30
Izipt He Biakamnak Tuah Hlah U
1 Bawipa nih aa thawh i, “Keimah kha an ka doh caah Judah ram a uktu hna cu an lo cang. Ka khuakhanmi a si lomi kha an zulh i ka duh lo nain hnatlak òinak an tuah, sualnak pakhat cungah a dang pakhat an chap chin lengmang.
2 Keimah hal hmasa loin Izipt ah an vung kal i bawmhnak an hal hna. Izipt nih kan huppheng seh ti an duh caah Izipt siangpahrang kha an i bochan.
3 Asinain Izipt siangpahrang nih khan a bawm kho hna lai lo i Izipt nih, kan huhphenh hna lai, a timi cu rawhralnak in a dong lai.
4 Judah mi cu, an lamkaltu kha Izipt mi hna khua Zoan le Hanes an phan cang nain,
5 bochan awk a tlak lomi kha kan rak i bochan sual i a kan bawm kho òung lomi kha kan rak i hngatchan sual, tiin an i ngaihchih lai,” a ti.
6 Thlanglei thetse ram chung i a ummi saram hna kong ah Bawipa nih a chimmi bia cu hihi a si: “An lamkaltu hna cu, òih awk umnak ram, chiandeih le sivai ngeimi rul le zuan a thiammi rulpi an umnak ram tan khan an kal. Bawmhnak zeihmanh a pe kho òung hna lomi miphun phorh awkah khan an laa le an kalauk hna cu a man a fak ngaingaimi laksawng kha an phorhter hna.
7 Izipt nih bawmhnak a pekmi hna cu santlailo a si. Cucaah Izipt cu ‘Òih awktlak lo Rulpi’ tiah min ka sak.
Nawlngailo Miphun
8 Hi miphun hi zeidah an lawh ti kha cauk pakhat chungah a òial in na òial lai i cu na òialmi cu an ca i a hmunmi tehte a si lai, tiah Pathian nih a ka ti.
9 Annih cu a zungzal in Pathian kha an doh, a zungzal in lih an chim, a zungzal in Pathian cawnpiaknak kha an al.
10 Profet pawl kha, dai tein um ko u, an ti hna. An thawh hna i, “Zeidah a ding ti kha kan chim hlah u, theih kan duhmi kha ta nan kan chimh ko. Kan i ruahning in va um ko u sih.
11 Lam kan kian u law kan kalnak kha kan dawn hlah u. ‘Israel Pathian Thiang,’ nan ti lengmangmi theih hi kan duh lo,” tiah an ti hna.
12 Sihmanhsehlaw Israel Pathian Thiang nih a chimmi cu hihi a si: “Kan chimhmi hna kha zei ah nan rel lo i zaang-ennak le hlennak tu kha nan i bochan.
13 Nan sual hrimhrim ko. Nannih cu a tung in a kuaimi vampang sangpi bantuk nan si; chikkhatte ah nan tlu te lai.
14 Tlak um bantukin an in den cikcek hna lai, fak tuk in nan keh nan kuai lai caah meiòil laknak caah a zami le tikhor ti suahnak ah a zami hmanh nan um lai lo,” a ti.
15 Bawipa Pathian, Israel Pathian Thiang nih cun a mi cu a thawh hna i, “Ra kir u law dai tein keimah kha ka bochan ko u. Cu ti nan um ahcun nan òhawng lai i him tein nan um lai,” a ti hna. Sihmanhsehlaw cu bantukin um cu nan duh lo.
16 Tlik a mumi rang kan i cit hna lai i cuticun kan ral hna kut in kan luat lai tiah khua nan khan. Asi, nan hmaan ko, nan zam a herh taktak lai. Sihmanhsehlaw kan rang cu an òhawng ve ko, tiah nan ruat lai nain nanmah an dawitu hna rang cu an òhawng chinchin lai.
17 Ral pakhat nan hmuh tikah, 1-000 nan zam lai i nan dihlak in an zamtertu hna dingah hin ral panga lawnglawng a za ko lai. Nan ralkapbu chung khan ahohmanh an tang lai lo, tlang par i alan nan thlainak tung te lawng kha a tang lai.
