18
Pathian Nih Ethiopia Dan A Tat Lai
1 Ethiopia ram chung tiva hna ralchan ah, thla khawn thawng a thannak ram pakhat a um. Ref 18.1-7: Zef 2.12
2 Cuka ram cun lamkaltu hna kha Nail tiva cungin phaikung in sermi tilawng in an rung. A khul a rangmi lamkaltu hna, inn ah kir òhan u. Nan ram ah bia kha hei kirpi òhan u. Nail tiva thawhnak i a ummi nan ram ah cun hei kirpi òhan u; a òhawng i a lian a nganmi nan phun, a sang i a cuar a nal in a nalmi nan miphun, vawlei cung dihlak ah òih a simi sinah cun hei kirpi òhan u.
3 Vawlei cung i a ummi vialte hna, ngai tuah u. Tlang par ah hmelchunhnak alan an tar kha rak zoh tuah u. Muko tum thawng cu rak ngai tuah u,
4 Bawipa nih a ka thawh i, “Rawlòuan caan khualum ah daite in dap cu aa ser i chun laicer ah ni cu dawh ngaiin a tlan bantukin, vancung khin ka run in zoh hna lai.
5 Mitsur thei lawh an si hlan, a par an òilh dih i a thei an hmin cuahmah lioah khin, nam in mitsur nge cu pheh an si bantuk khin, ral nih Ethiopia mi kha an hrawh hna lai.
6 An ralkap hna ruak cu va le saram nih run ei hna seh tiah kaltak an si lai. Òhal ah va nih an ei hna lai i khuasik ah saram nih an ei hna lai,” a ti.
7 Nail tiva thawhnak i a ummi ram sinin Ralkapbu Bawipa nih pekchanhmi thil a cohlan ni a phan lai; hi a òhawng i a liannganmi miphun, a sang i an cuar a nal in a nalmi hna, vawlei cung dihlak nih an òihmi hna sin hin laksawng a cohlan ni a phan lai. Annih cu Ralkapbu Bawipa biaknak hmun Zion Tlang ah khan an ra lai.