27
Jakob Nih Thluachuah A Co
Isak cu a tar cang i a mit khua a hmu ti lo. A fapa upa deuh Esau kha a auh i, “Ka fapa,” tiah a ti i, Esau nih, “Hawi,” a ti. Isak nih cun a thawh i, “Ka tar i ka thi chom cang lai. Cucaah cun na hriam, na li le na thal kha i lak hna law ram va vai law sa va ka kahpiak. Cun ka duh tawnmi rawl kha thaw tein ka chuanpiak law ra ka pe. Ka ei lai i ka thih hlanah ka thluachuahnak hmanung bik cu kan pek lai,” a ti.
Isak nih a fapa Esau bia a ruah cu Rebekah nih khan a rak ngaih hna. Esau cu a pa ram vaihpiak awk i a kal tikah, Rebekah nih khan Jakob cu a thawh i, “Tu naite ah khan na pa nih Esau cu, ‘Sa ka kahpiak law rawl ka chuanpiak. Ka ei lai i ka thih hlanah Bawipa hmaiah ka thluachuahnak cu kan pek lai,’ a ti kha ka theih. Cucaah cun ka fapa, ka bia ngai law kan chimhning paoh in tuah. Mehehrun lakah khan va kal law meheh no a thaumi pahnih in va ka lakpiak, cun ka chuan hna lai i na pa nih a duhmi rawl ah khan ka ser hna lai. 10 Na pa cu na hei chanh lai i a ei lai i a thih hlanah a thluachuahnak kha an pek lai,” a ti.
11 Sihmanhsehlaw Jakob nih cun a nu cu, “Esau cu mi hmulruh a si i kei cu micuarnal ka si kha na hngalh. 12 Ka pa nih ka tawng sual seh law ka hlen kha a hngalh lai; cucaah cun thluachuahnak cu chim loin chiatsernak tu ka cungah kaa tlunter sual hnga maw,” a ti. 13 A nu nih cun, “Ka fapa na cung i chiatsernak naa tlunter sual a si le cu chiatsernak cu keimah cung tu ah tlung ko seh. Ka chim bantuk hin va tuah ko, va kal law meheh cu va ka lakpiak ko hna,” a ti. 14 Cucaah cun a va kal i a sinah cun a ratpi hna i a pa nih a duhmi rawl ah khan a chuan hna. 15 Cun Rebekah nih Esau thil òha bikbik, an inn chung i a chiahmi kha, a lak hna i Jakob kha a aihter hna. 16 Meheh phaw cu Jakob kut le a hmul a um lonak a hngawng ah khan a benh hna. 17 Cun thaw ngaingai in a chuanmi rawl le changreu a sermi cu a pek.
18 Cun Jakob cu a pa sinah cun a vung kal i, “Ka pa,” tiah a vun ti i a pa nih, “Hawi,” tiah a rak leh. “Ka fapa pahnih lak i aho deuh kha dah na si?” tiah a ti i 19 Jakob nih cun, “Na fapa upa deuh Esau kha ka si. Na ka chimhmi kha ka tuah cang. Tho law ka rak in putmi sa hi ei law thluachuahnak cu ka pe tuah,” tiah a leh. 20 Isak nih cun, “Zeitindah cu tluk khulrang in na hmuh khawh, ka fapa?” tiah a ti i Jakob nih, “ Bawipa na Pathian nih a ka bawmh caah a si,” tiah a leh. 21 Isak nih Jakob cu, “Rak ka naih deuh law kan tawng tuah lai. Ka fapa Esau na si taktak maw si taktak lo?” a ti. 22 Jakob nih khan a pa cu a hei naih i a pa nih cun a rak tongh i, “Na aw cu Jakob aw a si òung, na ban cu Esau ban a si òung,” a ti. 23 Jakob cu a ban kha Esau ban bantukin a hmul caah a hngal kho lo. A thluachuahnak kha pek a vun i thawk cang nain 24 aa thawh òhan i, “Ka fapa Esau na si taktak maw?” a ti òhan. “Ka si ko,” tiah a leh. 25 Isak nih cun, “Na sa cu rak ka pe. Ka ei lai i ka thluachuahnak cu kan pek lai,” a ti. Jakob nih cun a hei pek i din awkah mitsur zu zong a pek chih. 26 Cun a pa nih cun a thawh i, “Rak ka naih deuh law ka hnam tuah ka fapa,” tiah a ti. 27 Hnamh awkah a hei fuh i Isak nih khan a puan kha a rak hnimh i a thluachuahnak cu a pek:
“Ka fapa rim hi Bawipa nih thluachuah a pekmi
lo rim bantuk a si. Ref 27.27-29: Heb 11.20
28 Pathian nih van dap kha in pe seh law
na lo kha òhatser hna seh.
