12
1 Efraim cu a tuurun thli menmen
a simi kha a khal i
Amah cu chun nitlak in nichuahlei
thli a dawi lengmangmi kha a si;
Assiria he khan biakamnak kha
a va ser i Izipt ram ah khan
laksawng chiti kha a vun phorh.
2 Bawipa nih Judah cungah
bia pakhat a ngei i
Jakob cu a ziaza ruangah khan
dantat aa tim;
thil òhalo a tuahmi kha
a lehrulh lai.
3 A nu paw chung hmanh ah khan
a unau kha a chawhkanh i
Upa a hung si tikah Pathian kha
a zuam. Ref 12.3: Gen 25.26 Ref 12.3-4: Gen 32.24-26
4 Vancungmi he khan an i pai i a tei.
Jakob cu a òap i thluachuahnak
ka pe tiah a hal.
Khi tikah Pathian cu Jakob sinah cun
Bethel ah khan a ra i amah he cun
an i chawn. Ref 12.4: Gen 28.10-22
5 Cucu Bawipa, Ralkapbu Pathian kha
a si i a min cu Bawipa a si.
6 Cucaah atu cu Jakob tefa hna,
nan Pathian cu i bochan u law
amah sinah khan kir tuah u.
Amah sinah khan zumhawktlak in
um u law ding tein um ko u,
Cun nan Pathian nih rian a òuan lai
kha thinfual in hngak ko u.
7 Israel mi hi Kanaan mi bantukin
mihrokhrawl an si,
Cuai deu kha an hman hna i
mihlen kha an duh.
8 Asinain annih nih cun an i thawh i,
Kannih cu kan rum cang, chawva
tampi kan ngei cang;
Dinlonak in an rum tiah ahohmanh
nih an kan ti kho lai lo, an ti.
9 Sihmanhsehlaw Izipt ram in
an chuahpitu hna
nan Pathian cu Bawipa hi ka si.
Thetse ram i nan um lio i nan sin i
ka rat tikah puan thlam chungah
nan um bantuk khan,
òhal thlam chungah
kan umter òhan ko hna lai. Ref 12.9: Lev 23.42-43
10 Profet hna sinah cun bia ka chim i
langhnak tampi ka pek hna.
Atu cu profet hna sin cun rawhralnak
kha ka tlunter lai.
11 Gilead ah siasal kha an biak hna,
cu a biatu hna cu an thi lai.
Gilgal ah cawtum kha rai ah
an thawi hna,
cucaah biakòheng hna cu lo lak
12 Kan pu Jakob cu Aram ram ah khan a rak zam i
Khika ah nupi òhitnak caah
mi tuu kha a rak khal. Ref 12.12: Gen 29.1-20
13 Bawipa nih Israel mi kha
Izipt ram chung i sal i an cannak in
chuah awkah
profet pakhat kha a thlah;
Cun profet pakhat in
a zohkhenh hna. Ref 12.13: Exo 12.50-51
14 Israel mi nih Bawipa kha fak piin
a thin an hunter;
Annih cu an sualnak ruangah khan
thihnak hmuh awk an tlak i
Pathian nih a ngaithiam hna lai lo.
Bawipa nih a cung i ningzahnak
an tluntermi ruangah khan
dan a tat hna lai.