2
U le nau hna, kan rak in tlawnnak hna kha man ngei lo a si lo ti cu nanmah hrimhrim nih nan hngalh. Filipi khua ah khan tem ing ngai le ningzak in tuahto kan rak si ko nain ralchantu tampi lakah Pathian thawngòha cu kan Pathian ralòhatternak he kan chim kha nan hngalh. Zeitintiah kan rak in lemsoinak hna kha a hman lomi le a thurhnawmmi le hlenthawinak in tuahmi a si lo. Pathian nih thawngòha phor tlak ah a kan ser bantukin, minung lungton awk si loin kan lungthin a kan hneksaktu Pathian lungton awk tu ah kannih zong nih kan chim ve. Faknak le hakkauhnak khuh in bia kan chim bal lo cu nan hngalh; Pathian zong nih a hngalh. Nanmah sinin siseh midang sinin siseh aho thangòhat hmanh kan kawl lo. A nu nih nau dindorh tein a zohkhenh bantukin kannih zong nan lakah cuticun kan um ve. Nan zawn kan in ruah tuk hna caah Pathian thawngòha lawng si loin kan nunnak tiang hmanh hrawm kan in duh hna; zeitintiah kan in dawt hringhran hna.
U le nau hna, kan retheih le kan zaangbangh cu nan hngalh. Pathian thawngòha nan sin i kan chim lioah khan nan caah thilrit kan si nakhnga lo chun he zan he rian kan òuan kha nan hngalh ko. 10 Zumtu nan sinah thiannak le dinnak he palhnak zong ngei loin kan um kha nan hngalh i Pathian zong nih a hngalh. 11 An pa nih a fale cungah a tuah tawn bantukin nan cungah kan tuah; 12 A pennak le a sunparnak ah an autu hna Pathian he aa tlakmi nunnak in nan nun awkah kan in forh hna, tha kan in pek hna i kan in nawl hna kha nan hngalh.
13 Pathian kan thangòhatnak chan a dang zong a um. Kan sinin Pathian bia nan hmuh lioah khan minung bia si loin Pathian a sining taktak khan nan rak cohlan. Cu nih cun zumtu hna nan chung zongah rian a òuan. 14 U le nau hna, nanmah zong Judea ram i Khrih Jesuh ah a ummi Pathian Khrihfabu nuncawngtu nan si: Judah mi hna sinin nan temhin bantukin nanmah zong nan rammi hna sinin nan ing ve. 15 Bawipa Jesuh le profet an thah hna i kannih zong an kan òhawl. Pathian lung an tong lo i a mi kip an ralchanh hna. 16 Jentail mi hna zong khamh an si ve nakhnga an sin i thawngòha chim zong an kan kham. An sual tawn ning te khan an sual chin lengmang ko. A donghnak ah cun Pathian thinhunnak an cungah a phan.
17 U le nau hna, caan tawite chung cu nanmah he kan i òhen, kan mipum kan i òhen nain kan lungthin cun kan i òhen lo, nan mui hmuh lai kan i ngaih hringhran. 18 Rak in tlawn òhan hna kan i tim tawn i keimah Paul hrimhrim hi cu atu le atu kaa tim. Asinain Satan nih a kan kham peng. 19 Kan Bawipa Jesuh a rat òhan tikah kan i ruahchanmi le kan thanuamnak le kan i porhlawtnak luchin cu zeidah a si? Nanmah kha nan si lo maw? 20 Asi, nannih cu kan sunparnak le kan i lawmhnak nan si.