41
Josef Nih Faro Mang A Leh
Kum hnih a liam hnuah khin Faro nih mang pakhat a manh i a mang ah cun Nail Tiva kamah khan a dir. Cu lioah cun tiva chung khan caw thau pasarih an hung chuak i hluang lakah khan an tlong. Cun a dang caw pasarih tiva chung cun an hung chuak ve; annih cu der òiakòuak in an um. An ra i tiva kamah khan caw thau pasarih hna pawngah khan an dir. Cun caw der nih khan caw thau pasarih kha an ei hna i cun Faro cu aa hlau. Aa hngilh i mang a manh òhan. A mang ah cun rawlkung pakhat chung hin favui pasarih an chuak i an fang kha a khat i an hmin. Cun a dang favui pasarih an hung chuak ve òhan i cu hna cu nichuahlei thli nih a chemmi bantukin thep selsul in an um. Thep selsul in a ummi favui nih khan a ngan i a khimmi favui kha an dolh hna. Faro cu a hun i òhang i a mang a si. A thaizing ah cun a khuaruah a har i cucaah cun Izipt ram chung camhthiam le mifim vialte kha a kawh dih hna. A mang cu a chimh hna, asinain ahohmanh nih a sullam an lehpiak kho lo. Ref 41.8: Dan 2.2
Cu tikah zu bawi nih khan Faro cu, “Nihin ah hin ka palh cang ti kha na sinah ka phuan a hau. 10 Na sal hna kan cung i na thin a rak hun ah khan changreu sertu upa bik le keimah kha inn cawngtu hna haotu bawi inn ah thong ah na rak kan thlak. 11 Zan khat cu mang kan manh veve i kan mang cu sullam an ngei veve. 12 Kan sinah cun Hebru tlangval note pakhat, inn cawngtu hna haotu bawi a simi sal kha a um ve i kan mang cu kan chimh. Amah nih cun kan mang cu a kan lehpiak i an sullam cu a kan chimh veve. 13 A chimning bantuk tein thil cu an hung si taktak: kei kha ka umnak hmun ah chiah ka hung si òhan i changreu sertu kha thlai a hung si,” a ti.
14 Faro nih cun Josef cu a auhter hna i khulrang in thong chung cun an chuah. A khahmul aa meh dih le a thil aa thlen dih in Faro hmaiah cun a rung lut. 15 Faro nih khan Josef cu a thawh i, “Mang ka manh i ahohmanh nih an let kho lo. Nangmah nih hin mang cu na leh khawh tiah an ka chimh,” a ti. 16 Josef nih cun, “Keimah leh khawh bia a si lo, Pathian nih Faro cu a òhami lehnak a pek lai,” tiah a leh. 17 Faro nih cun aa thawh i, “Mang pakhat ka manh i ka mang ah cun Nail tiva kamah hin ka dir. 18 Tiva chung cun caw thau pasarih an hung chuak i hluang lakah cun an tlong. 19 Cun caw dang pasarih a der òiakòuak pipi khi an hung chuak ve. Izipt ram chung i ka hmuhmi hna lakah a der bik le a òhalo bik an si lai. 20 Caw der nih cun caw thau kha an ei dih hna. 21 Asinain an ei dih hna hnu zongah cun an ei hna hlan bantuk khan an der òhiamòhiam ko caah ahohmanh nih an ei hna ti awk an hngal kho lai lo. 22 Cun mang ka manh òhan i ka mang ah cun facang kung pakhat chungin favui pasarih a fang a khat i a hminmi, an hung chuah kha ka hmuh. 23 Cun a dang favui pasarih an hung chuak ve i cu hna cu nichuahlei thli nih a chemmi bantukin thep selsul in an um. 24 Favui chia pasarih nih cun favui òha pasarih kha an dolh hna. Ka mang cu camh thiammi kha ka chimh hna, sihmanhsehlaw a ka lehpiak khotu ahohmanh an um lo,” a ti.
25 Josef nih khan Faro cu a thawh i, “Na mang pahnih kha an sullam aa khat; Pathian nih a tuah ding kha an chimh. 26 Caw thau pasarih kha kum sarih an si, favui òha pasarih zong kha kum sarih an si òhiamòhiam; an sullam cu aa khat ko. 27 Cun caw der pasarih hnu deuh i a hung chuakmi le nichuahlei thli nih thep selsul in a chemmi favui chia pasarih zong kha mangòam kum sarih an si ve. 28 Pathian nih a tuah laimi kha an hmuhsak tiah kan ti bantuk te khan a si. 29 Izipt ram chungah hin ngeihpi kum kum sarih a tlung lai. 30 Cu hnuah cun pam kum sarih a tlung lai i pam nih khan Izipt ram cu a hrawh dih lai caah kum òha kum vialte kha an philh dih hna lai. 31 A hun zultu hna mangòam cu a fah tuk hringhran lai caah thil tampi a rak um lio caan kha philh rumro in philh a si ko lai. 32 Faro nih voi hnih tiangtiang in na manh cu, hi thil hi Pathian nih a ruah cang i a rauh hlanah a tlunter lai tinak caah a si.
