35
Jakob Thluachuah A Pek
1 Pathian nih Jakob cu a thawh i, “I tim law Bethel ah kal law cuka ah cun va um. Cun na u Esau sinin na zam lio i na sin i a langmi Pathian caah khan cuka ah cun biakòheng pakhat in va ser,” a ti. Ref 35.1: Gen 28.11-17
2 Cucaah Jakob nih cun a innchungkhar le a sin i a ummi kha an dihlak in, “Nan i chiahmi ramdang pathian kha hlonh dih hna u; i thianh u law thil thiang i hruk u.
3 Hika hmun hi kan chuahtak lai i Bethel ah kan kal lai, cuka ah cun harnak ka in caan le khuazeika ka kalnak hmanh i a ka umpitu Pathian caah khan biakòheng pakhat ka ser lai,” a ti hna.
4 Cucaah an i chiahmi ramdang pathian vialte le an i tonhmi hnatonh vialte kha Jakob cu an pek i Shekhem pawng i a ummi kuhthing toiah khan a thuh hna.
5 Jakob le a fapa hna cu kal awk i an i thawh tikah khan, an pawngkam khuami hna cungah cun òihnak nganpi a tlung i cucaah an dawi ngam hna lo.
6 Jakob cu a mi vialte hna he Kanaan ram khua Luz cu an phan (Luz cu Bethel a si).
7 Cuka ah cun biakòheng pakhat a ser i cuka hmun cu a min ah Bethel a sak; zeicahtiah a u sinin a zam lioah khan khaka hmun ah khan a sinah Pathian a lang.
8 Rebekah umtu Deborah kha a thi i Bethel khua thlang i kuhthing tangah cun an vui. Cucaah “Òahnak kuhthing” tiah min an sak.
9 Jakob cu Mesopotamia ram in a hung kir òhan tikah khan Pathian cu a sinah a lang òhan i thluachuah a pek.
10 Pathian nih cun a thawh i, “Na min cu Jakob a si, sihmanhsehlaw atu ri hin cun na min cu Israel a si cang lai,” a ti. Cucaah Israel ti a si. Ref 35.10: Gen 32.28
11 Cun Pathian nih amah cu, “Keimah cu Lianngan Bik Pathian ka si. Fa tam piin ngei hna. Tefa tampi na ngei lai i a cheu cu siangpahrang an si lai. Na tefa cu an tam tuk lai caah miphun tampi ah an cang lai. Ref 35.11-12: Gen 17.4-8
12 Abraham le Isak ka pekmi hna ram kha nangmah kan pek lai i cu ram cu na hnu i a ummi na tefa hna zong cu ka pek hna lai,” a ti.
13 Cun Pathian nih an i chawnhnak hmun ah khan Jakob cu a kaltak i vancung ah a kir òhan.
14 Cuka ah cun Jakob nih rolung pakhat a bunh i a cungah cun din awk thawinak a toih i chiti zong a toih. Ref 35.14-15: Gen 28.18-19
15 Cuka hmun cu a min ah Bethel a sak.
Rachel A Thi
16 Bethel khua cun an i thawh i Efrathah khua in hla nawn an si rih lioah khin, Rachel cu a nau ngan a fak i a zualhma ngaingai.
17 Cu ti i a ngan a fah lioah cun, nau hlawmtu nu nih khan, “Na thinphang hlah, fapa na ngei òhan,” a ti.
18 Cun a thaw hmanung bik sinah cun, a cahpah khin, “Ben-onih 35.18a Ben-oni ti cu ka vanchiatnak fapa ti a si. run ti u,” a ti, asinain a pa nih cun, Benjamini 35.18b Benjamin ti cu vanòhatnak fapa asiloah orhlei kut fapa tinak a si. tiah a min cu a sak.
19 Rachel cu a thi i Efrathah lei kalnak lam ah khan an vui. Efrathah cu Bethlehem ti a si cang.
20 Jakob nih a thlan ah cun philh lonak lung pakhat a phun i cu “Rachel Lungphun” cu atu tiang hin cuka ah cun a um.
21 Israel cu a va lan i Eder innsang ralchan ah khan a riahnak hmun cu a ser.
Jakob Fapa Hna
(1Cha 2.1-2)
22 Israel kha cu ram i a um lioah cun Reuben nih khan a pa nupi pakhat Bilhah cu a ihpi. Cu kong cu Israel nih khan a theih i a thin a hung ngaingai. Ref 35.22: Gen 49.4
Jakob fapa cu hleihnih an si:
23 Leah fa ah Reuben, Jakob fapa upa bik, Simeon, Levi, Judah, Isakhar le Zebulun an si.
24 Rachel fa ah Josef le Benjamin an si.
25 Rachel salnu Bilhah fa ah, Dan le Naftali an si.
26 Leah salnu Zilpah fa ah, Gad le Asher an si. Hi hna hi Jakob nih Mesopotamia ram ah a hrinmi an si.
Isak Thihnak
27 Jakob cu a pa Isak sin kha a phan, Isak cu Mamre ah khan a rak um i Mamre cu Abraham le Isak an rak umnak khua a si, (Mamre cu Kiriath-arba ti zongah ti a si, Hebron ti zongah ti a si). Ref 35.27: Gen 13.18
28 Isak cu a thih ah kum 180 a si,
29 Tar tlung nung in a mi hna cu thihnak ah khan a fonh hna i a fapa Esau le Jakob nih khan an vui.