10
Khrih Thawinak Zungzal Ca
(Slm 40:6-8)
1 Zeitintiah phung nih cun a ra laimi thil òha a thlam, a taktak a si lomi sawisam lawng a ngei, cu bantuk, kum fatin tein pekchanh tawnmi thawinak nih cun, amah a naihmi hna kha zeitinhmanh in a tlinter kho bal hna lo.
2 Tlinter kho seh law cu thawinak a pechantu hna kha thianter an si hnga i sual phuhrunnak an ngeih ti lo ahcun thawinak pekchanh cu an ngol cang hnga lo maw?
3 Sihmanhsehlaw thawinak tuah lengmangnak hi kum khat hnu kum khar sualnak hngalhter òhantu a si.
4 Meheh le cawtum thisen nih cun sual cu a hlo kho hrimhrim lo.
5 Cucaah cun vawlei i Khrih a run ah khan,
“Thawinak le pekchanhnak cu na duhmi a si lo,
Ka caah taksa pum tu na ka timhpiak;
6 Khangh thawinak le sual thawinak cu na lawmhmi a si fawn lo.
7 Cu tikah kei nih ka thawh i, ‘Min cazin chungah òial ka si bantukin,
‘Maw Pathian, ngaihmanh,
Na duhnak tuah awkah ka ra,’ ” a ti.
8 A cunglei ah a chim bantukin, “Thawinak le pekchanhnak le khangh thawinak le sual thawinak te hna cu na duhmi a si lo, na lawmhmi a si fawn lo,” (Hi hna hi phung ningin pekchanhmi a si).
9 Cun “Ngaihmanh, na duhnak tuah awkin ka ra,” a ti. A voi hnih thawinak tuah awk caah a voi khat thawinak kha a hrawh.
10 Jesuh Khrih nih Pathian duhning in zungzal caah voi khat lawng thawinak cu a pumsa in a tuah, kannih cu thianter kan si cang.
11 Tlangbawi kip nih nifatin an tlangbawi rianòuan in an dir tawnmi thawinak cu an tuah òhan lengmang; sihmanhsehlaw sualnak cu a hlo kho lo.
12 Sihmanhsehlaw Khrih nih a zungzal ca in sualnak caah voi khat thawinak a tuah i Pathian orhlei ah a hung òhu i
13 cuka cun a ral vialte hna kha a kelamh ah a ser hna hlan tiang a hngah.
14 Zeitintiah voi khat thawinak a tuahmi nih khan a thiantermi hna cu zungzal ca in a tlinter hna.
15 Thiang Thlarau zong nih hitihin a kan hngalhter i a chim:
16 “Hmailei caan ah anmah he ka tuah laimi
Ka biahrennak cu hihi a si:
An lungthin chungah ka phung ka chiah lai i
An ruahnak ah ka òial fawn lai,”
tiah Bawipa nih a ti.
17 Hitihin a ti òhan:
“An sualnak le an tuah palhnak cu
Ka cing ti lai lo,”
18 Hi bantuk sual ngaihthiamnak a umnak ah cun sual thawinak kha a herh ti lo.
19 Cu a si caah cun u le nau hna, Jesuh Khrih thisen thawngin hmunthiang ah cun hnangam tein kan lut kho cang.
20 Cu lam cu a thar le nunnak lam a si i a takpum a simi puanzar a kan hun piak cang.
21 Pathian chungkhar hna caah tlangbawi ngan kan ngei.
22 Cucaah ruahnak òha lo thinlung kha thianter in kan pum kha tifim in i kholh u si law zumhnak fiang he lungtak tein Pathian cu naih u sih.
23 Ruahchannak in kan zumhmi cu lung òe loin i tlaih u sih, zeitintiah bia a kan kamhtu cu zumhtlak a si.
24 Dawtnak le rian òha òuan awkah pakhat le pakhat kan lung thawhternak ding ruat hna u sih.
25 Mi cheu hna nih an thlahthlam bantukin hmunkhat pumh thlahthlam ve hlah u sih, a caan a nai cang ti nan hmuh cio bantukin pakhat le pakhat i forh chinchin ko u.
26 Biatak kan hngal cang ko nain kan sual chih lengmang ko rih ahcun sual thenh thawinak dang a um ti lo;
27 A ralchanmi hna a khangtu meilei òihnung in biaceihnak lawng kha a tang cang.
28 Moses phung a buarmi pa cu biatheitu pahnih pathum bia in zaangfahnak um loin thah a si.
29 Pathian Fapa lamhchihtu le amah thiantertu biahrennak thisen a thurhnawmhtu le velngeihnak Thlarau a thin a phawktu cu zeitluk fak deuh dantatnak dah a in awk a si tiah na ruah?
30 Zeitintiah,
Phuhlam cu keimah ta a si,
Keimah nih ka cham te lai,”
ti le
“Bawipa nih a mi hna cu
Bia a ceih te hna lai,”
a ti tu cu kan hngalh.
31 A nungmi Pathian kut tuar cu òihnung ngai a si.
32 Ceuter nan si hnu i harnak nan intuar lio caan kha philh hlah u.
33 A caan ah zapi hmuh in serhsat le zomhtaih nan si i a caan ah cu bantuk a tem ingmi hna cu nan inpi hna.
34 Thongtlami hna cungah zawnruahnak nan ngei i nan chawva an in ramh hna zongah thanuam tein nan in, zeitintiah a òha deuh le a hmunmi chawva nan ngeih kha nan hngalh.
35 Cucaah lawmhman laksawng tampi a ngeimi nan ralòhatnak cu hlonh hlah u.
36 Zeitintiah Pathian duhnak nan zulh khawh nakhnga le an kamhmi hna cu nan co khawh nakhnga nan lung a sau a herh.
37 “A rauh hlanah a ra laimi cu
A ra lai, a rau lai lo;
38 Ka miding mi hna cu zumhnak in a nung lai
Aa let ahcun a cungah ka lung aa lawm lo,”
39 Sihmanhsehlaw kannih cu aa let i hrawhmi kan si lo; a zum i an nunnak him tein a ngeimi tu kan si deuh.