1 A donghnak bik ah cun u le nau hna,, Pathian bia cu nan lak i a punzam bantuk khan a karh chin nakhnga le 2 zumhnak kan ngeih cio lem lo caah miòha lo hna le misual hna in kan luat khawh nakhnga thla rak kan campiak u. 3 Sihmanhsehlaw Bawipa cu zumhtlak a si i òhat lonak in an kilven hna lai i an òhawnter hna lai. 4 Kan biapekmi hi nan zulh ko i a zulh zong nan zulh rih ko lai, tiah Bawipa thawngin kan zumh ko. 5 Pathian dawtnak le Khrih ah nan feh nakhnga nan lungthin cu Bawipa nih lam òhihruai ko seh.

6 Cun u le nau hna, kan sinin nan hmuhmi rophung si loin zaangthu in a ummi unau zeimaw hna sinah khan i tel hlah u, tiah Bawipa Jesuh Khrih min in bia kan in pek hna. 7 Zeitintiah nanmah hrimhrim nih kan nun zeitindah nan kan cawn awk a si ti cu nan hngalh, nan sin i kan um lioah khan kan zaang a thu lo. 8 Aho rawl hmanh man loin kan ei lo. Ahohmanh thilrit kan in khinh hna lo nakhnga a chunchun a zanzan in rethei le zaangbang ngaiin kan òuan. 9 Khakha kan tuah lo awk cu a si lo, sihmanhsehlaw nan ziaza caah kan nunnak zohchun awk si kan duh caah a si. 10 Zeitintiah nan sin kan um lio zongah khan hi bia hi kan in pek hna: A òuan lomi paoh cu ei hlah seh. 11 Zeicahtiah nan lak i cheukhat hna cu an zaang a thu, an vak sawhsawh i rian an òuan lo ti kan theih. 12 Cu bantuk mi hna cu dai tein an rian òuan i an ei awk hlawh ve awkah Bawipa Jesuh Khrih min in kan fial hna. 13 U le nau hna, òhatnak tuah nih in simh hna hlah seh.

14 Hi ka cakuat bia a ngai duh lomi cu a ning zahter awkah komh lo dingin i chingchiah hna u. 15 Sihmanhsehlaw ral ah ruat loin unau bantukin chimhring hna u.

16 Daihnak Pathian amah theng nih cun a zungzal in zeizong kong ah daihnak in pe ko hna seh. Bawipa cu nan dihlak cungah um ko seh.

17 Hi biakchawnhnak hi keimah Paul nih keimah kut theng tein ka òial. Hihi ka òialning a si i ka cakuatmi paoh hmelchunhnak a si. 18 Kan Bawipa Jesuh Khrih vel cu nan cungah um ko seh.