HEBRU
Mi Hna Sinah Cakuat
1
1 Pathian nih hlanlio kan pupa hna sinah lam tampi le lam phunkip in a profet hna in bia a rak chim;
2 asinain atu caan hmanung bik caan ah hin cun a Fapa in kan sinah a chim. Amah cu zeizong vialte rocotu ah a chiah i vawlei zong hi amah thawng cun a sermi a si.
3 Amah cu Pathian sunparnak in a cer i, Pathian sining kha a ngei i a liannganmi a bia in van le vawlei cu a òhohderh. Sual thianchehnak a tuah dih hnuah cunglei i a Lianngan bik orhlei kamah a òhu.
4 Vanmi nak ngan deuh ah a canter, zeitintiah min a sakmi cu mah hna nakkhan a ngan deuh.
5 Zeitintiah aho vanmi sinah dah Pathian nih,
“Nangmah cu ka Fapa na si,
Nihin ah hin Fapa ah kan ser,” a ti.
A nolh òhan i,
“A caah Pa ka si lai i
Amah zong ka caah Fapa a si lai,”
a ti bal?
6 Cu hleiah hi vawlei cung i fater a rak thlah ah khan,
Amah cu Pathian vanmi vialte nih
bia hna seh,” a ti.
7 Vanmi hna kong ah
“A vanmi hna cu thlitu ah a ser hna,
A miòhi hna cu meizik ah a ser hna,”
a ti fawn.
8 Fapa kong tu ah cun hitihin a chim,
“Maw Pathian, na bawi òhutdan cu
a hmun thluangthluan lai;
Na bawi sinak fung cu a dingmi pennak a si.
9 Dinnak cu na duh i sualnak cu na huat
Cucaah Pathian, na Pathian nih
Na bawile lakah lawmhnak sathau an thuh deuh.”
10 Hiti zong hin a ti fawn:
“Maw Bawipa, a hramthawk ah vawlei hi
Nangmah nih na ser.
Van hna zong khi na kut chuak an si.
11 Cu hna cu an loral te lai nain
Nang cu na hmun zungzal lai,
cu vialte hna cu hnipuan bantukin an hnawh lai i
12 Puan bantukin na zual hna lai i thlen an si te lai.
Nang tu cu nangmah ningkel te na si.
Na nunnak cu a dong bal lai lo.”
13 Sihmanhsehlaw aho vanmi sinah dah,
“Na ral hna cu
Na ke cherhchan i ka ser hna hlantiang,
Ka orhlei kamah ra òhu,” a ti bal?
14 Khamhnak a hmu hngami caah rianòuantu dingin thlahmi thlarau an si lo maw?