13
Pathian Nih Babilon Dan A Tat Lai
1 Hi bia hi Babilon kong ah Amoz fapa Isaiah nih Pathian sinin a hmuhmi bia a si: Ref 13.1§14.23: Isa 47.1-15; Jer 50.1§51.64
2 Tlang kawng pakhat par ah raltuknak alan phun tuah! Ralkap cu au hna law, aa porhlawmi khualipi kutka cu tu cang hna u ti hmelchunhnak caah na ban kha hlerpiak hna.
3 Bawipa nih a thin a phoktu kha tuk awkah a ralkap kha a kawh hna, cu a thiangmi raldohnak doh awkah cun aa zum ngaingaimi a ralkap, ral cu kanmah nih kan tei òheo lai tiah aa ruatmi ralkap pawl kha, a kawh hna.
4 Tlang cung thawng cu ngai tuah u § mibu nganpi thawng a si, miphun tampi le ram tampi aa pummi thawng a si. Ralkapbu Bawipa nih a ralkap cu raldoh awkah a timh hna.
5 Lamhlatpi i a ummi ram vanhramdeng in a rami an si. A thinhun in ram cu a pumpi in Bawipa nih a hrawh lai.
6 Nganfak in ai tuah u! Bawipa ni cu a nai cang, Lianngan Bik nih rawhnak a tlunter lai ni cu a nai cang. Ref 13.6: Joe 1.15
7 Mi cu ahopaoh an kut a thlep lai i an lung a dong lai.
8 An dihlak in therphang in an um lai i nau nganfah a ingmi nu bantukin fahnak nih a tei hna lai. Pakhat le pakhat kha an i zoh tikah an i òih lai i an hmai thikhal a chuak ciocio lai.
9 Bawipa ni cu a ra lio, a thinhunnak le a thinlinhnak ni, ni òihnung cu a phan dengmang cang. Vawlei cu ramking ah a cang lai i misual mi paohpaoh cu thah an si lai.
10 Arfi hna le arfi bu hna khi an ceu ti lai lo, ni cu a chuah tikah a mui lai i thlapa cu a vang lai lo. Ref 13.10: Eze 32.7; Mat 24.29; Mar 13.24-25; Luk 21.25; Biat 6.12-13
11 Bawipa nih aa thawh i, “Vawleicung ah rawhralnak ka tlunter lai i miòhalo vialte cu an sualnak ruangah khan dan ka tat dih hna lai. Aa porhlawmi paohpaoh kha ka òhumh hna lai i a lung a puammi le ruam a kaimi vialte cu dan ka tat hna lai.
12 A tangmi cu sui nakin an tlawm deuh lai, Ofir sui nakin an tlawm deuh lai.
13 Ralkapbu Bawipa keimah nih ka thinhunnak ka chuah ni ah cun, van khi an ther dih lai i vawlei hi a umnak hmun in a choi lai.
14 “Babilon ram chung i ramdangmi a ummi hna kha, anmahle an ram cio ah an kir lai, sakhi cu ramvai hna sinin a zam bantukin annih zong cu an zam lai, khaltu ngei lo tuu an i òhek bantukin an i òhek lai.
15 Tlaih a tongmi paoh cu thi lak in nam in chunh an si lai.
16 Zeihmanh tuah kho òung loin an mit lawng i an zoh ko lio hna ah khan, an fale tete cu thi lak in an tenghpiak hna lai, an inn kha an ramh hna lai i an nupile kha hranhram in an sualpiak hna lai,” a ti.
17 Bawipa nih, “Babilon tuk awkah Media mih Media mi hi Babilon in Nichuah-Chaklei i a ummi miphun an si. Persia cozah pennak chung i aa tel vemi an si. kha ka cawlcanghter lio hna. Annih cu ngun kha zeihmanh ah an rel lo i sui zongin lem khawh an si lo.
18 An li le an thal in tlangval kha an thah duahmah ko hna lai. Ngakchia cungah siseh, bawhte cungah siseh zaangfahnak zeihmanh an ngei lai lo.
19 Babilon ram hi ram vialte lakah ram dawh bik a si, a chung i a ummi a mi hna nih an i chawr ngaingaimi a si. Sihmanhsehlaw Bawipa nih Sodom le Gomorrah ka rak hrawh bantuk khan ka hrawh ve lai. Ref 13.19: Gen 19.24
20 Cuka ah cun ahohmanh an um òhan ti lai lo. A vak a vai tawnmi Arab mipa zong nih cuka ah cun a thlam a bunh lai lo; cuka ah cun tuukhal zong nih an saòil an khal hna lai lo.
21 Cu hmun cu thetse rawn saram umnak hmun ah a cang lai i chimbu nih an bu an saknak hmun a si lai. Cuka ah cun ostrik va an um lai i sathar hna cu cu hmunrop ah cun an laam lai. Ref 13.21: Isa 34.14; Zef 2.14; Biat 18.2
22 Innsang hna le bawi inn nuamnuam ah khan cenghngia aw le ram-ui awnh thawng lawng a leng ko lai. Babilon cu a caan a phan cang! A ni cu a dih dengmang cang,” a ti.