42
Bawipa Sal
Bawipa nih aa thawh i,
“Hi ka sal hi ka dawmhtlaihmi
ka sal a si §
ka thim i a cung i ka lung a tlingmi
a si.
Amah cu ka òhawnnak in ka khahter i
miphun vialte cungah dinnak
a tlunter lai. Ref 42.1: Mat 3.17; 17.5; Mar 1.11; Luk 3.22; 9.35 Ref 42.1-4: Mat 12.18-21
A au a khuang lai lo,
zatlang lam ah thang urmar in
biachimnak a tuah lai lo.
A derthawmmi cungah khan
nem tein a um lai i
bawmtu a ngei lomi kha
a zaangfah hna lai.
A hmunmi dinnak kha mi vialte
cungah a tlunter lai.
A lung a dong lai lo, a tha zong
a chia lai lo,
vawlei cungah dinnak kha
a hmunhter lai.
Lamhlat pipi i a ummi ram nih
a cawnpiaknak kha
ngangngan in an hngak ko,” a ti.
 
Pathian nih van khi a ser hna i
a samh hna; vawlei le a cung i
a ummi thilnung vialte kha
amah nih a ser hna;
vawlei cung i a ummi vialte kha
nunnak le thaw a pek hna.
Cu Bawipa Pathian nih cun a sal cu
a thawh i, Ref 42.5: Lam 17.24-25
“Vawlei cungah hin dinnak
a len nakhnga,
Bawipa nih nangmah cu kan kawh i
òhawnnak kan pek.
Nangmah thawngin miphun kip he
biakamnak ka ser lai i
nangmah thawngin miphun kip sinah
ceunak ka tlunter lai. Ref 42.6: Isa 49.6; Luk 2.32; Lam 13.47; 26.23
Mitcaw cu an mit na auter hna lai i
a muimi thonginn chungah
a òhumi cu na luatter hna lai.
 
“Keimah lawnglawng hi Bawipa
na Pathian cu ka si.
Ka sunparnak hi pathian dang
ahohmanh hrawm ka duh hna lo i
ka thangòhatnak hi siasal zeihmanh
hrawm ka duh hna lo.
Ka rak chimchungmi kha atu cu
an tling cang.
Atu cu thil thar kha kan chimh lai,
um an i timh hlanah hin
kan chimh lai,” a ti.
Thangòhatnak Hla
10  Bawipa cu hla thar in thangòhat tuah u;
vawlei vialte hna, a thangòhatnak
hla cu sa tuah u.
Rili cungah tilawng in a kalmi hna,
amah cu thangòhat tuah u;
rili chung thilnung vialte hna,
amah cu thangòhat u.
Lamhlatpi i a ummi ram hna,
hlasa tuah u,
cuka ram i a ummi vialte hna,
hla cu sa tuah u.
11 Thetse ram le a chung i a ummi
khua vialte nih Pathian cu
thangòhat hna seh,
Kedar mi nih amah cu thangòhat
hna seh.
Sela khua i a ummi cu lunglawmhnak
in tlang cungin a au in
rung au hna seh.
12 Lamhlatpi ram i a ummi nih
Bawipa cu thangòhat hna seh law
sunparnak pe hna seh.
13 Miralòha kha raltuk awkah aa thawh
bantukin Bawipa cu aa thawh;
ral tuk awkah cun aa tim i
a hiar in a hiar;
ral hla kha aa thawh i raltuknak
hmun au khan a au;
a ral kha a òhawnnak cu
a hmuhsak hna.
Pathian Nih A Mi Kha Bawmh Awkah Bia A Kamh Hna
14 Pathian nih aa thawh i,
“Caan saupi dai tein ka um i ka mi
kha ka let hna lo.
Sihmanhsehlaw atu cu cawlcangh
a cu cang;
nau ngan a fakmi nu bantukin ka ai.
15 Fing le tlang kha ka hrawh hna lai i
ram le thingkung kha ka carter dih
hna lai.
Tiva luannak nelrawn kha thetse
ram ah ka canter dih hna lai i tili
kha ka kaoter hna lai.
16 A mit a cawmi ka mi cu, an kal bal
lonak lam khan ka kalpi hna lai.
Muihnak cu ceunak ah ka canterpiak
hna lai i
an hmai i lam bingbo cu lam mil ah
ka ser hna lai.
Hi thil hi tlolh lo tein ka tuah
hrimhrim hna lai.
17 Siasal aa bochanmi vialte le
milem cu kan pathian a si tiah
a timi vialte cu
ningzak le hmaichia in an um lai,” a ti.
Israel Mi Nih An Hngal Kho Lo
18  Bawipa nih aa thawh i,
“A hna a chetmi hna, ngai tuah u!
A mit a cawmi hna, òha tein
zoh tuah u.
19 Ka sal nakin a mit a caw deuhmi
an um ti hnga maw?
Ka thlahmi ka lamkal nakin a hna
a chet deuhmi an um ti hnga maw?
20 Israel, nang cu thil tampi
na hmu i na thei,
sihmanhsehlaw na caah zeihmanh
an si lo.
Theihnak ding caah hna cu na ngei?
Asinain zeital na theihmi a um maw?
 
21  Bawipa cu mi khamh a duhmi
Pathian a si,
cucaah a cawnpiaknak kha
upat hna seh, ti a duh.
22 Sihmanhsehlaw atu ah cun
a mi hna cu mi nih an ramh hna,
vawlei tang thonginn chungah
an khumh hna i
thonginn chungah an hrenh hna.
An ramh hna i an thil an chuh hna,
ahohmanh a chanhtu hna an um lo.
 
23 Nannih lakah aho tal hihi
a ngaimi nan um maw?
Atu thawk in hmailei ah tah òha tein
a ngaimi nan um maw?
24 Aho nih dah Israel cu thil chuttu hna
kut chungah khan a chanh?
Bawipa hrimhrim kha a si, a cung i
sualnak kan tuahmi Bawipa kha
a si.
Cuticun nung hna seh a kan ti ningin
kan nung duh lo,
a kan cawnpiakmi zong kha
kan ngai lo.
25 Cucaah cun a thinhun òhawnnak
kha a kan inter i ral hremnak
kha a kan tuarter.
Israel mi hna lakah a thinhunnak
cu mei alh in a alh,
sihmanhsehlaw zei thil dah a um ti
kha kan hngal lo,
kan i cawn khawhmi zong
zeihmanh a um fawn lo.