18 Asinain nan cungah a velngeihnak langhter duh ah Bawipa nih an hngah ko hna. Amah nih cun a dingmi thil kha a tuah zungzal caah nanmah zaangfah awk kha aa tim ko. Lunglawmhnak hi Bawipa i bochannak chungin a chuakmi a si.
Pathian Nih A Mi Thluachuah A Pek Hna Lai
19 Jerusalem khua i a ummi hna, nan òap ti lai lo. Bawipa cu zaangfah a thiammi a si i bawmhnak nan hal tikah nan auhnak cu an leh hna lai.
20 Bawipa nih harnak caan chungah an luhter hna lai, sihmanhsehlaw khi chungah khan nanmah cawnpiak awkah amah hrimhrim kha a rak um lai i nanmah nih amah kha kawl a herh ti lai lo.
21 Lam in kehlei orhlei ah nan pial sual ahcun, “Lam cu hika leiah hin a si. Lam kha zul u,” tiah nan hnulei in a aw kha nan theih lai.
22 Ngun nan hutmi nan siasal hna le sui nan hutmi nan siasal hna kha nan i lak hna lai i hmunhnawm hlonh in nan hlonh hna lai i, “In hmu ti hna hlah u sih,” nan ti hna lai.
23 Thlaici nan tuh tikah Bawipa nih ruah a surter lai i a khohter hna lai i kumvui òha an pek hna lai. Cun nan saòil nih ram hno tampi an hmuh lai.
24 Nan lei a thuangtu cawtum hna le laa hna nih khan cawhlek le fungòe in an thianhmi ram rawl òha bikbik kha an ei lai.
25 Nan ral hna cu an ralhruang nan chuh hna i an mi nan thah hna ni ah tlang kip le fing kip in ti an luang lai.
26 Thlapa cu ni tlukin a ceu lai i ni cu a let sarih in a ceu lai, ni sarih chung ceunak khi ni khat ah i fonh dih seh law cu bantuk cu a si lai. Bawipa nih a mi hna cu an hma a menpiak hna i a damter hna ni ah hi thil vialte hi a tlung lai.
Pathian Nih Assiria Dan A Tat Lai
27 Bawipa lianhngannak le sunparnak cu lamhlatpi in hmuh khawh a si. Mei le meikhu in a thinhunnak kha a lang. Bia a chim i a bia cu mei bantukin a alh.
28 Zeizong vialte a fenh dihtu tilian bantukin thlitu kha a hmaiah a kalter. Miphun tampi kha a hrawh hna i a òha lomi an khuakhannak kha pakpalawng ah a canter.
29 Sihmanhsehlaw nannih Pathian mi hna cu nan i lawm lai i a thiangmi puai zan i hla an sak bantukin hla nan sa lai. Bawipa, Israel Lungpi thangòhat in biakinn ah thonglawi aw zulh in a kalmi hna bantukin nan i lawm lai.
30 Bawipa nih mi vialte kha a rumra a ummi a aw kha a theihter hna lai i a thinhunnak hmual kha a hngalhter hna lai. Meizik le òotho le rial le a tuk ngaingaimi ruah kha an um lai.
31 Assiria mi cu Pathian aw an theih tik le a dantatnak hmual kha an hngalh tikah a ther in an ther lai.
32 Pathian nih a tuk chih lengmang hna bantuk khan a mi hna zong nih cun an khuang le an dar kha an rak òhuanh chih lengmang ve hna lai. Pathian hrimhrim nih Assiria mi cu a doh hna lai.
33 Assiria siangpahrang khanghnak dingah meiphu nganpi tihnak ding hmun kha hlan piin timh a si cang. Cu meiphu tihnak ding hmun cu thukpi le kau piin cawh a si i a chung khat in thing chiah a si. Cu meiphu duahnak dingah cun Bawipa nih a thaw ah meizik a chuah lai i cu nih cun a alhter lai.