4
Pathian Dinhhmun Tiammi
1 Cu a si caah, dinhhmun luh awk biakam a um ko nain nan lakah lut lo dingin biaceihmi nan um sual lai ti kha phang u sih.
2 Zeitintiah thawngòhabia cu kan sin i a rat bantukin an sin zongah a phan ve; sihmanhsehlaw cu bia a theimi hna nih zumhnak in an cohlan lo caah a òhathnem hna lo;
3 cu dinhhmun ah cun kannih a zummi hna tu cu kan lut cang. A rian cu vawlei hramthawk in a lim ko cang nain, hitihin a ti:
“Ka thinhun in chiat ka serh hna caah
Ka dinhhmun cu an lut bal lai lo,”
4 Zeitintiah ni sarihnak ni kong ah hitihin khuazeimaw ah,
“Ni sarihnak ni ah Pathian cu a rian vialte in aa din,”
tiah òial a si.
5 Hi kong ah hin hitihin a chim òhan:
“Ka dinhhmun ah an lut bal lai lo,” tiah a ti.
6 A lut hngami acheu an um rih ca le
thawngòha a rak cohlang hmasami hna nih
an nawl ngaih lo ruang i luh an tlolh caah,
7 ni dang pakhat a khiah òhan, cucu “Nihin,” a si i caan saupi hnuah
David sinin a chimmi bia,
“Nihin ah a aw nan theih ahcun
Nan lung khawnter hlah u,”
a timi kha a si.
8 Joshua nih dinhnak a rak pek hna ahcun a hnuah Pathian nih hin ni dang kong a chim hnga lo.
9 Cucaah cun Pathian mi hna caah sabbath dinhnak cu aum ko rih,
10 zeitintiah Pathian dinhhmun ah a lutmi hna cu Pathian zong a rian in aa dinh bantukin an òuannak in annih zong an i din ve.
11 Cu a si caah cu dinhhmun i luh awkah cun i zuam u si law ahohmanh cu bantuk zumh lonak ruangah cun tlu hlah u sih.
12 Zeitintiah Pathian bia cu a nung i hmual a ngei; vainam kap hnih har nakin a har deuh. Nunnak le thlarau aa òhennak le ruh le thlik aa tonnak tiang hmanh a hlanh i lung chung ruahnak le tumtahmi zong a thleidan dih.
13 Amah hmaiah cun sermi zeihmanh aa thup khomi a um lo. Kan sining kong kan chim te lainak Pa hmaiah cun zeizong vialte hi taklawng le aa hung dihmi an si.
14 Vancung a òol dih cangmi tlangbawi zik ngan Pathian Fapa Jesuh kan ngeih caah kan zumhnak cu fek tein i tlaih ko u sih.
15 Kan ngeihmi tlangbawi zik ngan cu kan derthawmnak ah a kan hramh kho lomi a si lo. Zeikip ah kanmah bantukin tukforh a ing ve ko nain a sual lomi a si.
16 Kan herh caan paoh ah zaangfahnak vel kan hmuh nakhnga a vel bawiòhutdan cu lungsi tein naih ko u sih.