34
Dinah An Tlaihhrem
Jakob le Leah nih an hrinmi an fanu Dinah kha cu rammi nu cu a leng hna. Cuka ram bawi Shekhem, Hiv mi Hamor fapa nih khan a hmuh tikah a tlaih i a ihpi i a min a chiatter. A lungthin cu Jakob fanu Dinah cung lawngah cun a um i ngaknu cu a dawt i bia thlumthlum in a chawnh. Cun a pa cu, “Ngaknu cu ka òhitpiak,” tiah a nawl.
Jakob nih a fanu a min a chiatter kha a theih, asinain, a fapale kha ramlak ah caw an khal i an um lo caah an ra kir hlan cu zeihmanh tuah loin a um. Shekhem pa Hamor cu Jakob he bia vaa ruah awkah khan a va kal i cu lio te ah cun Jakob fapale zong cu ramlak khan an ra tlung. Shekhem nih cu bantuk thil òhalo a tuah i Jakob fanu a sualnak thawngin Israel mi a serhsat hna kha an theih tikah a lau in an lau i an thin a khenh ngaingai hna. Hamor nih khan a thawh i, “Ka fapa Shekhem nih na fanu cu a duh, cucaah cun a nupi ah kan pe ko. Òhitumnak in hmunkhat i a òang òimi ah i cang u si law kannih nih na fanu kha kan òhit hna lai i nannih nih kan fanu kha nan òhit ve hna lai. 10 Cun kan sinah kan ram chungah hin khua nan sa ve lai i nan duhnak hmun paoh ah nan um lai, nan duhduh in chaw nan let lai i nan ngeihmi thil kha nan ta a si lai,” a ti. 11 Cun Shekhem nih cun Dinah pa le a òale cu a thawh hna i, “Hi te hi cu ka zaangfah ko u law nan duhmi paoh kha kan pek ko hna lai. 12 Zei laksawng dah nan duh, man zong nan duh zat in hau ko u; amah kha nan ka òhitter paoh ahcun nan ka halmi paoh cu kan pek ko hna lai,” a ti.
13 Jakob fapa pawl nih cun, Shekhem nih an farnu Dinah kha a thang a chiat caah bia an leh hna tikah Shekhem le a pa cu an hlen hna. 14 An thawh hna i, “Kan farnu cu cuarpar tan lomi pa cu kan vatter kho lo; kan vatter a si ahcun kan caah thangchiatnak a si hnga. 15 Kan hna a tlak khawh nakhnga dingah thil pakhat lawnglawng a um i cucu pa vialte nan cuarpar nan i tan lawngah a si hnga. 16 Cu tikah cun kan fanu cu nan kan òhit hna hnga i kannih zong nih nan fanu cu kan in òhit ve hna hnga. Nan sinah khua kan sa hnga i miphun phun khat ah kan cang hnga. 17 Asinain kan chimmi cu nan duh lo i cuarpar nan i tan lo ahcun, kan farnu cu kan i lak lai i kan kal ko lai,” an ti.
18 An chimmi cu Hamor le a fapa Shekhem nih cun a òha ko tiah an ruah i 19 Jakob fanu cu a duh ngaingai caah an chimmi cu khulrang in a tuah. A innchungkhar lakah amah cu biapi bik a simi a si.
20 Khua hauka pumhnak hmun ah khan Hamor le a fapa Shekhem cu an va kal i an khuami cu, 21 “Hi hna hi kan cungah miòha an si; kan ram chungah hin umter ve hna u si law an duhduh in khualtlawng ko hna seh. Kan ram nih hin a tlum khawh ve ko hna lai. An fanule kha òhi hna u sih, annih zong nih kan fanule kha òhi ve hna seh. 22 Asinain hi mi hna kannih he miphun phun khat an si khawhnak ding cu anmah bantukin kan cuarpar kan i tan ve lawngah a si. 23 An saòil le an chawva le an caw hna cu kan ta an si lai. Cucaah kan lakah um ve ko hna seh ti cu kan hna tla cio ko u sih,” an ti hna. 24 Hamor le Shekhem nih an chimmi cu khuami vialte kha an hna a tla i pa vialte kha an cuarpar an i tan dih.
25 Cu hnu ni thum, an zual ling te ah khin, Jakob fapa pahnih Simeon le Levi, Dinah òale nih khan, an nam an i lak riangmang i a thli tein khuachung ah cun an lut i pa vialte kha an thah dih hna. 26 Hamor le a fapa Shekhem kha an thah hna i Shekhem inn khan Dinah cu an lak i an kal. 27 An farnu a thang an chiat caah cun Jakob fapa a dang nih khan a ngan a fakmi cu an tuk hna i khuachung i thil sunglawi deuh paohpaoh kha an lak dih. 28 Khuachung i a ummi thil he ramlak i a ummi thil he an lak dih hna § an saòil run le laa le thil kip kha an lak hna. 29 An chawva vialte kha an lak, nu le ngakchia pawl vialte kha an tlaih hna i inn chung i a ummi thil vialte kha an i kalpi dih.
30 Jakob nih Simeon le Levi cu, “Harnak chungah nan ka paih ai; atu cu hi ramchung mi vialte Kanaan mi hna le Periz mi hna nih an ka huat cang. Kei cu mi tampi a ngeimi ka si lo, cucaah cun hi hna vialte hi an i fonh dih i an ka tuk ahcun, keimah he ka innchungkhar dihlak he an kan hloh ko lai,” a ti. 31 Sihmanhsehlaw annih nih, “Kan farnu kha hlawhhlang bantukin tuah cu kan ing kho lo cu ta,” tiah an leh.