31
Laban Sinin Jakob A Zaam
Laban fapa hna nih, “Kan pa ngeihmi vialte Jakob nih aa lak dih cang. A chawva vialte cu kan pa ta in aa lakmi an si,” tiah an ti thawng kha a theih. Cun Laban zong nih hmasa i a rak umtuning bantuk khan um ti loin a umtuning cu aa dang cang ti zong kha a hmuh. Cun Bawipa nih khan, “Na pupa hna le na rualchan hna ram ah khan kir cang. Na sinah ka um lai,” a ti.
Cucaah Jakob nih Rachel le Leah cu bia a hei cah hna i a saòil run an tlonnak pil ah khan ka tong hna seh a ti. Annih cu a thawh hna i, “Nan pa umtuning hi hmasa i ka cung i a umtuning bantuk kha a si ti lo; sihmanhsehlaw ka pa Pathian nih cun a ka umpi ko. Ka thazang a dih-umnak in nan pa ca i rian ka òuan cu nan pahnih in nan hngalh. Asinain a ka hlen i ka hmuh awk hnga kha voi hra a ka hlen. Sihmanhsehlaw ka cung i òhat lonak tuah cu Pathian nih a onh lo. Laban nih, ‘Meheh lak i a òial paoh na rianòuan man ah si hna seh,’ a ti ah, saòil run vialte nih a òial lawng tein fa an hrin. ‘Òial hrawl in a òialmi meheh cu na rianòuan man ah si hna seh,’ a ti ah saòil run vialte nih òial hrawl lawng tein fa an hrin. Pathian nih saòil run tampi kha nan pa sinin a lak hna i keimah a ka pek.
10 “Saòil phol caan ah mang ka manh i ka mang ah cun a kaihtu hna meheh tum kha òial hrawl in a òialmi le, òial dip in a òialmi le a deh in aa dehmi an si kha ka hmuh. 11 Cu ka mang ah cun vancungmi nih a ka thawh i, ‘Jakob,’ a ka ti i, kei nih, ‘Hawi,’ ka ti. 12 Cun, ‘Zohhmanh, a kaihtu hna mehehtum vialte khi a òial le òial hrawl in a òialmi le a deh in aa dehmi an si khih. Hi bantukin thil ka siternak cu Laban nih na cung i a tuahmi vialte kha ka hmuh caah a si. 13 Kei cu Bethel khua i na sin i a langmi Pathian kha ka si, Bethel khua cu rolung pakhat chiti na toih i keimah sinah biakamnak na sernak khua kha a si. Cucaah atu cu i tim law na chuahkehnak ram i kal awkah hi ram hin chuak tuah’ a ka ti,” tiah a ti hna. Ref 31.13: Gen 28.18-22
14 Rachel le Leah nih cun, “Kan pa sinin kan co hnga dingmi thil zeihmanh a um ti lo. 15 Kannih cu ramdang mi in pei a kan zoh ko cu. A kan zuar i kan man a hmuhmi vialte cu a hman dih. 16 Pathian nih kan pa sinin a lakmi chawva vialte cu kanmah le kan fale ta a si ko cang. Pathian nih an fialning paoh in tuah ko,” tiah an leh.
17-18 Cucaah Kanaan ram i a ummi a pa sin kir awkah khan Jakob cu aa tim. A fale hna le a nupi hna kha kalauk cungah a chuan hna i Mesopotamia ram i a ngeihmi chawva vialte he a saòil run vialte cu a hmaiah a kalter chung hna. 19 Laban cu a tuu hmul meh ah khan a kal i a um lo karah a pa ta a simi an chungkhar pathian hna kha Rachel nih a rak fir hna. 20 Jakob nih Aramean mi Laban cu a hlen i a kal lai kha a chim lo. 21 A ngeihmi thil vialte kha aa lak i a zaam. A chuak i Zufrates tiva kha a tan i Gilead Tlanglei kha a fuh.
Laban Nih Jakob A Dawi
22 Ni thum hnuah Jakob a zaam ti kha Laban cu an chimh. 23 A mi kha aa kalpi hna i Jakob cu an dawi, ni sarih hnuah Gilead Tlang ah a phanh. 24 Cu zan ah cun Aramean mi Laban sinah khan Pathian cu mang in a ra i, “Jakob sinah hronak bia na chim nakhnga lo i ralring,” a ti. 25 Jakob cu tlang ah khan a rak riak i Laban nih cun a hun phanh. Laban zong cu Gilead Tlang ah cun a riak ve.
26 Laban nih Jakob cu a thawh i, “Zeicahdah na ka hlen i ka fanule cu ral tlaihmi bangin naa kalpi hna? 27 Zeicahdah na ka hlen i keimah chimh lo tein na kal? Rak ka chim law cu lunglawmhnak le hla le tingtang le thonglawi he ka rak in thlah hnga lo maw. 28 Ka tu tete hna le ka fanule hmanh, dam tein vaa kal cang kun u tiin a hnamh hmanh na ka hnamhter hna lo. Hi na tuahmi ah hin na va hrut hringhran dah! 29 Na cungah hin harnak ka duh ahcun ka tlunter khawh ko. Asinain zahan ah na pa Pathian nih, ‘Jakob sinah hronak bia na chim nakhnga lo i ralring,’ tiah a ka ti. 30 Inn tlun naa ngaih tuk cang caah na kal ti cu ka hngalh, asinain zeicahdah ka pathian kha naa fir hna?” a ti.
31 Jakob nih cun, “Ka thin a phannak cu na fanu hna kha hramhram in na ka chuh sual hna lai ti ka ruah caah a si. 32 Cun hika i a ummi aho sin hmanh ah na pathian cu na hmuh hna ahcun, cu pa cu thah a si lai. Kan mi hna hmuh hngan te ah hin, na ta a simi paoh cu kawl law i lak hna,” tiah a leh. Rachel nih a fir hna kha Jakob nih a hngal lo.
