13
U nau dawtnak in i daw thluangthluan u. Khualtlung hramhkauh kha daithlang hlah u, cuticun micheu nih an i hngalh lo karah vanmi kha an i tlunter tawn. Thongtla hna cu an sin i a tla ve bantukin philh hna hlah u law serhsatnak a ingmi hna zong thi le sa in a nungmi nan si ve caah philh hna hlah u. Òhitumnak cu mi vialte nih hmaizah awk a si i òhitumnak ihkhun cu thurhhnawmh si hlah seh. Nu le pa sualnak a tuahmi le òangdang a kaimi cu Pathian nih bia a ceih hna lai. Tangka duh tukmi si hlah u, nan ngeihmi ah nan lung si ko seh, zeitintiah, “Zeitikhmanh ah kan kal tak hna lai lo i kan hlaw fawn hna lai lo,” a ti. Cu a si caah,
“Bawipa cu a ka bawmtu a si,
Zeihmanh ka òih lai lo;
Aho nih dah zei an ka ti khawh lai,” kan ti ngam ko.
A hruaitu hna, Pathian phung a rak in chimtu hna kha philh hna hlah u; an rak nunning kha òha tein ruat u law an zumhnak kha i cawn u. Jesuh Khrih cu nizan le nihin le a zungzal in a khat zungzal ko. Cawnpiaknak dangdang le theihtlai nih in pialter hna hlah seh. Ahohmanh a òhathnem òung lomi eidin phungphai zulhnak in lungthin òhawnternak cun, Pathian vel in lungthin òhawnter kha a òha deuh. 10 Kannih nih kan ngeihmi biakòheng in a chuakmi cu biakthlam i rianòuantu hna nih cun einak nawl an ngei lo. 11 An thi kha tlangbawi zik nih sual thawinak caah hmunthiang ah a luhpimi saram pum cu hau lengah khanh an si. 12 Cucaah Jesuh zong nih amah thisen theng in mi a òhawnter khawh hna nakhnga khualipi hau lengah temhinnak a tuar. 13 Cucaah kannih zong hau lengah amah cu hei fuh in thangchiatnak a inmi cu va ing ve u sih. 14 Hi vawlei ah hin a hmunmi khualipi kan ngei lo. A ra laimi khualipi tu kha kan kawl. 15 Cuticun amah thawngin thangòhat thawinak cu Pathian sinah pe zungzal u sih; cucu a min kan thangòhatnak kan hmurka theitlai cu a si. 16 Rianòha òuan le nan ngeihmi i òhenhphawt kha daithlanh hlah u, zeitintiah cu bantuk thawinak nih cun Pathian lung a lawmhter.
17 Nan hruaitu hna bia ngai u law an nawl zul hna u. Zeitintiah nan konglam chimtu ding khan in nan nunnak kilvengtu an si. Cu rian cu thanuam tein òuanter hna u, ngaihchiat buin òuan hna hlah seh, zeicahtiah nan caah òhathnemnak a chuak lai lo. 18 Thla rak kan campiak u, zei thil paoh hi hmaizah awktlak in òuan kan duhnak ah chia le òha thleidannak thiang kan ngei ti kha kan hngalh. 19 Nan sinah tuan deuh i ka phak khawh nakhnga thla rak ka campiak hram ko u, tiah kan nawl chih ko hna.
20 Tuukhal lianngan kan Bawipa Jesuh cu thihnak in a thawhter òhantu daihnak Pathian nih cun zungzal biahrennak thisen thawngin 21 a duhmi nan tuah khawh nakhnga thil òha kip in in thuam hna seh law Jesuh Khrih thawngin a mit hmuh ah a lunglawmhtertu thil cu nan chungah rianòuanter ko seh. Zungzal in zungzal tiang a cungah sunparnak um ko seh. Amen.
22 U le nau hna, kan forhnak hna bia hi caan tawite tal in ngai ko u, tiah kan nawl hna. 23 Kan unau Timote kha thong in an chuah cang ti rak hngal u, a rat tu ahcun ka rak i òhit lai. 24 An hruaitu hna vialte le mithiang vialte hna a lang in an kut ka tlaih hna. Itali mi hna nih a lang in nan kut an in tlaih hna. 25 Nan dihlak cungah Pathian vel cu um ko seh. Amen.