41
Pathian Nih Israel Mi Bia A Kamh Hna
1 Pathian nih,
“Lamhlatpi i a ummi ram hna,
dai tein um u law ka bia ngai tuah u.
Biaceihnak hmun i nan bia
chim awkah i tim tuah u.
Chimnak caan nan ngei lai.
Ahodah a hmaan ti khiah awkah
hmunkhat ah òhu òi tuah u sih.
2 “Aho nih dah teitu kha Nichuahlei in
a ratpi i a kalnak kip ah teitu
a siter lengmang?
Aho nih dah siangpahrang hna le
miphun hna kha a teiter hna?
Annih cu leidip khi va si hna seh law
cu bang, a vainam nih cun a sam
duahmah ko hna;
thlitu nih capawl a choih bantuk
khin a thal nih a òhek hna.
3 A dawi thluahmah hna i a khul
a ran tuk caah
a ke nih vawlei hmanh kha
a tawng set lo.
4 Hi thil a umtertu hi ahodah a si?
Tuanbia kalning hi hi bantukin si seh
tiah aho nih dah a rak ti?
Bawipa cu a hramthawknak i
a rak ummi kha ka si i
Bawipa cu a donghnak i
5 “Lamhlatpi i a ummi rammi hna nih
ka tuahmi kha an hmuh;
an thin a phang i a ther in an ther.
Cucaah an dihlak in hmunkhat ah
an i pum.
6 Zungthiam pawl kha pakhat le
pakhat an i bawm i
pakhat le pakhat lung òhawnnak
an i pe.
7 Lehtama nih sui serpa kha,
“Na tuahmi a òha,” a ti.
Siasal a milhtu nih khan siasal cu
hmunkhat ah thir in a funtomtu
kha, na lung òhawng ko, a ti.
Pakhat nih, ‘Na senghnak cu
a òha ko,’ a ti i
annih nih siasal cu thir in
a umnak ding hmun ah khan
8 “Sihmanhsehlaw Israel ka sal,
nang cu keimah nih kan thimmi
miphun na si i
ka hawi Abraham tefa na si. Ref 41.8: 2Cha 20.7; Jei 2.23
9 Vanhramdeng khin kan ratpi;
vawlei cung a hlatnak bik hmun
in kan kawh i,
‘Nang cu ka sal na si,’ kan ti.
Kan hlaw lo, a thim in
kan thim lehlam.
10 Na thin phang hlah § na sinah
ka um ko,
Keimah cu na Pathian ka si §
zeihmanh òih hlah.
Kan òhawnter lai i kan bawmh lai;
kan huhphenh lai i kan khamh lai.
11 “Ka mi hna, nan cung i a thin
a hungmi cu
hmaichiatnak le ningzahnak
an hmu lai.
Nanmah an dohtu hna cu an thi lai;
12 nanmah cungah raldohnak a tuahmi
cu vawlei in an lo lai.
13 Keimah cu Bawipa nan Pathian ka si i
òhawnnak kan pek hna;
‘Nan thinphang hlah u, kan bawmh
hna lai,’ tiah keimah nih ka ti,”
14 Bawipa nih aa thawh i,
“Israel, na hmete ko i na der
ngai ko nain
na thinphang hlah.
Kan bawmh lai.
Keimah Israel Pathian thiang hi
nangmah an khamhtu cu ka si.
15 Facang tuknak fung, a thar i hahar
an bunhmi bantuk ah kan ser lai.
Tlang kha na rial hna lai i
na hrawh lai;
fing kha na hmawh dih hna lai i
leidip ah an cang lai.
16 Van ah na hlerh hna lai i
thlitu nih a choih hna lai;
thlichia nih a kenkip ah
a òhek dih hna lai.
Sihmanhsehlaw nang cu
naa lawm lai,
zeicahtiah keimah cu
na Pathian ka si,
Israel Pathian thiang keimah cu
17 “Ka mi hna cu tihal in ti an kawl i
an dang a car tikah,
Bawipa nih an thlacamnak cu
ka leh hna lai;
Israel Pathian nih ka hlaw bal
hna lai lo.
18 Tlang car ah tiva ka luanter hna lai i
nelrawn ah cerhti ka putter hna lai.
Thetse ram kha tidil ah ka ser hna lai i
ramcar kha a luangmi cerh ah
ka ser hna lai.
19 Thetse ram ah khan sidar thing le
anri thing le lenhmui le oliv kha
ka khohter hna lai.
Ramcar ah tupi an um lai,
far thing tupi le saipres thing tupi le
thal thing tupi an um lai.
20 Mi nih khan cucu an hmuh lai i
Bawipa nih ka tuahmi a si kha
an hngalh lai.
Cu thil a umtertu cu Israel Pathian
thiang ka si kha an hngalh lai,” a ti.
Bawipa Nih Pathian Deu A Zuamcawh Hna
21 Bawipa, Israel siangpahrang nih
hitihin a ti:
“Miphun dang pathian hna,
nan bia cu rak chuahpi tuah
hnek u, nan thiam khawh
chungin chim tuah u.
22 Ra chuak u law hmailei thil um ding
kha chim chung tuah u.
Biaceihtu pawl cu thil um cia kong
kha chim hna u,
cun thil um lai ding kha,
an hung um taktak tikah
kan hngalh khawh hna nakhnga,
zeitindah an um te lai ti kha
kan chim tuah u.
23 Hmailei thil um ding kha kan chim
tuah u §
cu ti nan chim khawh ahcun pathian
nan si kha kan hngalh lai.
Òhatnak pakhat tal, chiatnak
pakhat tal tuah u law
cuticun thinphang awlok chong in
kan um lai i
cuticun ta pathian nan si le si lo cu
kan hngalh fam hnga.
24 Sihmanhsehlaw nannih cu zeihmanh
nan si lo,
nan tuahmi vialte zong zeihmanh
an si lo,
nanmah an biatu hna zong fihnung
25 “Nichuahlei i a ummi mipa pakhat
kha ka thim cang i
chaklei in nanmah tuk awkah
ka ratpi lai.
Um sertu nih tlak cu a ke in
a nan bantukin
ram uktu hna cu a nan hna lai.
26 Nan chimmi kha ahmaan taktak tiah
kan in ti khawh hna nak dingah,
hitihin thil a um te lai tiah aho tal
nih nan rak kan chim in,
aho tal nih nan rak chim chung
kho maw?
Cu kong cu ahohmanh nih
nan rak chim kho lo,
nan chimmi ahohmanh nih
an thei lo!
27 Cu thawng Zion a chim hmasa
biktu cu Bawipa ka si,
Jerusalem cu, ‘Na mi hna an ra lio!
Na mi hna an ra tlung lio!’ tiah
va chimh awkah keimah nih
lamkaltu ka thlah.
28 An pathian kha ka zoh hna tikah bia
chim awk a ngeimi pakhat hmanh
an um lo;
bia ka halmi hna a ka let khotu
pakhat hmanh an um lo.
29 Hi pathian hna hi pakpalawng an si,
an tuah khawhmi zeihmanh
a um lo §
hi siasal pathian hna hi thazang
zeihmanh a ngei lomi,
zei thil hmanh a tuah kho lomi an si.