11
Pathian Nih Israel Mi A Dawt Hna
1 Israel cu ngakchia a si lio in
ka dawt;
Ka fapa cu Izipt ram chungin
chuah awkah ka auh; Ref 11.1: Exo 4.22; Mat 2.15
2 Sihmanhsehlaw ka kawh deuh hna
paoh ah an ka hlat chin lengmang
Baal sinah khan raithawinak an tuah i
serchom siasal sinah khan
rimhmui kha an khangh.
3 Efraim kal a rak cawnpiaktu kha
keimah ka si.
Kut in a rak pomtu hna kha
keimah ka si;
4 Sihmanhsehlaw hruainak hri in
ka khih hna i dawtnak in
ka hruai hna kha an hngal lo.
Ngakchia bantukin ka bel ah ka hun
cawi hna i rawl khaih awkah
ka kunhnawh hna.
5 Keimah lei i kir òhan cu an duh lo
caah Izipt ram ah cun pei dik
an kal òhan ko lai i
Assiria mi cu an siangpahrang
a si ko lai.
6 Ral nih an khua kha an lak dih hna
lai i khua kutka hrenhnak
thingtluan hna cu
an khiah dih hna lai.
Lungthin cheuhnak òhalo kha
ka mi nih an zulh caah ral nih cun
an hrawh dih hna lai.
7 Keimah cu an ka mertak cang i
cu ruangah a chuakmi thil kha
an hrial kho ti lai lo,
An cung i an i khinhmi seihnam rit
ruangah khan an ai len lai,
sihmanhsehlaw ahohmanh nih
an òhialpiak kho hna lai lo.
8 Zeitindah kan hlawt khawh lai,
Efraim?
Zeitindah kan thlah khawh lai, Israel?
Admah ka rak hrawh bantuk khan
kan hrawh lai maw?
Zeboiim cung i ka rak tuah bantuk
khan na cungah ka tuah lai maw?
Ka tuah kho lai lo, ka chungah
ka lung cu aa thleng cang i
ka ngaihchiatnak cu
a alh in a alh cang. Ref 11.8: Deu 29.23
9 Ka thinhun in kan hrawk lai lo,
Israel cu ka hrawk òhan lai lo.
Zeicahtiah kei cu Pathian ka si,
minung ka si lo.
A Thiang Mi Keimah cu nan sin i
a ummi hi ka si,
Nan sinah thinhun in ka ra lai lo.
10 An ral cu chiandeih bantukin
ka awnhhnawh hna lai i
ka mi nih cun an ka zulh lai;
Nitlaklei in khulrang in ka sinah
an ra lai.
11 Khulrang in an ra lai, va zuan in
Izipt ram in an hung zuang lai i
laileng bantukin Assiria ram in
an rung zuang lai;
Cun an inn cio ah khan khua
ka sakter hna lai.
Hihi Bawipa bia hrimhrim a si.
Israel le Judah A Mawhchiat Hna
12 Efraim nih hlennak bia in
a ka kulh i
Israel chungkhar hna nih
dehnak bia in an ka kulh;
Cun Judah cu Pathian kha
zul duh loin aa chang i,
A thiang tiah a timi siasal kha
an biak ko rih hna.