46
1 Atu cu Babilon pathian kha
donghnak an phan cang!
Hlan ah cun Bel le Nebo kha
an rak biak hna,
sihmanhsehlaw atu cu laa cungah
khan an khin hna i
a tha a bami saram caah
phorhrit an si cang.
2 Atu cu kha pathian hna kha
donghnak an phan cang;
siasal cu anmah le anmah
an i khamh kho lo;
mi nih an tlaih hna i an kalpi hna.
3 Jakob tefa hna, ka bia kha
ngai tuah u,
ka mi chungin a tangmi hnihchun
vialte hna, ka ngai tuah u.
Nan chuahka in keimah nih
kan puak hna i nan nu
paw chungin kan cawi hna.
4 Keimah cu nan Pathian ka si i
nan tar i nan òuak a par tiang
kan zohkhenh hna lai.
Keimah nih kan ser hna i
kan zohkhenh hna lai,
kan bawmh hna lai i kan chuah
5 “Aho he dah nan ka tahchunh lai?”
tiah Bawipa nih a ti.
Keimah bantuk aho tal a dang
an um maw?
6 Mi nih an tangka bawm kha an kau i
sui kha an bungh hna;
cuaithlainak in ngun kha
an thlai hna.
Sui soser pakhat kha pathian
kan serpiak tiah an fial i
cu hmaiah cun an kun i cucu
an biak.
7 An liang ah an i khinh i an kalpi;
cun a hmunte ah khan an chiah i
cuka ah cun a dir;
a dirnak hmun khan aa òhial kho lo.
A sin i thla an cam tikah ahohmanh
a let kho hna lo;
harnak chung zongin a khamh
kho hna lo.
8 Nannih misual mi hna, hihi philh
hlah u; ka tuahmi kha ruat u.
9 Hlanpi ah a rak ummi thil kha
philh hlah u;
keimah lawnglawng Pathian ka si le
keimah bantuk a dang pathian
ahohmanh an um lo kha
hngal peng u.
10 A hramthawk tein a phichuak zeidah
a si te lai ti kha ka rak chim;
thil um ding kha a um hlan piin
ka rak chim.
Kaa tinhmi cu ka tlolh bal lai lo, ka ti;
tuah kaa timhmi cu a dihlak in
ka tuah lai.
11 Nichuahlei in ra, tiah
mipa pakhat ka kawh,
mupi nih ar a nam hna bantukin
a nam hna lai i
kaa tinhmi kha a tlinter lai.
Hi bia cu keimah nih ka chim i
a tling lai.
12 Nannih mi lung hak hna,
ka bia ngai tuah u,
nannih nih cun teinak cu a hla
ngaingai rih tiah nan ruah.
13 Sihmanhsehlaw teinak ni cu
lamnai ah ka ratpi cang §
a hla hrimhrim ti lo.
Ka teinak ni cu a rau ti lai lo.
Jerusalem cu ka khamh lai i khika ah
Israel mi cu upatnak ka pek hna lai,” a ti.