3
Moses Cu Òuankan, Khrih Cu Fapa
1 Cu a si caah vancung in auhmi a thiangmi u le nau hna, kan phuanmi kan zumhnak bawmtu tlangbawi zik le lamkaltu ah sermi Jesuh kong kha ruat hmanh u.
2 Moses zong Pathian inn ah zumhtlak a si bantukin rian a petu cungah zumhtlak a si.
3 Inn a satu cu inn nakin upat deuh a si bantukin Jesuh cu Moses nakin sunparnak hmuh tlak deuh a si.
4 (Zeitintiah inn cu mi nih sak a si i zeizong vialte satu Pathian a si).
5 Moses cu Pathian inn ningpi ah zumhtlak sal a si i Pathian nih a chim laimi hi phuangtu a si.
6 Sihmanhsehlaw Khrih cu Pathian inn cungah zumhtlak Fapa a si. Kan zumhnak cu ralòha le lunghmui tein kan i tlaih ahcun kannih hi a inn cu kan si hnga.
(Slm 95:7b-11)
7 Cu a si caah Thiang Thlarau nih a chim bantukin
“Nihin ah a aw nan theih ahcun
8 Ramcar ah hneksak del an si lio i
Ral in dir lio caan bang khan
Nan lungthin hahter hlah u.
9 Cuka ah cun nan pupa nih hneksak an ka del i
Kum sawm li chung ka rianòuannak khan an rak hmuh.
10 Cucaah kha chan hna cungah khan
Ka thin a hung i
An lungput a pingah an pial
Ka lam an hngal ti lo,”
ka ti.
11 Thinhun in chiat ka ser caah, “Ka dinhhmun cu an lut bal lai lo,”
12 U le nau hna, i ralring u, cu lo ahcun Pathian sinin tluk awkah aho nan thinlung ah dik òhat lonak le zumh lonak lung ruahnak a lut sual hnga.
13 “Nihin,” ti a si chung paoh cu ahohmanh sual hlennak nih nan lung an hahter hna nakhnga lo nifa tein pakhat le pakhat i forh cio ko u.
14 A terte i kan zumhnak kha a dongh tiang fek tein kan i tlaih peng ahcun Khrih he aa hrawm òimi kan si lai.
15 ‘Nihin ah a aw nan theih ahcun
Ral nan rak ser lio caan bantukin
nan lungthin khawnter hlah u,’
tiah chim a rak si.
16 Ahodah a thei ko nain a ralchantu kha an si, Moses hruainak in Izipt a rak chuah takmi vialte hna kha an si lo maw?
17 Kum sawm li chung aho cungah dah a thin a hun? A sual i ramcar ah a thimi hna cungah a si lo maw?
18 A dinhhmun phan lo dingin chiat a serhmi hna kha ahodah an si? Nawl a ngai lomi hna kha an si lo maw?
19 Cu a si caah an zumh lo ruangah an lut kho lo ti kha kan hngalh.