HAGGAI
Haggai
1
Zerubbabel Nih Biakinn A Remh Òhan
Siangpahrang Darius a bawi kum hnih kum, thla ruknak thla, a ni khat ni ah profet Haggai sinin Shealtiel fapa Zerubbabel, Judah ram uktu bawi le Jehozadak fapa Joshua, Tlangbawi Ngan sinah cun Bawipa bia cu a phan. Ref 1.1: Ezr 4.24§5.2; 6.14 Ralkapbu Bawipa nih Haggai cu, “Hi miphun nih hin, Bawipa inn cu sak òhan awk a si rih lo, an ti,” tiah a ti. Khi tikah hi bia hi profet Haggai sin cun a ra phan: “Hi inn hi rawk nelnul in a rilh ko lakah hin nannih cu inncung khuh òhaòha a ngeimi inn i um cu a caan a si maw? Cucaah hihi ralkapbu Bawipa nih a chimmi bia cu a si: Nan umtuning hi ruat hmanh u. A tuh cu tampi nan tuh ko, sihmanhsehlaw tlawmte lawng nan zun; a ei cu nan ei ko, sihmanhsehlaw nan orthi a hnim bal lo; a din cu nan din ko, sihmanhsehlaw nan i za ceoceo tiang lawng a si; puan cu nan i aih ko, sihmanhsehlaw nan khua a lum bal lo; rianòuantu nih khan an òuan man an hmuhmi cu zal pem chungah an sanh lengmang ko. Ralkapbu Bawipa bia cu hi bangin a si: Nan umtuning hi ruat tuah u. Tlang ah khin hung kai u law thing hung la u law ka sunparnak ka langhter khawh nakhnga ding, ka ca i aa tlakmi inn pakhat in sa tuah u, tiah Bawipa nih a ti. Nan kawlmi cu a tampi, sihmanhsehlaw nan hmuhmi cu a tlawm. Nan rawl òuanmi cu inn i nan hun tlunpi ah khan kei nih lolak in ka rak chem hna. Zeicahdah hi bantukin a si? tiah Bawipa nih a ti. Hi ti a si cu, nannih vial nih i dornak inn nan i ngeih cio cang i kei ka inn vial rawk nelnul in a rilh ko caah hin a si. 10 Van nih dap tlakter duh lo le vawlei nih a theitlai a chuah duh lo cu nanmah òhat lonak ruangah pei a si cu. 11 Cucaah ram cungah siseh, tlang cungah siseh, fangvoi cungah siseh, mitsur hang thar cungah siseh, chiti cungah siseh, vawlei chungin a chuakmi thil paohpaoh cungah siseh, mi cungah siseh, saòil cungah siseh, mi nih an òuannak in a chuakmi thil paohpaoh cungah rocar kha ka tlunter,” tiah a ti.
Mizapi Nih Bawipa Bia An Zulh
12 Shealtiel fapa Zerubbabel, Jehozadak fapa Joshua Tlangbawi Ngan le a tangmi midang hna nih khan Bawipa an Pathian nih a chimmi cu an ngaih i Bawipa an Pathian nih profet Haggai kha a rak thlah tikah a chimmi kha an ngaih i Bawipa ruangah cun òihnak in an khat. 13 Cucaah Bawipa nih a thlahmi Haggai nih, Bawipa nih a fial bangin mizapi cu a thawh hna i, 14 “ Bawipa nih, ‘Nan sinah ka um ko,’ a ti,” tiah a ti. Khi tikah Bawipa nih, Shealtiel fapa Zerubbabel, Judah ram uktu bawi le Jehozadak fapa Joshua, Tlangbawi Ngan kha le midang hna cu an lung a thawhter hna i thla ruk thla ni 24 ni Darius a bawi kum hnihnak ah cun an ra i 15 Ralkapbu Bawipa, an Pathian inn ah cun rianòuan hram an thawk.