10
1 Ka mi hna hremnak ah phung dinglo a sermi nannih cu nan lo cang!
2 Cu ti nan tuah caah cun sifakmi nih an hmuh awk hnga a simi kha an hmu kho lo i an bia kha ding tein ceihpiak a um bal lo. Cu phung cun nannih nih nuhmei le ngakòah kha an thil le an ri nan chuh hna.
3 Pathian nih dan an tat hna tikah zeitindik nan i tuah lai? Bawmhnak kha khuazei ah dah nan tlikhnawh lai? Khuazei dah nan chawva kha nan thuh hna lai?
4 Raldohnak hmun ah nan thi lai, asilole sal ah an in kalpi hna lai. Cu ti a si na hmanh cun Bawipa thinhunnak cu a dong lai lo i dantatnak pek awkah a kut cu aa samh ko rih lai.
Pathian Nih Assiria Siangpahrang Kha A Uk
5 Bawipa nih aa thawh i, “Ka thin a ka huntertu hna dantatnak caah Assiria cu thingtan bantukin ka hman. Ref 10.5-34: Isa 14.24-27; Nah 1.1§3.19; Zef 2.13-15
6 Pathian zei ah a rel lomi miphun, ka thin a ka phoktu hna tuk awkah Assiria cu ka thlah. An thil va chuh awk le ramh awk le mi kha khualak lam i nawncek he lamh chih awkah annih cu ka thlah hna,” a ti.
7 Sihmanhsehlaw Assiria siangpahrang nih hin a lungchung tein amahte in aa tinhmi thil pakhat, a puaròhawng ngaimi a ngei. Miphun tampi hrawh hrimhrim kha aa tim.
8 Aa thawh i, “Ka ralbawi cu an dihlak in siangpahrang an si.
9 Kalno khua le Karkhemish khua kha ka tei hna. Hamath khua le Arpad khua kha ka tei hna. Samaria le Damaskas kha ka tei hna.
10 Siasal a biami, Jerusalem le Samaria nak hmanh in siasal tam deuh a ngeimi miphun kha dantat awkah ka phak hna.
11 Samaria le a siasal vialte cu ka hrawh dih cang hna i cu bantuk òhiamòhiam in Jerusalem le cu khua chung i an biakmi siasal hna cungah cun ka tuah lai,” tiah tluang a khawng.
12 Sihmanhsehlaw Bawipa nih, “Atu i Zion Tlang cung le Jerusalem khua chungah ka tuah liomi hi ka dih tikah cun, Assiria siangpahrang hi aa porhlawtnak le a tluangkhawnmi ruangah hin dan ka tat lai,” a ti.
13 Assiria siangpahrang nih cun aa thawh i, “Hi vialte hi keimah tuahmi an si dih. Kei cu ka òhawng, ka fim, i a zer zong ka zer. Ram khat le ram khat karlak i ramri cu ka hloh dih hna i an i khonmi thilri cu ka chuh dih hna. Cuka i khua a sami hna cu cawtum bantukin ka naan hna.
14 Vawlei cung miphun hna cu va bu bantuk men an si, vate ti hlawm in an chawva cu ka hlawm hna. Ka thin a ka phanter khotu dingah thla a samh ngammi pakhat hmanh an um lo, a ka awnhhnawh ngamtu dingah kaa a ang ngam pakhat hmanh an um lo,” tiin tluang a khawng.
15 Sihmanhsehlaw Bawipa nih, “Hreitlung nih a hmangtu nakin ka ngan deuh a ti kho maw? Hluah cu a hmangtu nakin a biapi deuh maw? Thingtan nih mi cu a phorh òung hna lo, mi nih pei thingtan cu an phorh cu,” tiah a ti.
16 Atu i khim lirliar in rawl a eimi hna cungah Bawipa nih rai a tlunter lai. An takpum chungah khan mei bantukin a kang pengmi a um lai.
17 Israel ceunak Pathian cu, mei ah cun a cang lai. Israel Pathian thiang cu meizik ah cun a cang lai i ni khat chungah zeizong vialte kha a kangh dih hna lai, hling le so hmanh kha a kangh dih hna lai.
18 Tupi òhaòha le lo òhaòha kha an rawk dih lai, thihnak tiang a tlunter khotu zawtnak nih mi a tlunhnawh bantuk khi a si lai.
19 A tangmi thingkung cu an tlawm tuk hringhran lai caah ngakchia hmanh nih a rel dih khawh hna lai.
Tlawmte Cu An Kir Òhan Lai
20 Israel mi lakin a taangmi hna nih, a rak hrawk dih dengmangtu hna miphun kha an i bochan ti lo caan a phan lai. Bawipa Israel Pathian thiang tu kha an i bochan taktak cang lai.
21 Israel mi hna lakin tlawmpal cu a òhawngmi an Pathian sinah khan an kir lai.
22 Atu ah cun Israel mi cu rili kam thetse zat si hna hmanh seh law, a kir òhanmi cu tlawmte lawng an si lai. Hi mi hna hi rawhralnak cu chiahpiak an si ko i cu rawhralnak cu an ton hrim awk a si ko. Ref 10.22-23: Rom 9.27
23 Bawipa Ralkapbu hna Pathian nih ka tuah lai tiah a chim bangin, ram chung dihlak ah cun rawhralnak cu a tlung ko lai.
Bawipa Nih Assiria Dan A Tat Lai
24 Bawipa Ralkapbu hna Pathian nih Zion i a ummi cu a thawh hna i, “Izipt mi nih an rak in hrem hna bantuk khan Assiria mi nih hin in hrem hna hmanh seh law, Assiria mi hi òih hna hlah u.
25 Dantatnak kan pekmi hna cu caan tawite chungah ka dihter lai i cun annih cu ka hrawh hna lai.
26 Oreb lungpi ah Midian mi ka rak tuk hna bantuk khan keimah Ralkapbu Bawipa nih annih cu ka fung in ka tuk hna lai. Izipt ka rak hrem bantuk khan Assiria cu ka hrem lai.
27 Cu caan a phak tikah Assiria òhawnnak chung khan nannih cu kan luatter hna lai i an hngawngkual cu nan hngawng ah thilrit an si ti lai lo,” a ti hna.
Ral An Lut
28 Ral cu Aiathg Aiath le cang 28-32 chung khua min hna hi ral nih Jerusalem tuk awkah chaklei in an run tikah, an pal pahmi hna khua an si. an phan cang. Migron kha an lonh cang. Mikmash ah an thilri kha an i chiah.
29 Maabarah pawng khan an lan i Geba ah zan khat an riak. Ramah khuami hna cu an lau dih i Siangpahrang Saul i a khua Gibeah khuami hna kha an zam dih.
30 Gallim khuami hna au tuah u! Laishah khuami hna Gallim khuami au thawng cu ngai tuah u! Anathoth khuami hna, Gallim khuami hna aunak thawng cu let hna u.
31 Madmenah khuami hna le Gebim khuami hna cu himnak kawl ah an zam dih.
32 Ral cu nihin hrimhrim ah hin Nob khua ah an um i Zion Tlang, Jerusalem khua cu an kuttum an thinhnawh len ko.
33 Bawipa Ralkapbu hna Bawipa nih thing nge thlangh in a thlangh hna lai. Aa porhlaw bikbik hna le a sang bikbik hna kha a thlangh hna lai i ningzahnak a phakter hna lai.
34 Tupi chung thingkung kha hreitlung in an hau hna bangin annih cu Bawipa nih a hau hna lai i Lebanon tlang thing òha bikbik an tluk bangin an tlu lai!