3
1 Kan tuarh ti lo caah kanmah lawng Athens ah tang in,
2 Khrih thawngòhabia ah Pathian miòhi kan unau Timote hi thazang an petu hna le nan zumhnak an bawmtu hna dingin kan rak thlah.
3 Cucu hremnak ruangah nan i let lo nakhnga caah a si. Hi hremnak hna hi kan covo a si kha nanmah hrimhrim nih nan hngalh.
4 Nan sin i kan um lioah khan kan in te lainak kha kan in chimh chung cang hna. Nan hngalh ko bantukin cu ti ning te cun a hung si taktak ko.
5 Cu ruangah cun ka ing kho ti lo i nan zumhnak kha zeidah a lawh ti hngalh duh ah Timote kha ka rak thlah. Tukforhtu nih in tukforh hna in kan retheihnak kha a lak a si sual lai ti ka phang.
Timote Bia In Thazang Laknak
6 Timote cu nan sinin a ra kir òhan cang i nan zumhnak le nan dawtnak thawngpang òha te kha a rak kan phorh. Hmuh kan in duh hna bantukin hmuh nan kan duh ve ning le zeitik paoh ah nan kan philh lonak thawng kha a rak kan chimh.
7 Cucaah cun u le nau hna, kan lung retheih le kan temhinnak ah nan zumhnak nih a kan hnemh.
8 Bawipa ah fek tein nan dir ahcun kannih zong nunchan kan ngei ve cang.
9 Nanmah ruangah Pathian hmai i kan thanuamnak vialte caah zei lunglawmhnak dah Pathian cu kan chimh khawh lai?
10 Nan mui kan hmuh khawh nakhnga le nan zumhnak ah a chambaumi kan chap khawh nakhnga lungtak tein chun he zan he thla kan cam.
11 Kan Pathian le kan Pa hrimhrim le kan Bawipa Jesuh nih nan sin kan phanh khawh nakhnga lam kan awnh hram ko hna seh.
12 Kan in dawt hna bantukin pakhat le pakhat nan dihlakin nan i dawt nakhnga Pathian nih nan dawtnak cu karhter chinchin ko seh.
13 Kan Bawipa Jesuh cu a mithiang hna he a rat tikah kan Pathian le kan Pa hmaiah thiangte le sawi awk um loin nan lungthin cu in fehter ko hna seh.