57
Israel Mi Siasal An Biak Caah Sual A Phawt Hna
1 Miòha kha an thi, sihmanhsehlaw an thih cu ahohmanh nih zei ah an rel lo, a hngalh hmanh an hngal lo. Asinain an thih ah
khan harnak nih fahnak a pek khawh ti hna lonak hmun ah an kal a
si.
2 Nuncan òha in a nungmi nih cun thihnak ah khan daihnak le dinhnak an hmuh.
3 Nannih misual mi, mifihnung hna, hika ah hin biaceih awkah ra tuah u. Nannih cu vacung in pa a duhmi hna le hlawhhlangnu
hna nakin nan òha deuh hlei lo.
4 Ahodah nan dehcawhmi cu a si? Nannih lihchim mi hna nih nan nihsawhmi cu ahodah a si?
5 Hrinsor òhatnak pathian kha nan biak hna i cu biaknak ah cun nu le pa sualnak tuah kha a si nan ti i thingkung thiang nan
timi hna toiah khan nan sual. Tiva kam lungkua ah khan nan fale
cu rai ah nan thawi hna.
6 Cu tiva kam cun lungmil tete kha nan lak hna i pathian ah nan biak hna. Zu le laksawng kha nan pek hna i rawl kha nan hunh
hna. Hi ti nan tuahmi nih hin a ka lawmhter ko, ti ah maw nan
ruah?
7 Tlang sang cungah khan nan kai i raithawinak nan va tuah i nan va sual.
8 Nan siasal fihnung cu nan inn hmailei innka hram zapi hmuh khawhnak dingah nan chiah hna. Keimah kha nan ka hlawt, nan puan
kha nan i phoih i nan mi duhmi he nan ihkhun kaupi cungah khan
nan kai, cu hna cu nan sin ih awkah a man nan phalh hna. Cuka ah
cun nan duhduh in nan um.
9 Nan zihmui le nan sathau kha nan i thuh hna i Molek pathian biak awkah khan nan kal. Biak awk pathian kawl ah ram kip ah mi
nan thlah hna, mithi khua tiang hmanh in mi nan thlah hna.
10 Pathian dang kawl ah nan re nan i theih ko, sihmanhsehlaw ngol cu nan duh hlei lo. Fih a nungmi nan siasal nih khan
òhawnnak a kan pek tiah nan ruah caah a bat in nan ba kho lo.
11 Bawipa nih aa thawh i, “Zei pathian nan òih hna caah dah keimah
kha a philh in nan ka philh? Sau tuk dai tein ka um caah maw
keimah cu nan ka òih ti lo?
12 Nan tuahmi cu ahmaan tiah nan ruah, sihmanhsehlaw nan ziaza kha kan hlih hna lai i nan siasal nih khan an in khamh kho hna
lai lo.
13 Kan bawm u, tiah nan au tikah khan, nan siasal nih cun in khamh hna seh. Thaw thaw khat nih a choih hna lai. Sihmanhsehlaw
keimah a ka bochanmi cu ram chungah hin an um lai i keimah kha
ka Biakinn cungah an ka biak lai,” a ti.
Bawmhnak le Damnak A Kamh Hna
14 Bawipa nih, “Ka mi cu ka sinah kirter hna u. An lam i dawntu a
ummi vialte kha òhial dih hna u. Lam kha co u law sersiam u.
15 “Keimah cu a sang i a thiangmi Pathian, zungzal in a nungmi ka si. Hmun sang le hmun thiang ah khan ka umnak cu a si,
sihmanhsehlaw mi toi aa dormi le sual ngaihchihmi hna sin zongah
khan ka um i cucaah ruahchannak le hnangamnak kha an ngei òhan
kho.
16 Ka mi cu nunnak kha ka pek hna i sual ka phaw lengmang hna lai lo, a zungzal in an cungah ka thin zong a hung lai lo.
17 An sual ruang le an duhfah ruangah an cungah ka thin a rak hung, cucaah cun ka thinhun in dan ka tat hna i ka kaltak hna.
Sihmanhsehlaw an lung a hak i anmah kalning òhiamòhiam khan an
kal.
18 “An umtuning kha ka hmuh cang; sihmanhsehlaw ka damter hna lai. Ka hruai hna lai i ka bawmh hna lai; ngaih a chiami kha ka
hnemh hna lai.
19 An dihlak in, lamnai i a ummi he lamhla i a ummi he, daihnak kan pek hna lai, ka ti hna. Ka mi cu ka damter hna lai.Ref 57.19: Efe 2.17
20 Sihmanhsehlaw miòhalo cu tilet a tho zungzalmi rili bantuk an si, tilet cu an tho zungzal i hmunthur le nawncek kha an
chuahpi zungzal.
21 Misual mi caah cun himnak a um lo,” tiah Bawipa
nih a ti.Ref 57.21: Isa 48.22