49
Jakob Rovuih Bia
Jakob nih a fapale kha a auh hna i, “I pum u law, hmailei ah nan cungah zeidah a tlung lai ti kha kan chimh hna lai,” a ti.
“Jakob fapa hna, i pum u law
ngai tuah u, nan pa Israel
chimmi cu ngai tuah u.
“Reuben, nangmah cu
ka hrin hmasa bik, ka òhawnnak le
ka thazang theitlai hmasa bik,
ka fale vialte lakah kaa chawr bik
le a òhawng bik na si.
Asinain nangmah cu tilian bantukin
a fek lomi na si caah biapi bik
na si lai lo,
na pa ihkhun cungah na kai i
ka ihkhun kha na thurter.
“Simeon le Levi hi unau an si,
an hriamnam cu thil òhalo
tuahnak ah an hman.
An biathli ah khan kaa tel duh lai lo,
an i pumhnak ah khan
ka um duh lai lo,
zeicahtiah an thin a hun tikah
mi kha an thah hna i
siamsaknak men ah cawtum kha
an tha an pheh hna.
An thinhunnak cu òih a nun tuk caah
an cungah chiatserhnak nih
tlunhnawh hna seh,
an thinlinhnak cu a puarhran tuk caah
chiat nih tlunhnawh ko hna seh.
Jakob ram chungah ka òhek hna lai i
Israel mi lakah ka òhen
dih hna lai.
“Judah, na unau nih an in thangòhat lai.
Na ral cu an hngawng in
na tlaih hna lai;
Na unau hna kha na hmaiah
an kun lai.
Judah cu chiandeih fa
a sasehmi a that i a kua ah
a kir òhanmi a si;
Chiandeihpi bantukin a bawk i
ahohmanh nih an helh ngam
lomi a si. Ref 49.9: Nam 24.9; Biat 5.5
10 A bawifung kha a hler i
a ke le a ke karlak ah a chiah;
a lianhngannak cu, a ngeitu taktak
a rat i, cu nih cun
mi vialte a uk hna hlantiang
amah nih aa chiah ko lai.
11 A laa no kha mitsur ruang,
mitsur ruang òha bik
phun ah khan a hren;
a thilpuan cu mitsur zu
chungah khan a suk,
a sen in a senmi mitsur zu
chungah khan.
12 Mitsur zu a din tuk caah a mit cu
sen tertur in an um i
cawhnuk a din tuk caah a ha cu
vaar vervur in an um.
13 “Zebulun cu rili kamah khua a sa lai,
a rili tlang hna cu lawng dinhnak
hmun an si lai;
a ram cu Sidon tiang a phan lai.
14 “Issakhar cu a òhawngmi laa a si,
asinain a thil phorhmi tom hnih hna
karlak ah khan a bawk.
15 Aa dinhnak hmun kha zeitluk in dah
a òhat ti le, a umnak ram kha
zeitluk in dah a nuamh ti kha
a hmuh tikah a phorhmi thil kha
phorh awkah aa hnek òhan i
sal bantukin rian har a òuanmi ah
a cang.
16 “Dan cu a mi hna uktu a si lai,
A mi hna cu Israel phun cio
bantuk kha an si lai.
17 Dan cu lam pawng i a ummi rul,
sivai òha ngaingaimi rul a si.
Rang ke ah cuk a hmangmi rul a si i
rang aa citmi kha an tla tawn.
18 “Maw Bawipa na khamhnak cu
ka hngak ko.
19 “Gad cu mifir run nih an nam lai,
sihmanhsehlaw amah nih
a rak nam ve hna lai i
a dawi hna lai.
20 “Asher ram ah rawl thawthaw
a chuak lai;
siangpahrang ca i aa tlakmi rawl
a chuak lai.
21 Naftali hi a duh in a tlongmi sazuk,
fa dawhdawh a hringmi a si.
22 “Josef hi laa le a si,
Cerh pawng i a ummi laa le a si,
a fale cu tlangpang ah an um.
23 Sakah thiam nih khan an nam,
an li le an thal he an dawi;
24 Sihmanhsehlaw an li cu a kiak dih,
an baan tha cu a cat dih.
Cu a chattu cu Jakob Pathian Òhawng
lianhngannak le
Israel Lungpi Tuukhal min a si.
25 Nangmah bawmtu cu
na pa i a Pathian,
Nangmah thluachuah an petu
Lianngan Bik Pathian kha a si.
Cunglei van ruah thluachuahnak le
Tanglei ti thuk thluachuahnak le
Hnuk thluachuahnak le
Paw thluachuahnak le
26 Rawl thluachuahnak le
Pangpar thluachuahnak le
Hlan piin a rak ummi
tlang cung thluachuahnak le
Zungzal hmunmi tlang cung i
thil dawh le thil òha
a ummi vialte,
Hi vialte hi Josef lu cungah
i fu hna seh,
A unau hna sinin thleidanmi
cal cungah cun um hna seh.
27 “Benjamin hi sa a seh lengmangmi
cenghngia a si;
Zinglei ah a sehmi kha a ei,
Zanlei zongah a seh ciami kha
a phaw lengmang òhiamòhiam ko.”
28 Hi hi Israel phun hleihnih cu an si i hihi an pa nih a chimhmi hna bia cu a si. Anmah he aa tlakmi cio thluachuahnak kha a pek hna.
Jakob Thihnak le Vuinak
29 Jakob nih annih cu ro a vuih hna i, “Atu cu ka phunhawi hna sinah pumh ka si cang lai i Hit mi Efron lo i a ummi lungkua ah khan nan ka vui lai. 30 Cu lo cu Kanaan ram chung Mamre nichuahlei Makpelah i a ummi a si. Abraham nih khan hi lo cu a lungkua he vuinak hmun caah Hit mi Efron sinin a rak cawkmi a si. Ref 49.30: Gen 23.3-20 31 Cuka hmun ah cun Abraham le a nupi Sarah kha an vui hna; cuka hmun ah cun Isak le a nupi Rebekah kha an vui hna; cuka hmun ah cun kei zong nih Leah kha ka vui. Ref 49.31: Gen 25.9-10, 35.29 32 Kha lo le a chung i a ummi lungkua kha Hit mi hna sinin cawkmi a si,” a ti. 33 Jakob nih a fapale kha cu bantuk kha bantukin nan tuah lai tinak bia kha a chimh dih hna tikah a ke kha ihkhun ah khan a hun fim hna i a phunhawi mi hna sinah khan aa pum ve. Ref 49.33: Lam 7.15