2
1 Cu a si caah kan theih cangmi kha biatak deuh in ruat u sih, cuti lo cun kan pial sual hnga.
2-3 Vanmi nih pekmi bia hmanh kha a rak fek ngaingai i aa buarsomi le a nawlngai lomi hna nih aa tlakmi dantatnak an hmuh ahcun hi tluk i a liannganmi khamhnak kan thlahthlam ahcun zeitindah dantatnak cun kan luat khawh lai. Cu khamhnak cu Bawipa amah hrimhrim nih a thanh hmasa i a theimi hna nih kan sinah an fehter.
4 Pathian hrimhrim nih hmelchunhnak le khuaruahhar thil le khuaruahhar tuahnak phunkip le Thiang Thlarau laksawng hna thawng khan a fianter i amah duhning in a phawtzamh hna.
Toidornak In Cawisannak
(Slm 8:1-9)
5 A ra laimi vawlei cu vanmi hna kut ah a chia lo ti cu atu i kan chimmi hi a si.
6 Khua zeimaw ah,
“Minung hi zeihen a si, na hnakkar ah na tenh?
Minung men a si komi hi zei ah hen hi tluk hin
a zawn na ruah?
7 Vanmi nak niam deuh ah na ser chung rih i
Sunlawinak le thangòhatnak na chinhter.
8 A ke tangah zeizong vialte na chiah,” ti in rak chim a si.
Amah tangah zeizong vialte chiah a si caah a uknak lengah zeihmanh chiah a si lo. Atu i thil umtuning ah cun zeizong vialte cu a tangah a um ti kan hmu rih lo.
9 Sihmanhsehlaw, “Vanmi tangah a ser rihmi,” Jesuh cu thihnak a in ruangah sunparnak le upatnak chinhter a si ti kan hmuh; cucu Pathian vel thawngin mi kip caah thihnak a ton nakhnga caah a si.
10 Amah ruang le amah in zeizong thil a umtertu hrimhrim nih mi tampi sunparter awkah sifah tuarnak in an khamhnak kha a tlinter taktak, zeitintiah amah cu khamhnak a phakpitu hna a si.
11 Zeitintiah thiantertu le thiantermi hna nih cun hringtu pakhat lawng an ngei. Cucaah unau hna, ti kha a ning a zak lo.
12 “Ka unau hna sinah na min cu ka thanh lai,
Aa pummi zapi hmaiah kan thangòhat lai,” a ti.
13 Amah cungah ka zumhnak ka chiah lai
Cun,
“Pathian nih a ka pekmi fale he
hika ah hin ka um,” tiah a ti òhan.
14 Cu a si caah fale hna cu thi le sa aa hrawmmi an si i amah zong cucu aa hrawm ve; thihnak cungah nawlngeitu khuachia kha amah thihnak in a tei nakhnga caah a si.
15 An chan chung vialte thih òihnak nih a salmi hna kha a luatter hna.
16 A rung hramhkauhmi hna cu vanmi an si lo, Abraham hrinthlak hna tu kha an si.
17 Cu a si caah a zei lei paoh in a unau hna bantukin ser a si awk hrimhrim a si; zeitintiah Pathian rianòuan awkah zaangfah thiam le zumhtlak tlangbawi zik a si nakhnga le mi hna sualnak a thianh khawh nakhnga caah a si.
18 Amah kha harnak le tukforhnak a ingmi a si caah tukforhmi hna kha a bawmh khawh hna.