33
Jakob le Esau An I Tong
1 Jakob nih Esau minung 400 he an rat kha a hmuh i cucaah ngakchia kha Leah, Rachel le salnu pahnih kha a phawt hna.
2 Annih le an fale kha hmaisuang ah a chiah hna, cun Leah le a fale nih khan an hun chan hna i Rachel le Josef cu hnu bik ah a chiah hna.
3 Jakob cu an hmaiah khan a kal i a u a phak hlanah voi sarih vawlei ah a kun.
4 Esau tu nih cun a hun zuanhnawh i a kuh i a pom i a hnamh. An pahnih in an òap.
5 Esau cu a hnuhmai a hun i mer i nu le ngakchia kha a hmuh hna tikah, “Hi na sin i a ummi hna hi mi zeidah an si?” tiah a hal. Jakob nih, “Bawipa, hi hna hi Pathian nih a ka zaangfahmi ka fale an si,” tiah a leh.
6 Cun salnu kha an fale he an ra i an kun;
7 cun Leah le a fale kha an si; cun a hmanung bik ah Josef le Rachel kha an si i an ra kun ve.
8 Cun Esau nih, “Bu dang ka tonmi hna kha tah? Zei sullam dah khakha a si?” a ti. Jakob nih, “Na ka zaangfah khawh nakhnga ca i ka rak thlahmi an si, bawipa,” tiah a leh.
9 Esau nih cun, “A zaa in ka ngei ko, ka nau; na ta cu nangmah caah i chiah ko,” tiah a ti.
10 Jakob nih, “Cuticun si hin hlah seh. Na ka zaangfah a si ahcun kan pekmi laksawng cu ka cohlanpiak ko. Hi tlukin ka cung i na òhat caah na hmai hmuh hi ka caah Pathian hmai hmuh tluk a si.
11 Nangmah caah ka rak phorhmi ka laksawng cu ka cohlanpiak ko hna; Pathian nih a ka zaangfah i ka herhmi vialte kha a ka pek ko,” a ti. Aa lak hlan lo a nawl lengmang.
12 Esau nih cun, “I tim u si law kal u sih. Kei nan hmaiah ka kal lai,” a ti.
13 Jakob nih cun, “Bawipa, ngakchia cu thazang an ngeih lo le kan tuu le kan caw kha an fale hna he ka ruah hna awk a herh kha na hngalh. Fak tuk in kan kalpi hna ahcun, ni khat hmanh a si ah, a run ningin an thi ko lai.
14 Cucaah cun ka bawipa, rak kan kaltak ko. Hnu in duhsah in ka run in zulh lai. Seir i kan in phak hlantiang kan kal khawh chungin ngakchia le caw hna he ti cun kan ra ve ko lai,” a ti.
15 Cun Esau nih, “Ka mi hi tlawmpal in kan chiahtak kun lai,” a ti. Sihmanhsehlaw Jakob nih, “Cucu na ka zaangfah caah a si taktak ko, bawipa, asinain a herhnak a um lai lo,” tiah a ti.
16 Cucaah Esau cu, cu ni ah cun Seir leiah cun a kir òhan.
17 Jakob tu cu Sukkoth leiah khan a kal i cuka ah cun amah ca i inn le caw ca i dornak thlam kha a sak hna. Cu ruangah cuka hmun cu a min ah Sukkothf 33.17 Sukkoth cu dornak inn ti a si. ti a si.
18 Jakob cu Mesopotamia ram khan a ra kir i Kanaan ram chung khua Shekhem kha him tein a phan. Khua hmailei i a ummi lo ah khan riahhmun cu a khuar.
19 Cu lo cu Shekhem pa Hamor tefa hna sin khan ngun tangka 100 in a cawk. Ref 33.19: Jos 24.32; Jhn 4.5
20 Cuka ah cun biakòheng pakhat a ser i a min ah El-Elohe-Israel,g 33.20 El-Elohe-Israel cu Pathian, Israel Pathian ti a si. a sak.