33 “Cucaah nangmah nih mi pakhat a fim i a thiammi, Izipt ram zohkhenhtu dingah hin na thim a hau. 34 Cun hi ram chungah hin bawi chia hna law ngeihpi kum kum sarih chungah hin rawl a chuakmi vialte cheu nga cheu khat kha la hna seh law 35 a ra laimi kum òha kum sarih chungah hin rawl vialte kha pum hna seh. Cun nangmah nawl pekning in òuan hna seh law khuapi chungah khan rawl cu khong hna seh law cawng hna seh. 36 Cu rawl cu Izipt ram cung i a tlung laimi mangòam kum sarih chungah hin khonmi ah a cang lai i cuticun Izipt ram chung mi hi mangòam chungah hin ahohmanh an thi lai lo,” a ti.
Josef Kha Uktu Ah A Cang
37 Cu bia cu Faro le a bawi pawl kha an hna a tla i 38 annih cu a thawh hna i, “Hi bantuk mi hi a dang khuazei ah dah kan hmuh khawh ti hna lai, Pathian thlarau nih a umpimi hi?” a ti. 39 Cucaah Faro nih Josef cu, “Pathian nih hi vialte cu nangmah kha an hmuhsak caah nangmah nakin hngalhnak a ngei deuhmi le a fim deuhmi an um ti lo. 40 Ka ram zohkhenhtu ah hin nangmah cu kan chiah lai i na bia kha a mi kip nih an ngaih lai. Nangmah nakin ka ngan deuhnak cu siangpahrang òhutdan cung òhutnak kong lawngah hin a si lai,” a ti. Ref 41.40: Lam 7.10 41 Cun Faro nih khan Josef cu, “Nangmah hi Izipt ram vialte uktu ah kan chiah hi na hngal ko lo maw,” a ti. 42 Faro nih cun a minkhenhnak kutdonghrolh kha aa phoih i Josef kutdong ah cun a hrolh; la hmangòhia puan dawh ngaingai kha a aihter i a hngawng ah sui òhi a oih. Ref 41.42: Dan 5.29 43 Siangpahrang rangleng pahnihnak ah khan a citter i a cawngtu hna kha a hmai in an kal i, “Lam kian u,” tiah an au. Cuticun Josef cu Izipt ram vialte uktu bawi ah khan ser a si. 44 Faro nih Josef cu, “Keimah hi siangpahrang cu ka si; Izipt ram chung a dihlak ah hin ahohmanh nih nangmah nawl loin an kut hmanh an hler lai lo i an ke zong an cawi lai lo,” a ti. 45 Josef cu Zafenath-paneah min a sak. Cun nupi a òhitpiak i a nupi cu, On khua tlangbawi Potifera fanu Asenath a si. Josef cu Izipt ram chungah khan cuticun nawl a ngei.
46 Izipt ram siangpahrang Faro kut tang i rianòuan hram aa thawk ah khan Josef cu kum 30 a si. Siangpahrang cu khualtlawnnak nawl kha a hal i Izipt ram chung khuazakip ah khan aa chawk. 47 Ngeihpi kum kum sarih chungah khan ram chung i rawl a chuakmi cu a tam ko. 48 Izipt ram chung i rawl tampi a um lio kum sarih chungah cun Josef nih khan rawl vialte cu a pumh i khuapi chungah khan a khon hna. Khua pakhat chungah khan anmahle an pawngkam cio i a ummi lo chung rawl cio kha a khon hna. 49 A khonmi rawl cu a tam tuk hringhran i rilikam thetse bantuk a si. Rawl cu a tam tuk hringhran i rel cawk a si ti lo caah a rel hmanh an rel ti lo.
50 Mangòam a tlun hlanah khan Josef nih cun On khua tlangbawi Potifera fanu Asenath he khan fapa pahnih an hrin hna. 51 Josef nih cun, “Pathian nih ka temhinnak vialte le ka pa innchungkhar chung mi vialte kha a ka philhter dih hna,” tiin a fapa hmasa bik cu a min ah Manassehl MANASSEH ti bia hi Hebru holh i philh ti bia he an awchuah aa lo. a sak. 52 Cun, “Harnak ka innak ram ah Pathian nih fa a ka pek,” tiin a fapa pahnihnak cu Efraimk Efraim ti bia hi Hebru holh i fa pek ti bia he an awchuah aa lo. a sak.
53 Josef nih a rak chim bantuk te khan Izipt ram ah a tlungmi ngeih kum kum sarih kha a hung dong i 54 mangòam kum sarih cu aa thawk. Ramdang ah cun mangòam a tlung dih, sihmanhsehlaw Izipt ram chungah cun rawl a um. Ref 41.54: Lam 7.11 55 Izipt ram chung mi vialte cu an rawl a hung òam tikah Faro sinah cun rawl cu an hal. Anih nih Izipt mi cu a thawh hna i, “Josef sinah va kal u law a chimning paoh in va tuah u,” a ti hna. Ref 41.55: Jhn 2.5 56 Mangòam nih ram cu a pum piin a hlanh tikah Josef nih rawl khonnak inn vialte kha a hun hna i rawl cu Izipt mi kha a zuarh hna; mangòam kha Izipt ram chungah cun a fak ko cang. 57 Cun mangòam cu vawlei cung khuazakip ah a fah ngaingai caah vawlei cung khuazakip in Josef sin i rawl cawk awkah khan Izipt ram ah cun an ra.