33 Laban cu Jakob thlam chungah khan a lut i a kawl; cun Leah thlam chungah khan a lut, cun an salnu pahnih hna thlam chungah khan a lut, sihmanhsehlaw a pathian cu a hmu hna lo. Cun Rachel thlam chungah khan a lut. 34 Rachel nih khan an innchungkhar pathian kha rak la hna kaw cucaah cun kalauk kengdan chungah a chiah hna i an cungin a òhut nenh hna. Laban nih cun thlam cu a kawl dih, sihmanhsehlaw a hmu hna lo. 35 Rachel nih a pa cu a thawh i, “Bawipa, na hmai i ka dir khawh lo caah hin ka cungah na thin hung hlah, nuphung ka hngalh lio a si caah a si,” a ti. Laban nih cun a kawl len hna nain a innchungkhar pathian tete cu a hmu kho hna lo.
36 Cun Jakob cu a thin a pok cang i Laban cu, “Zei sualnak ko dah ka tuah i zei phung ko dah ka buar i hiti i na ka kawl le na ka suat? 37 Ka ngeihmi thil vialte cu na thlok dih cikcek hna, na innchungkhar thil a simi zeital na hmu hna maw? Na mi hna le ka mi hna hmaiah hin chia law, ahodah a ding, ahodah a ding lo, kan ceih hna seh. 38 Na sinah kum kul ka um i na tuu nih si hna seh na meheh nih si hna seh fa an hrulh bal lo, na tuurun chungin na tuukawng zong ka ei bal hna lo. 39 Sa nih tuu pakhatkhat a seh tikah, keimah palh ruangah a si lo, tiin a ruak cu na hmuh awkah na sinah ka ratpi bal lo, keimah nih ka liam ko. Chun i firmi siseh, zan i firmi siseh na liam hna lai na ka ti. 40 Chun ah nilin voi tampi ka in i zan ah khuasik voi tampi ka in. Kaa hngilh khawh lo caan voi tampi a um. 41 Cuticun na sin i kum kul ka um chung kha a si zungzal ko. Na fanu pahnih hna caah kum hleili kan rianh i na saòil run hna caah kum ruk kan rianh. Cu na hmanh cun ka hmuh hnga ding ka òuan man kha voi hra te na ka thlen. 42 Ka pa Pathian Abraham Pathian, Isak nih a biakmi Pathian nih khan rak ka umpi hlah seh law kut ro in na ka kalter ko hnga. Asinain Pathian nih cun harnak ka inmi le ka rianòuanmi kha a hmuh i zahan ah bia a kan ceih cang,” a ti.
Jakob le Laban Biakamnak
43 Laban nih Jakob cu a leh ve i, “Ka fanu hna hi keimah ta an si, ngakchia hna hi keimah ta an si, saòil run hna hi keimah ta an si. Na hmuhmi vialte hi keimah ta an si dih. Asinain atu cu ka fanu hna le an fale hna caah zeidah ka tuah khawhmi a um? 44 Biakamnak tu ser u si law cu bia kan i kammi kan lung a kan pem tawntu ah lungpumh pakhat ser u sih,” a ti.
45 Cun Jakob nih philh lonak lung pakhat a bunh i 46 a mi kha lung va khawm u a ti hna i an va khawmh i a hram ah cun an pumh hna. Cun lungpumh hramah cun rawl an ei. 47 Laban nih khan cu lungpumh cu Jegar-sahaduthaz ARAMAIK holh a si i, hngalh òhantertu lungpumh ti a si. tiah min a sak i Jakob nih cun Galeed tiah min a sak. 48 Laban nih cun, “Hi lungpumh hi nangmah ca le keimah caah hngalh òhantertu si seh,” a ti. Cu ruangah cun cu hmun Galeeda HEBRU hloh a si i hngalh òhantertu lungpumh ti a si. an tinak cu a si. 49 Cun Laban òhiamòhiam nih cun, “A dangdang i kan um tikah Pathian nih kan zohkhenh ciocio seh,” a ti fawn. Cucaah cu hmun cu Mizpah b MIZPAH ti hi Hebru holh i vun zohnak hmun ti biafang he an awchuah aa lo. tiah ti a si. 50 Laban nih cun aa thawh òhan i, “Ka fanule hi òhaòhilo in na tuah hna ah siseh, nu dang na òhit hna ah siseh, keimah nih cun ka hngal lai lo nain Pathian nih a run kan zoh ko kha philh hlah,” a ti. 51 Cun Laban nih Jakob cu, “Hi hna hi kan karlak i ka pumhmi hna lung cu an si i hihi philh lonak lung cu a si. 52 Hi lungpumh le hi philh lonak lung hi hngalhter òhantu an si. Nangmah doh awkah hi lungpumh hi ka lonh lai lo i nang zong nih keimah doh awkah hi lungpumh le hi philh lonak lungphun hi na lonh ve lai lo. 53 Abraham Pathian le Nahor Pathian cu kan karlak biaceihtu si seh,” a ti. Cun Jakob nih khan a pa Isak nih a biakmi Pathian min in biakamnak a tuah. 54 Sa pakhat a thah i tlang cungah cun raithawinak ah a pek i a mi hna kha rawl ei awkah cun a sawm hna. An ei dih hnuah cu zan cu tlang ah cun an riak. 55 A thaizing cu zingka tein Laban nih khan a tu tete hna le a fanu hna cu dam tein vaa kal cang u tiin a hnamh hna i aa thawh i inn leiah a kir.