan hahter i nangmah cu kan in mertak? Nangmah na rian a òuanmi hna ruangah le nangmah mi a si zungzal komi hna ruangah, ra kir ko sawh.
18 Kan ral nih na mi cu an kan dawi dih dengmang i Biakinn cu an thurhhnawmh. 19 Nangmah cu a kan uktu a rak si bal lomi bantukin kan cungah naa umter i kannih cu na mi a rak si bal lomi bantukin na kan tuah.