14
Saltannak In An Kir Òhan Te Lai
Bawipa nih a mi Israel mi cu a zaangfah òhan hna lai i amah mi ah khan a thim òhan hna lai. An ram ah khan a kirter òhan hna lai i ramdangmi nih khan an fuh hna lai i an sinah cun an um lai. Israel mi cu Bawipa nih a pekmi hna ram i an kir kha miphun tampi nih an bawmh hna lai i cuka ah cun cu miphun hna nih cun sal bantukin an rian an òuanpiak hna lai. Hmasa i Israel mi a rak tlaitu hna kha atu cu Israel mi nih an tlaih ve hna lai i hmasa i a rak hremtu hna kha an uk ve hna lai.
Babilon Siangpahrang Mithi Khua Ah A Um
Bawipa nih Israel mi cu fahnak le temhnak an inmi chung le an duh na lo i an hnekmi hna rian chung khan dinhnak a pek hna lai. Hi bantukin dinhnak a pek hna tikah annih nih Babilon siangpahrang kha an nihsawh lai i, “Siangpahrang òhalopa cu a ril cang! Ahohmanh a hrem òhan kho ti hna lai lo. Midang rial chih a hmangmi le an teimi hna hrem a hmangmi uktu òhalo hna an òhawnnak cu Bawipa nih a donghter cang. A donghnak ah atu cu vawlei nih hin a dihlak in dinhnak le daihnak a hmuh cang i a mi kip kha lunglawmhnak in hla an sa. Lebanon tlang i a ummi saipres thing hna le sidar thing hna cu, siangpahrang kha a rilh cang caah an i lawm; amah cu a lo cang i anmah a hautu hna a um ti lo caah an i lawm!
Babilon siangpahrang rak don awkah cun mithi khua cu aa tim. Vawlei cung i milianngan a rak simi hna thlarau kha an i teltum. Siangpahrang hna thlarau kha an bawiòhutdan in an tho. 10 An dihlak in amah cu, “Atu cu kanmah tlukin na der ve ai cang! Kanmah bantuk na si ve ko cang. 11 Tingtang aw dawhdawh he upatnak an rak in pek tawnmi kha atu cu mithi khua ah na um ve ai cang. Tholung a khatmi ihkhun ah na it ve cang i cangcel nih a zual in an in zual ve ai cang,” an rak ti.
12 Babilon siangpahrang, Deirel arfi ceu, nang cu vancung in na tla cang! Hlanah cun miphun tampi kha na rak tei hna, sihmanhsehlaw atu cu vawlei ah an in hlonh cang. Ref 14.12: Biat 8.10; 9.1 13 Vancung i hung kai i a sang bikmi arfi nak sang i na bawiòhutdan hung chiah cu na rak i zuam. Chaklei i a ummi tlang, pathian hna an i pumhnak tlang ah khan siangpahrang bantukin ka òhu lai tiah naa ruah. Ref 14.13-15: Mat 11.23; Luk 10.15 14 Khuadawm cungah khin ka kai lai i Cungnung Bik bantuk ka si lai na ti. 15 Asinain, cu nemmam cu si loin mithi khua a tawne bik tu ah na tla ai!
16 Mithi nih òhep loin an rak in zoh lai i kaa ang in, “Hi pa hi vawlei kha a hninh in a rak hnin i ram vialte kha a ther in a rak therter dihtu hna kha a si lo maw? 17 Amah hi khualipi vialte a hrawk dihtu le vawlei cu thetse ram i a canter dihtu kha a si lo maw? A tlaih ciami sal hna cu a thlah bal ti lo i inn ah a kirter ti lotu kha a si lo maw?” an in ti lai. 18 Vawlei cung siangpahrang dang vialte cu an thlan dawhdawh chungah khan an it hna, 19 sihmanhsehlaw nang cu thlan na ngei lo i a thut in va thut lak awkah na ruak cu a hlonh in hlonh a si. Na ruak cu raltuknak hmun i a thimi ralkap hna ruak nih khan a khuh i cu hna sinah cun lung khor chungah hlonh le lamh chih a si.
20 Siangpahrang dang bangin nang cu vui zong na tong lai lo, zeicahtiah nangmah nih na ram cu na hrawh i na mi cu na thah hna. A òha lomi na innchungkhar chungin a nungmi ahohmanh an um lai lo.
21 I samnak cu thawk ko u! Hi siangpahrang fapa hna hi anmah a hringsortu hna sualnak ruangah hin an thi lai. An lakah ahohmanh vawlei uktu an um lai lo i vawlei cungah khua an ser lai lo.
Pathian Nih Babilon A Hrawh Lai
22 Ralkapbu Bawipa nih, “Babilon cu ka tuk lai i ka hrawh lai. Zeihmanh ka nganhmi a um lai lo § ngakchia siseh, a tangmi si hna seh ka nganhmi zeihmanh an um lai lo. Bawipa nih hi bia cu ka chim. 23 Babilon cu tibual ah ka canter lai i khika ah chimbu an um lai. Zeizong vialte a phiak dihtu hmunphiah in Babilon cu ka phiah lai. Ralkapbu Bawipa nih hi bia cu ka chim,” a ti.
Pathian Nih Assiria mi Kha A Hrawh Hna Lai
24 Ralkapbu Bawipa nih chiatser in, “Si seh, tiah ka khanmi cu a si ko lai. Ka tuah lai, ka timi cu tuah a si ko lai. Ref 14.24-27: Isa 10.5-34; Nah 1.1§3.19; Zef 2.13-15 25 Israel ram ka ram chungah hin Assiria mi kha ka thah hna lai i ka tlang cungah ka lamh chih hna lai. Assiria hngawngkual chung khan ka mi cu ka luatter hna lai i an phorhmi thilrit khan ka luatter hna lai. 26 Hihi vawlei cung ca i khua ka khanmi cu a si i miphun dantat awkah khan ka ban cu aa samh ko,” a ti. 27 Ralkapbu Bawipa nih hi hi tuah aa timh hrimhrimmi a si; dantatnak pek awkah a ban cu aa samh i ahohmanh nih an dawn kho lai lo.
Pathian nih Filistin Mi A Hrawh Hna Lai
28 Hi bia hi Siangpahrang Ahaz a thih kum i a chimmi a si. Ref 14.28: 2Sia 16.20; 2Cha 28.27
29 Filistia rammi hna, nanmah an tutu hna fungfek cu a kiak cang, sihmanhsehlaw i lawm hlei hlah u. Rul cu pakhat a thih tikah a òha lo deuh chinmi kha a airawltu ah a hung um tawn. Rulti in zuan thiammi rul a keuh. Ref 14.29-31: Jer 47.1-7; Eze 25.15-17; Joe 3.4-8; Amo 1.6-8; Zef 2.4-7; Zek 9.5-7 30  Bawipa cu a mi hna lak i sifakmi hna caah tuukhal a si lai i him tein a umter hna lai. Sihmanhsehlaw nannih Filistin mi cungah cun mangòam a tlunter lai i pakhat hmanh cu mangòam nih cun a nung in an zuahmi hna nan um lai lo.
31 Filistin mi khuapi hna, ai u law, bawmhnak duh ah au tuah u! Nan dihlak in therphang in um u. Chaklei in leidip khu a rung lio § cu leidip khu cu ralchia aa tel lomi ralkap an si.
32 Filistia ram in a rami lamkaltu hna kha zeitindah bia kan rak leh hna lai? Bawipa nih Zion cu a fehter cang i cuka ah cun fahnak a ingmi a mi hna kha him tein khua a sakter hna lai, tiah kan rak chimh hna lai.