2
Pathian Lehnak
1 Ralvennak innsang ah khan
ka va dir lai i
kulhnak vampang ah khan
ka va um lai;
Ka sinah zeidah a chim lai ti kha
ka va hngak lai i,
Ka phunzainak kongah khan
ka sinah zeidah a chim lai i,
Kei nih zeitindah ka leh lai ti kha
hmuh awkah ka va cuan lai.
2 Cun Bawipa nih a ka leh i,
“Langhnak na hmuhmi cu òial tuah,
Lungtlap ah khan òial law
a reltu nih tlikpah hmanh in
an rel khawh nakhnga
fiang tein òial tuah.
3 Na hmuhmi langhnak a tlin caan cu
a phak rih lo caah a òial in òial.
Asinain a caan cu khulrang in
a ra lio ko i,
Kan hmuhsakmi cu a tling
hrimhrim ko lai.
A caan cu a raumi a lo lai,
sihmanhsehlaw hngak ko,
a tling hrimhrim ko lai i
sau a rau ti lai lo,” a ti. Ref 2.3: Heb 10.37
4 Cun a bia cu hihi a si:
“A òha lomi cu a nung lai lo.
Sihmanhsehlaw a dingmi cu
a nung lai.
Pathian sinah zumhtlak a sinak
thawngin a nung lai,” a ti. Ref 2.4: Rom 1.17; Gal 3.11; Heb 10.38
Miding Lo An Thi Lai
5 Rumnak hi hlen a hmang,
mihakkau hi an i porhlaw i
dai zirziar in an um kho lo.
Thihnak bantuk an si § khim ti
an ngei lo.
Cucaah cun ram khat hnu
ram khat an tuk hna i an tei hna i
an mi kha an sinah an pumh hna.
6 Teimi hna nih khan an teitu hna kha
an nehsawh hna lai i
zei i an rel hna lai lo kha
an langhter lai.
An thawh hna lai i,
“Nanmah ta a si lomi thil kha
nan i lak, asinain nan rawk
òhiamòhiam ko lai;
Lei an battu hna kha hranhram in,
ka pe ko, tiah nan cawh peng hna,
Cuticun zei can tiang dah rum chin
lengmang nan i timh lai?
7 Sihmanhsehlaw nan vun i hngalh
khawh hlanah,
Midang a teitu kha leiba ngei cu
nan si lai i nan leiba cu
hranhram in pekter nan si lai.
Nan ral kha a ra lai i a ther in
nan ther lai,
nanmah kha an in ramh hna lai.
8 Miphun tampi kha nan ramh hna.
Asinain a tangmi nih khan
an in ramh ve hna lai.
Lainawnnak nan tuahmi le
vawleicung mi hna le
khualipi chungah òhat lonak
nan tuahmi ruangah
9 Rawk ding nan si ko cang!
Hranhram in mi nan va chuhmi hna
thil khan nan innchungkhar
nan rumter i
harnak le òihnung nih
phak khawh lo dingin
him tein nan tuah!
10 Asinain nan tuahmi nih cun
nan innchungkhar cungah
ningzahnak a tlunter;
Miphun tampi kha nan va hrawh hna,
asinain nan i tlunpimi cu
nanmah rawknak kha a si ko.
11 Vampang lung hmanh nih an in hauh
cang hna i inntling hna nih khan
12 Rawk ding nan si ko cang!
Thisen chuahnak in khua cu
nan tlak i sualnak cungah
a hram cu nan bunh.
13 Nan teimi miphun hna nih fak piin
an rak òuanmi cu
pakpalawng ah nan ser i
an rak sakmi cu meizik in
nan khangh dih.
Hihi a tuahtu cu ralkapbu Bawipa a si.
14 Sihmanhsehlaw rili cu ti in
a khah bantukin vawlei cu
Bawipa hngalhnak le
sunparnak in a khat lai. Ref 2.14: Isa 11.9
15 Rawk ding nan si ko cang!
Nan thinhun in nan innpa hna cu
nan nautat hna i
ningzah nan thlaih hna.
Zuri sawn in nan sawnter hna.
16 Upatnak si loin ningzahnak in
khuh nan si ve lai,
nanmah zong cu zuri sawn in
nan sawn ve lai.
Bawipa nih nan dantatnak hrai kha
an dinter hna lai i
nan thangòhat upatnak kha
ningzahnak ah a cang lai.
17 Lebanon tupi kha nan òhiam hna,
atu cu nanmah zong òhiam
na si ve lai.
A chung saram kha nan thah hna,
atu cu saram nih khan nan thin
an in phanter hna lai;
Lainawnnak nan tuahmi ruang le
vawleicung mi hna le
a khualipi hna cung i
zaang-ennak nan tuahmi ruangah,
hihi cu nan cungah a tlung lai.
18 Siasal hi a òhathnemnak zei
a um maw?
Minung nih an sermi a si ko i
lih dah ti lo cu zeihmanh
aan chimh khawhmi hna a um lo;
a holh hmanh a holh kho lomi
pathian cu a sertu caah
a tuah khawhmi zeital a um maw?
19 Rawk ding nan si ko cang!
Thingtan cu naa thawh i
“I hlau tuah,” na ti;
Lungtum cu naa thawh i,
“Tho tuah,” na ti.
Siasal nih zeital an phuanpiak
kho maw?
Ngun le sui cun tuam a si ko lai,
asinain a chungah nunnak
a um lo.
20 Bawipa cu a biakinn thiang
chungah a um,
vawleicung mi vialte hna
a hmaiah dai zirziar in um tuah u.