31
Pathian Nih Jerusalem A Huhphenh Lai
1 Bawmhnak hal awkah Izipt i a vung kalmi cu an lo cang. An i bochanmi cu Izipt òhawnnak kha a si § a rangtum hna le a rangleng hna le a ralkap hna kha an si. Sihmanhsehlaw Bawipa, Israel Pathian Thiang kha cu an i bochan lo, bawmhnak zong an hal duh lo.
2 A tuahmi cu zeidah a si ti kha a hngalh. Rawhnak kha a tlunter. Miòhalo cu dan ka tat hna lai i a hupphengtu hna zong ka tat ve hna lai tiah a rak chimmi kha a chim bangin a tlinter taktak.
3 Izipt mi cu pathian an si lo § minung lawng an si ve ko! An rangtum hna cu thlarau an si lo. Bawipa nih rian a vun òuan tikah cun a òhawngmi miphun kha a cim cutmat ko i cu miphun òhawng nih a bawmhmi miphun der zong kha a tlu ve òhiamòhiam lai. An pahnih in an rawk lai.
4 Bawipa nih a ka thawh i, “Sa a uammi chiandeih cu tuukhal pawl nih an au an khuanhnawh len zongah an òhawl khawh lo bantukin keimah Ralkapbu Bawipa zong hi, Zion Tlang ka humhaknak hin zeihmanh nih a ka òhawl kho lai lo.
5 Va nih a fale kha huhphenh awkah a bu cungah aa hel lengmang bantukin keimah Ralkapbu Bawipa zong nih Jerusalem cu ka huhphenh lai i ka humhak lai,” a ti.
6 Pathian nih, “Israel mi hna, fak piin ka thin nan ka hunter i nan ka doh. Sihmanhsehlaw atu cu ka sinah ra kir cang ko u.
7 Sualnak siasal sui le ngun in nan i sermi nan hlonh hna caan kha a phan lai.
8 Raldohnak ah hin Assiria mi cu hrawh an si lai, sihmanhsehlaw minung òhawnnak in a si lai lo. Assiria mi cu raltuknak hmun in an zam lai i an tlangval hna cu sal ah an tlaih hna lai.
9 An siangpahrang cu a zam lai i a bawi pawl cu an thin a phan tuk caah raltuknak i an i putmi an alan hmanh kha an zamtak lai,” a ti. Jerusalem ah an biakmi Pathian, a raithawinak caah Zion i a mei a ummi Bawipa nih hi bia cu a chim.