7
1 Ka mi hna cu an van òhatnak kha
pek òhan ka duh hna i Israel mi
cu damter ka duh hna tikah khan,
A hung langmi cu Efraim òhat lonak
lawnglawng le
Samaria chiathrutnak lawnglawng
kha a si ko,
Mi kha an hlen hna, thil kha
fir awkah mi inn kha an bauh i
lam i a kalmi kha an thil an chuh hna.
2 Thil òhalo an tuahmi vialte kha
ka hngalh camcin ko ti kha
a ruah awk an hngal lo;
An sualnak nih khan a kulh hna i
ka hmaika khan an luat kho lo.
3 Siangpahrang cu an òhat lonak khan
a lung an awih i bawi hna cu
an mi hlenthiamnak khan
an lung an lawmhter hna,
4 An dihlak in va cung in pa aa duhmi an si. Changreu sertu nih changreu rawhnak ah mei a tih i changvut cet a nawnmi kha a thawh lioah mei cu tawngtham lo tein a um caah changreu rawhnak cu a lin ngaingai, cu bantukin a linmi changreu rawhnak bantuk cu an si.
5 An siangpahrang puai ni ah
bawi pawl cu zu an ri dih i
Miruamkai rual hna sinah cun
amah zong cu aa tel ve.
6 Annih an lung cu changreu rawhnak
linh bangin a lin.
Zan khuadei dai tein an i dinh tikah
an thinhunnak cu
a hngilh in aa hngilh,
Sihmanhsehlaw zinglei ah cun
mei alh in a alh òhan.
7 Changreu rawhnak bantukin
linsa in an um i
an uktu bawi hna kha an thah hna.
An siangpahrang cu pakhat hnu
pakhat in an nawn hna,
Sihmanhsehlaw ahohmanh nih
keimah sinah khan thla an cam lo.
8 Efraim le ramdangmi an i cawh hi
ngaihchia a si,
Efraim cu a cheu lawng a hminmi
changreu hlum bantuk a si cang.
9 Ramdangmi kha an i bochan hna
caah anmah thazang kha a òum,
sihmanhsehlaw cucu an hngal lo;
An sam a par dih cang hmanh kha
an hngal lo.
10 Israel cu aa porhlawtnak lila nih
khan sual a phawt ko,
Sihmanhsehlaw Bawipa an Pathian sin
i kir òhan cu an duh lo;
Hi bantukin thil si ko hmanh seh law,
amah kawl kha an duh lo.
11 Efraim hi laileng hrutte a si,
Atu ah Izipt kha a vun auh, atu lila ah
Assiria leiah khan aa mer òhan.
12 Khuazei lei i an i mer hmanh ah
ka sur in ka khuh hna lai i
A zuang liomi vaa tlaih bantukin
ka tlaih hna lai;
An i pum ti ka theih cangka,
sal ah ka tlaih hna lai.
13 Ka sinin an tlau cang caah
an cungah harnak tlung ko seh.
Keimah kha an ka doh caah
rawhralnak nih
tlunhnawh ko hna seh.
Kei nih cun chuah ka duh ko hna,
sihmanhsehlaw keimah kong ah
lih an chim.
14 Ka sin i thla an cammi hi
lungtak in an si lo;
An ihkhun cungah khan
an kiao an ai men i a si ko,
Rawl le mitsur hang thar caah khan nam in an i at,
Sihmanhsehlaw keimah kha
an ka doh.
15 Kei nih cun ka bawmh hna i
òhawnnak kut ka pe ko hna nain,
Keimah dohnak ding khua kha
an khan.
16 Keimah kha santlailo pathian leiah an ka mertak.
Liza a dormi bantukin santlailo an si.
An hruaitu hna kha porhlaw ngaiin
bia an chim caah
vainam in an thi lai i
Izipt ram nih an nihsawh hna lai.