4
Pathian Lungtongmi Nun
A donghnak bik ah u le nau hna, Pathian lung tong i nun awk kan sinin nan i lak cang bantuk khan nun chinchin awkah Bawipa Jesuh min in kan in nawl hna i kan in forh fawn hna. Bawipa Jesuh min in zei bantuk dah kan in cawnpiak hna kha nan hngalh. Zeitintiah Pathian nih a duhmi cu nu le pa sualnak i sum i thianghlim tein um hi a si. Ahopaoh nih thiangte le upat tlak in nupi nan òhit awk a si. Pathian hngal lomi lawki hna bantuk hor diriamhnak in um awk a si lo. Hi kong ah hin ahohmanh nih a unau hleng in a cungah thil òha lo tuah hlah seh; cu bantuk a tuahmi hna cungah cun Bawipa cu lehrultu a si tiah kan in theihter cang hna i fak piin ralrinnak kan in pek cang hna. Pathian nih cun thurhnawm i nung ding si loin thiang te i nung dingah a kan auh. Cucaah hi cawnpiaknak zei ah a rel lomi hna cu minung zei rel lo si loin a Thiang Thlarau an petu hna Pathian zeirel lo tu a si.
Nan unau hna dawt awk cu ca in kuat a herh lai lo, zeitintiah Pathian nih pakhat le pakhat nan i dawt awk cu nanmah hrimhrim an cawnpiak cang hna. 10 Cucaah Masidonia ram chung unau vialte zong nan dawt ve taktak ko hna. Cucaah u le nau hna, cuti nun chinchin awk le 11 kan in chimh cang hna bang khan dai tein nun i mah le rian cio mah le kut tein òuan cio awk kha i ruahchih awk kan in forh hna. 12 Cuti a si ahcun a zum lomi hna upat nan tong lai i aho i bochan hmanh nan herh ti lai lo.
13 U le nau hna, ruahchannak zeihmanh a ngei lomi midang hna bantukin nan ngaih a chiat ve nakhnga lo a thimi hna kong hngalh lo i nan um kha kan duh lo. 14 Jesuh cu a thi i a thoòhan ti kan zumh caah a thi cangmi hna zong Jesuh thawngin Pathian nih Jesuh he a thawhter òhan hna lai ti kan zumh. 15 Bawipa bia in hihi kan in chimh hna, a nung ko rihmi, Bawipa rat tiang a tang ko rihmi kannih nih hin a thi cangmi hna cu kan chawhkanh hna lai lo; 16 zeitintiah Bawipa amah hrimhrim cu van in a ngan bik vanmi pa au thawng le nawlpeknak aw fakpi le Pathian muko tum thawng he a rung òum lai. Khrih ah a thimi hna cu an tho hmasa lai. 17 Cun, a aw thawng cun kannih a tangmi, a nung ko rihmi hna cu thli lakah Bawipa don awkin mah hna he cun vanrang ah cawi kan si lai i Bawipa he cun a zungzal in kan um òi cang lai. 18 Cucaah hi bia hin nannih pakhat le pakhat i hnem ko u.