Rawl tampi le mitsur zu tam piin
in pe seh.
29 Miphun tampi cu na sal si hna seh
law na hmaiah kun hna seh.
Na rualchan hna cungah
nang cu bawi si law
Na nu tefa hna cu na hmaiah
kun hna seh
Chiat an serhmi cu
chiatserh si ve hna seh,
Thluachuah an pemi cu
thluachuah si ve hna seh,” a ti. Ref 27.29: Gen 12.3
Esau Nih Isak Thluachuah A Hal
30 Isak nih a thluachuahnak a pek cu a lim i Jakob cu a kal kate ah khin, a u Esau kha a ram vaihnak cun a rung tlung. 31 Amah zong nih cun rawl cu thaw ngaiin a chuan i a pa cu a hei put. A pa cu, “Ka pa, tho law na fapa nih ka rak in putmi sa cu ei law na thluachuahnak cu ka pe tuah,” tiah a ti. 32 Isak nih cun, “Ahodah na si?” tiah a ti. “Na fapa upa deuh Esau ka si,” tiah a leh. 33 Isak cu a therh in a therh i, “Ahodah sa aa thah i a rak ka pemi kha a si kun? Na rat hlan deuhte ah khan pei ka rak ei cu. Amah cu ka thluachuah donghnak kha ka pek cang i cucaah amah ta a si zungzal ko lai,” a ti. 34 Cucu Esau nih a theih tikah fakpi le lunghno ngaiin a òap i, “Kei zong na thluachuahnak cu ka pe ve ko,” tiah a ti. 35 Isak nih cun, “Na nau kha a ra i a ra ka hlen a si ko. Amah nih cun na thluachuahnak cu aa lak ko cang,” tiah a leh. 36 Esau nih cun, “Atu hi a voi hnihnak a ka hlen a si. A min Jakob a si hi a rak si awk hrim pei a si hi. Fater ka sinak kha aa lak i atu cu ka thluachuahnak zong kha aa lak fawn. Thluachuahnak cu pakhat tal na ka nganh ti lo maw?” a ti. Ref 27.36: Gen 25.29-34 37 Isak nih cun Esau cu a leh i, “Amah cu nangmah bawi ah ka ser cang i a rualchan vialte cu a sal ah ka ser cang hna. Rawl le mitsur zu kha ka pek cang. Na ca i ka tuah khawh ding zeidah a tang ti i, ka fapa?” a ti. 38 Esau nih a pa cu ngol duh loin a nawl chih lengmang i, “Ka pa, thluachuahnak cu pakhat lawng maw na ngeih ko? Kei zong ka pe ve ko,” a ti i fak piin a òap. Ref 27.38: Heb 12.17
39 Cun Isak nih cun a thawh i,
“Vawlei rumnak na caah a um ti lo,
Van dap na lo caah a um ti lo. Ref 27.39-40: Heb 11.20
40 Na vainam in na nung lai i
na nau sinum na si lai.
Asinain na doh ve tikah
Na hngawng i a hngawngkual cu na khiah lai,” a ti. Ref 27.40: Gen 36.8; 2Sia 8.20
41 A pa nih Jakob kha thluachuahnak a pek caah cun Esau nih Jakob cu a huat i a lungchung in, “Ka pa cu va thi deng cang kaw, a zun ngaih kan lim cun Jakob cu ka thah lai,” tiah a ti. 42 Sihmanhsehlaw Rebekah nih khan Esau nih aa tinhmi cu a theih i cucaah Jakob kha a auh i, “Ngai hmanh, na u Esau nih phuhlam an timh i thah an timh. 43 Cucaah cun ka fapa, kan chimhning in tuah. I tim law ka òa Laban sinah Haran khua ah va zam. 44 Amah sinah cun na u a thin a dam i 45 a cung i na tuahmi a philh hlantiang va um. Cun mi ka hun thlah hna lai i na ra kir òhan te lai. Zeicahdah ka fapa nan pahnih tein ni khat ah nan ka thihtak hnga?” a ti.
Isak Nih Jakob Cu Laban Sinah A Kalter
46 Rebekah nih Isak cu a thawh i, “Esau nih a òhitmi hna ramdangmi a nupile nih hin an ka nor tuk hringhran. Jakob zong nih Hit mi hi a òhit ve sual ahcun, ka caah thih hmanh a òha deuh,” a ti.