44
Hrai Tlau
Josef nih a inn zohtu kha nawl a pek i, “An phorh khawh zat in an sawngkhoi ah rawl kha rawnh hna law an sawngkhoi ka cio ah an phaisa kha sanh. Cun ngakchia bikpa sawngkhoi kaa ah khan ka ngun hrai le rawl cawknak ca i a tangka kha sanh,” a ti. A chimh bantuk cun a tuah. A thaizing cu zingka tein annih cu an laa hna he khan an kalter hna. Cun khua in lamhla an kal hlanah khin, Josef nih a inn zohtu kha a thawh i, “I tim law va dawi hna. Na phak hna tikah, ‘Zeicahdah thil òha cu thil òhalo in nan kan lehrulh? Zeicahdah ka ngun hrai nan fir? Hi hrai hi ka bawipa nih dinnak ah a hmanmi hrai a si i hmailei ah zeidah a tlung lai ti zohnak i a hmanmi a si. Nan tuahmi hi thil òhalo ngaingai a si!’ na va ti lai,” tiah a ti.
Inn zohtu nih khan a hei phak hna tikah a chim ning te khan a va ti hna. Annih nih, “Hi bantukin bia na chim tikah zeidah na chim duhmi a si, bawipa? Cu bantuk thil tuah ding cu a ruah in kan ruah balmi a si lo. Kan sawngkhoi kaa i kan hmuhmi tangka kha Kanaan ram in na sin i kan rak kirpi òhan kha na hmuh. Zeicahdah ngun siseh, sui siseh na bawipa innchung ta cu kan fir lai? Bawipa, cu thil cu aho kan sin paoh hmanh ah na hmuh a si ahcun, cu pa cu thah si u sih, cun a taangmi cu na sal si u sih,” tiah an leh. 10 Cun anih nih, “Ka hna a tla, asinain ahohmanh cu hrai a cungah hmuh a simi paoh cu ka sal nan si lai, a dang cu nan kal kho ko lai,” a ti. 11 Cucaah khulrang in an sawngkhoi cio kha vawlei ah an òhumh i an kau cio. 12 Josef inn zohtupa nih khan òha tein a kawl, upa bik in aa thawk i ngakchia bik tiang a kawl i hrai cu Benjamin sawngkhoi chungah a hmuh. 13 An ngaihchiat in an puan kha an thleh i an laa cu an thil an chonh hna i khuapi leiah cun an kir.
14 Judah le a unau pawl Josef inn an va phak ah khan Josef cu a rak um ko rih. A hmaiah an kun i 15 Josef nih cun, “Zeidah nan tuah? Keimah bantuk minung nih hin cun litin in nan umtuning ka hngalh khawh dih kha nan hngal lo maw?” a ti. 16 Judah nih aa thawh i, “Bawipa, na sinah zeidah kan chim khawh rua hnga! Zeitindah kan i hlihphuah khawh rua hnga. Pathian nih kan sualnak kha a phuan cang, bawipa. Kan dihlak in pei dik na sal kan si ko lai, na hrai an hmuhnak pa lawng si loin,” a ti. 17 Josef nih cun, “Si hlah, si hlah, cuticun kan ti hna hnga lo. Ka hrai an hmuhnak pa lawng kha ka sal a si ko lai. A dang cu nan pa sinah himte le dam tein nan kal ko lai,” a ti.
Benjamin Caah Judah Nih A Nawl
18 Judah nih Josef cu a hei fuh i, “Bawipa, na sinah luat tein biachimnak nawl ka zaangfah tuah. Bawipa, ka cungah na thin hung hlah, nangmah cu Faro bantuk hrimhrim na si ko. 19 Bawipa, nangmah nih na kan thawh i, ‘Pa nan ngei maw, unau dang nan ngei maw?’ tiah na kan hal. 20 Kannih nih, ‘Bawipa, pa pakhat kan ngei i a tar cang; cun nau ngakchia kan ngei i cu pa cu a tar hnu i a hrinmi a si. Cu ngakchiapa i a u cu a thi i an nu i a hrinmi hna lakah amah lawng cu a nungmi a si; a pa nih cun a dawt ngaingai,’ tiah kan in leh. 21 Cun bawipa, na kan thawh i, ‘Hika ah hin ratpi u law hmuh ka duh,’ na kan ti. 22 Cun kannih nih, ‘Ngakchiapa nih cun a pa cu a kaltak kho lai lo, a kaltak ahcun a thi lai,’ tiah kan in chimh. 23 Cun naa thawh i, ‘Nan nau hniang bik nan i ratpi lo ahcun nan ka tong kho lai lo,’ na ti.
24 “Cun ka pa na salpa sin i kan va kir tikah na chimmi kha kan chimh. 25 Cun aa thawh i, ‘Va kal òhan u law rawl tlawmpal tal in va kan cawkpiak u,’ a ti. 26 Kannih nih, ‘Kan kal kho lai lo, zeicahtiah kan nau hniang bik nih a kan zulh lo ahcun mipa kha kan tong kho lai lo. Kan nau hniang bik aa tel lawnglawng ah kan kal kho lai,’ kan ti. 27 Kan pa nih cun, ‘Ka nupi nih fapa pahnih a ka hrinpiak ti cu nan hngalh. 28 Pakhat nih cun a ka thihtak cang. Ka ruahnak ah sa nih a seh i a thlehbauh dih òheo lai, ka ti, kha ri khan ka hmu ti lo. 29 Cun atu cu hi pa hi nan i kalpi i a thih sual ahcun kei ka kum caah hin cun cu ngaihchiatnak nih cun thlan khor a ka phakter ko lai,’ a ti.
30-31 “Cucaah cun bawipa, ka pa sinah ka va kir i ka pa nih ngakchiapa kha ka sinah a rak hmuh lo ahcun, cu cangka cun a thi ko lai. Kan pa nunnak cu hi ngakchiapa nunnak he hin aa òemòawn tuk. Tlangvalpa hi kan sinah aa tel lo a hngalh ahcun a thi ko lai i na salle nih hin na salpa kan pa sampar cu ngaihchia in Sheol ah kan liamter ko lai. 32 Cun bawipa, na salpa keimah nih hin hi ngakchiapa caah hin ka nunnak in ka pa sinah bia kaa kam i, na sinah ngakchiapa hi ka rak kirpi òhan lo ahcun, na hmaiah mawhchiatnak cu ka nun chung vialte ka in lai, ka ti. 33 Cucaah cun, bawipa, ngakchiapa ai ah hin keimah hi na sal ah hika ah hin ka um lai, anih tu hi a ule hna he kir hna seh. 34 Zeitindah ngakchiapa tel loin ka pa sinah ka kir ngam lai? Òhat lonak ka pa cung i a tlun hmuh lai kha a ngamh in ka ngamh lo,” a ti.