5
1 Tlangbawi zik paoh cu minung caah Pathian lei rianòuantu an si i laksawng le sualnak caah thawinak pe chantu minung lakin thim i chiah an si.
2 Amah zong derthawmnak nih a tuaitammi a si bantukin zei hngal lo le pial hmangmi dindorh a thiam.
3 Cucaah midang ca i sual thawinak an tuah tawn bangin amah ca zongah thawinak a tuah ve a herh.
4 Ahohmanh mah le mah upatnak aa pek phung a si lo, Aron zong Pathian auhmi a si bantuk khan a nih zong Pathian auhmi a si.
5 Cu bantuk cu Khrih zong nih amah le amah upatnak in tlangbawi zik ah aa ser lo, sihmanhsehlaw,
“Nang cu ka Fapa na si,
Nihin ah Fa ah kan ser,” a titu nih a pek.
6 Hmun dang zongah hitihin a ti rih:
“Melkhizedek tlangbawi a rak sining khan
Nang zong tlangbawi na si zungzal lai,” a ti rih fawn.
7 Thisa in a nun lioah khan Jesuh nih cun thihnak in a khamh khotu sinah mitthli tla in fakpi i òah buin thlacam in a hal, Pathian òihzahnak a ngeih caah a theihpiak.
8 Fapa a si nain a intuarmi ruang khan nawlngaitu ah a cang.
9 Mitling ah ser a si bantukin a nawl a ngaimi hna caah a hmunmi khamhnak hram ah aa cang.
10 Cucu Pathian nih Melkhizedek sining in tlangbawi zik a siter caah a si.
11 Hi kong ah hin chim awk tampi kan ngei ko nain lung a pin tuk caah fianter a har ko.
12 Atu ah hin cun cawnpiaktu si cang awk nan si nain Pathian bia umtuning a tlangpi hmasa bik kha a hram tein cawnpiak nan herh rih. Rawl tak si loin hnuk nan herh ko rih.
13 Hnuk a ding ko rihmi cu bawhte an si rih caah dinnak bia kha an hngal kho rih lo.
14 Rawl tak cu a hmuh tonmi ruangah a chia le a òha thleidang thiam cangmi mitling hna caah a si.